نوفيلا قلب بارد بقلمي مروة البطراوي ج٢من الفصول

الفصل الثاني نظرت يسر إلى منة بحسرة وشعرت أنها تساهم في تعذيبها عندما استمعت إلى نجية وهي تسرد على شبل المحادثة بينها وبين منة ولكن بطريقه تحمل في طياتها الكذب والخداع. شعرت يسر أنها تحمل ثقل في صدرها وترددت أتخبر منة أم لا؟، رفعت أنظارها إليها وجدتها سعيدة، ولكن كيف تنظر إليها فيما بعد ستشعر بالخزي لأنها لم تخبرها. حدثت نفسها قائلة: أنا عارفة إني مش هقدر أبص في وشها تاني، خصوصًا إن حماتي أكيد هتقولها إني كنت عارفة. ساعدني يا رب لازم أعرفها وأفهمها. وجدت يسر أن تقسو على منة وتخبرها الحقيقة بدلًا من اللين حتى تعلم هي مع من تتعامل، وأن هذا زواج لابد من توضيح كل شيء لشبل وعدم إخفاء أحد منهم شيئًا عن الأخر، حتى لا تخوض في تجربة مثلها. وعلى شبل أن يعيطيها فرصة للدفاع عن نفسها من الافتراءات التي باتت معلقة في أذنيه، حتى لا تكون شبيهة ليسر أخرى. وينطفئ نورها ويظلم وجهها. احتضنتها لكي تبارك لها وأجلستها بجوارها بالداخل حيث يقام الفرح النسائي، لتبتلع ريقها قائلة: فرحانة يا منة؟، خلاص خوف الصبح راح صح؟، ولا كل ده علشان بابا ميزعلش، قولي يا منة متخافيش أنا هقف جمبك بس بالعقل مش بالجنان. عقدت منة ما بين حاجبيها قائلة: أنا مش خايفة على فكرة، بس أنتِ خايفة صح؟، خايفة من ايه يا يسر؟، وايه سر مساعدتك ليا؟ أنتِ كنتي الصبح خايفة وبتقنعيني إن شبل كويس. زفرت يسر بيأس قائلة: بصي يا منة هكلمك بصراحة. مكالمة حماتي ليكي، اتنقلت لشبل. صح أنتِ مغلطيش، بس هي قالت كلام تاني غير اللي أنتِ قولتيه. مطت منة شفتيها بلا مبالاة قائلة: طب ما هو ده العادي والمتوقع منها يا يسر. العيب بقا على اللي يصدقها، وأعتقد إن شبل بعد وقفته لجوزك النهارده أكيد هيقف ليها وجامد كمان. اضطرت يسر أن تبوح بكل ما سمعته فاعتدلت تستدعي الكلام قائلة بخوف من رد فعل منة: مقدرش يا منة، شبل مقدرش. رده عليها أنه مصدقها. في مثل بيقول العيار اللي ميصبش يدوش، وأهي عرفت تضرب العيار، يا ريتك ما رديتي عليها. جحظت منة بعينيها غير مستوعبة ما تقوله يسر لتهتف مستنكرة:كفايى يا يسر. أصلًا كلامك ده معدش منه فايدة، حتى لو كنتي قلتيه من ساعة، بس كويس إنك عرفتيني إن الراجل اللي هيتجوزني بيصدق فيا الغلط. سألتها يسر بتوجس وخوف: هتعملي ايه يا منة؟، هتواجهيه صح؟، بس افرضي ثبت على موقفه؟، هتخسري قدامها زي ما أنا خسرت. اوعي يا منة تبقي زيي في يوم من الأيام. ردت عليها منة بجمود: أنا هعطيه درس عمره ما هينساه. هعرفه إنه زي ما رباني على أيده واختارني بإرادته مش مغصوب عليا زي ما بيقول، يبقا يثق فيا. وضعت يسر يدها على وجهها بخوف قائلة: يعني هتعملي ايه بالظبط؟، هتتعاركي معاه؟، يا منة اسمعيني هو بيحبك بعكس أخوه. اضحكي عليه بكلمتين العند مش حلو، أقولك احكيله أنتِ على المكالمة. هتفت منة بلا مبالاة: لا يا حبيتي، أنا مش مطلوب مني أبرر أفعالي ولا حتى مكالمة تليفون، كده هيشك إني غلطت فعلًا، لكن لما يشوفني قوية هيفهم إني على حق. أخذت يسر تصفق مثل البلهاء للتي ترقص أمامها قائلة بخوف: أنتِ شكلك هتخربي على نفسك. وأنا اللي خفت عليكي وجريت أقولك علشان يبقا عندك رد مقنع لو حاسبك عليه. طلعتي شكلك مستنية غلطة. تنهدت منة بتعب قائلة: تعرفي يا يسر أنا اللي كان مصبرني على الجوازة دي شبل، وهو اللي كان مقويني وأنا برد عليها النهارده في التليفون، بس للأسف طلع أضعف مني. ردت يسر بحجة تنافي عقلها الضعيف قائلة: يعني كنتي عايزاه يعمل ايه؟، يا منة اللي ملوش خير في أمه ملوش خير في حد. وبعدين ما يمكن بيهاودها علشانها أمه برضه ومينفعش يقف قصادها. عبست منة مصممة على ما تود فعله بشبل، وأظلمت عينيها لا تدري من استمع إليهما الآن، ألا وهو شقيق شبل الذي رسم خطته سريعًا أن يغصب أحمد أن يسرد حديث كاذب على عمه، وإلا سوف يقوم بضربه ضربًا مبرحًا. إشارة تحذيرية واحدة لأحمد جعلته يذهب مغيبًا إلى شبل. لطالما شبل يصدق أحمد بقلبه، ليقوم بقتل الفرحة في قلب شبل شقيقه، ولا يستطيع أحد إنقاذ منة من براثن الشبل. لا يعلم أنه يقوم بتنفيذ جريمة من أعظم الجرائم ألا وهي تخريب بيت زوجية لم يتأسس بعد. يطعنهما وبقسوة، ويدمي قلبيهما، حتى لا يسمح لهما بالنعيم الذي يتنافى مع قانون نجية. قد نصل بأفعالنا المهينة إلى خلق جيل خالي من القيم والمبادئ. لا نعلم أننا سنكون سر خلق شخصيتهم. إذا ارتقينا سنقودهم نحو الارتقاء، مثل ما يفعلا منة وشبل نحو أحمد يقودانه نحو التنوير. غفلا كلا من منة وشبل عما يدور من حولهما ولم يكن لديهما فكرة أن ليث يخطط مخططه الأخير. سيحدث شرخ في علاقتهما. وصل إلى الفرح العديد من الناس وانشغل بهم شبل وظافر والجميع. العرس الذي تمناه شبل منذ سنوات، ولكن عندما تحقق لم يستطع الحصول على فرحته، إلى الآن هو ما زال في وعيه ولكن بعد قليل سيهتز كل شيء. الإنسانة التي يعتبرها ويعتبر نفسه كيان واحد منذ أعوام. يعيد ترتيبها ويمنحها الثقة ويتيح لها التعليم، هي أيضًا اعتبرته فارسها المغوار. يرفض أي مصدر يغيره نحوها ويقلبه عليها عدا مصدر واحد سيثق به وبشدة. ذلك المصدر يخضع له خضوعًا تامًا، يعتبر حديثه يقينًا، لم يعلم أنها كانت أخر تجربة يضعه فيها ليث. جلس أحمد بجوار شبل يحاول تسميع ما حفظه له ليث قائلًا: عمي، بدي أجولك شيء سمعته دلوجت من أمي وخالتي، أنا خابر إن الفتنة حرام، وأنت علمتني اكده، بس مش قادر مجولش ليك، لأني عحبك. لم يستمع له شبل لانشغاله بلحظة خروجها من القاعة فهز أحمد بكتفيه لوالده ليعلمه أن عمه لم يستمع إليه ليزغره ليث ليفعلها مرة أخرى شد الصبي شبل من جلبابه لينتبه إليه شبل وقد ظن أنه يريد الذهاب معه إلى الحمام، فرح أحمد لذلك لأنه سوف يسرد الحقيقة بعيدًا عن والده ولكن تبعهما ليث ليظلا تحت أنظاره لينظر الصبي إليه بقلة حيلة قائلًا لعمه على مضض: عمي، أنا ما عايزش أدلا الحمام. أنا عاوز أجولك على اللي سمعته من خالتي وأمي من شوي، والكلام اللي جالوه على جدتي واللي عيعملوه فيها. قطب جبينه قائلًا: كلام ايه عاد يا أحمد؟، وبعدين أنا مش جولتلك سابق الفتنة حرام عاد، وحرام تتصنت على حد، والكلام اللي يدور في بيت جدك ميتجالش في حتة تانية. هز الصبي رأسه متفهمًا أن كلام عمه صحيح، ولكن ما باليد حيلة فصمم مستكملًا حواره حتى ينفذ من العقاب قائلًا: مش عايزك تعرف يا عمي بعد اكده وتزعل، هما جالوا كلام عفش على جدتي وإنهم عيضربوها زي ما ضربت أمي. كمان سمعت خالتي عتجول إنها عتكرهك وعتحب زميلها في الجامعة. بالتأكيد سرد أحمد لهذا يجعله حقيقة بالنسبة لشبل فهذا طفل نقي بعيد عن شوائب البشر، بالإضافة إلى أنه هو الذي قام بتربيته. 'شارة واحدة من ليث لأحمد جعلته يترك شبل بمفرده يعيد ترتيب الكلام في عقله، ليحدث نفسه قائلًا: اكده يا منة أنتِ ابتديتي والبادي أظلم. عتحبيلي عيل من ولاد البندر؟، يبجا كلام أمي وأخوي صوح، وإنك عتخلعي من الجوازة بأي طريقة. ثم أقسم بداخله قائلًا: لع يا بت عمي، ياللي عتفضلي بت عمي لغايه ما أعلمك الأدب، والله لعخليكي تطلبي السماح ومش عسامحك واصل. بجا أني تعملي اكده امعاي؟ شردت منة في كلمات يسر ونفت بعقلها الرزين أن يكون شبل اقتنع بحديث نجية وقالت في نفسها: لا، استحالة شبل يكون صدقها. أكيد كان بيسكتها، وطبعًا زى ما يسر بتقول لو هيقف قدام الكل مش هيقف قدامها على العموم أنا هبقى عادية معاه وهشوف. نظر إليها أحمد بحزن يعلم ما سوف يحدث لها من عمه، سب نفسه كيف تسرب كذبًا من بين شفتيه. غريب هذا العالم نلوم أولادنا ونتهمهم بالحماقة غير مدركين أننا سببها. تفاجئ أحمد بنظرتها الحنونة وهي تجذبه من ذراعه الصغير نحوها ليصبح أمامها. رفعت كلتا يديها تضعهما على كتفيه كأنها تتحدث إلى رجل وليس طفلًا. حركة إمساكها به أشعرته بالخزي، وهو من ساهم منذ قليل في تدميرها. حركة بسيطة جعلته يقول: أنا مش راجل يا خالتي، أنا عيل، وغلطت غلطة كبيرة، وعايزك تسامحيني عليها، ومتسألنيش هي ايه، لأني مش هقدر أقولك عليها. عقدت جبينها اندهاشًا لما يقوله هذا الصبي وما أن استوعبت ما قاله، فحاولت أن تسأله لتتفاجئ أنه فلت من بين يديها ليدخل شبل في هذه اللحظة ليأخذها إلى بيته لترفع رأسها مبتسمة إليه ولكنه قابل ابتسامته بقلب بارد. صعد بها إلى الجناح الخاص بهما والذي يتكون من غرفتين وأدخلها قاعة النوم الخاص بها وتركها دون أن ينبت بشفة، استغربت بروده وجلست على حافة الفراش محدثة نفسها من ساعة ما رجعت من القاهرة وأنت حالك متبدل، ومش عايز تقولي مالك، ولما قلت مش عايزاك رجعت وقلت عايزني، مش معقول هتعاقبني على مكالمة أمك ليا، وأنت عارف كويس إنها تقصد توقع بينا. يبقا زى ما توقعت في سر في كلام أحمد ولازم أعرفه، بس لازم أواجهك الأول حتى ولو على حساب كرامتي يا ابن عمي. إن كان يستطيع أن يواجهها منذ البداية ما كان تركها ودلف إلى غرفة أخرى ولكنه خشي النظر إلى عينيها، إنما هي تستطيع وبقوة لأنها تريد معرفة أصل الحكاية، فلابد من معرفة ما خلف كلمات أحمد. هو بداخله أشياء مبعثرة، وهي عليها معرفتها. بأخر إجازة لها قبل أن تنتهي دراستها كان يتحجج بكثرة العمل، ولكن السر يكمن في والدته وشقيقه. لن تنتظر حتى يخبرها بنفسه وفي الموعد الذي يريحه، ستخبره بكل ما تشعر به، لأنها غير قادرة على التحمل أكثر من ذلك وعلى تجاهله لها. انتفضت من مكانها كمن لدغتها حية وتوجهت إلى الغرفة الأخرى، وجدته نائمًا على فراشه مستكينًا غير مبالي بأي شيء، واضعًا يده فوق رأسه ليعلم أن ثورتها قد بدأت لينهض ينظر لها بغضب قائلًا: جرا ايه يا بت عمي؟، في حد يدخل اكده عاد من غير لا إحم ولا دستور، كأنك داخلة الزريبة إياك!، ولا العيشة في البندر نستك الأصول؟ اندهشت لتلفظه بكلمة ابنه عمي!، أين منه حبيبتي فانتفضت بغضب قائلة: وأنا يعني دخلت فين؟، أنا دخلت أوضة جوزي، جوزي اللي فرحه عليا النهارده وسابني في أوضة لوحدي، كأنه قرفان مني. هو في ايه بالظبط مالك؟ تأرجح الشيطان في عقل شبل ليتفوه بما يضمره قائلًا: هجولك في ايه، في إن أنتِ الصبح كنتي عتهربي وتجرسينا، وبعديها اتعديتي على أمي بالحديت في التلفون، وأخرة المتمة عايزة تضروبيها لأنك مش عاجبك عيشتك إياك وعايزة تروحي تعيشي مع واد البندر الصايع. فرجت منة شفتيها مما يتفوه به لتتذكر كلمات أحمد الأخيرة وتفهمها جيدًا أنها وقعت في فخ مكتمل لتحاول أن تدافع عن نفسها قائلة: يعني أحمد لما قالي أسامحه علشان كده، أحمد اضطر يكذب ويقول كلام مش صح في حقي علشان خايف من ليث، بس مش مهم أحمد، المهم أنت، إزاي صدقت كل ده عليا؟ كاد أن يقتنع بحديثها ويحن قلبه ولكن صوت عقله كان جامحًا فرد عليها بفظاظة قائلًا: اسمعيني عاد، أنا اللي مربي واد أخوي مش بوه، ولو خايف منيه عيجولي إنه عيكدب، بس لع، هو مش بيكدب. أنتِ اللي كدابة وخاينة، بس أنا عدفعك تمن خيانتك وعتفضلي زوجة مع إيقاف التنفيذ وإياك حد يعرف عننا شيء، وعجبلك ضرة وعتكون بت خالي توحيدة وعيكون منها كل أولادي، أما أنتِ عحكم عليكي تكون أرض بور، خدامة اهنيه لأمي. نظرت له بأسف وجمعت نفسها المبعثرة مثل خصلات الشعر الثائرة بسبب قراراته التعسفية في حقها وهرعت إلى الغرفة الأخرى قبل أن تنهار قواها أمامه. وقف ينظر في أثر ها مندهشًا لصمتها ورحيلها، أيعقل أنه قسى عليها ولذلك صمتت، أم أنها بالفعل مخطئة وليس لديها ما تدافع به عن نفسها. سطعت شمس يوم جديد لتنزعج على صوت خبطات على باب جناحها، لتنتفض وتظبط من هندامها حتى لا يعلم أحد بما حل بها أمس. هرعت إلى الغرفة الأخرى لتجده غير موجود، فحمدت ربها، وأغلقت الغرفة بإحكام حتى لا يتثنى لأحد بمعرفة شيء. كانت تتوقع أن الطارق والدته، ولكنها ما أن فتحت حتى وجدت من تسحبها من رجليها ألا وهي أبرار ابنة يسر وليث لتبتسم وتجلس على عقبيها تحتضنها وتدغدغدها لتضحك الصغيرة قائلة: وحشتيني يا خالتو، بس أنتِ مش بقيتي عروسة؟، أنتِ رجعتي تاني مش عروسة؟، خالتو علشان خاطري ارجعي البسي الفستان والطرحة تاني. ابتسمت منة للصغيرة وقبلتها كثيرًا على برائتها لتعلو بجسدها وتحتضن يسر بشدة، لتفهم يسر أن سر الاحتضان ذلك كبير، لتغلقا باب الجناح عليهما، وأخذت أبرار تمرح أمامهما، لتنظر يسر إلى منة منتظرة أن تسمع ما حدث، فابتسمت منة بوجع قائلة: باين كده يا يسر كلامك كله طلع صح، حماتك قدرت تلعبها وبالجامد أوي، ومكفهاش كده، سلطت ليث على أحمد يكذب على شبل. خبطت يسر على صدرها شاهقة تقول: هو ليث عملها؟، أتاري الواد أحمد عمل على نفسه امبارح، يا حبيبي يا ابني، منك لله يا ليث أنت وأمك، طب والعمل يا منة؟، شبل بيحب أحمد وبيصدقه. لاحظت يسر انتباه أبرار عليها لتشك أنها تنقل أخبارها إلى نجية خوفًا منها، فأخذت منة إلى الغرفة وأغلقت الباب قائلة لمنة: مش عارفة ليه قلبي حاسس إن حماتك بتخلي البت أبرار تنقلها الكلام، العالم دي مش هتسيبنا في حالنا، هيضيعوا العيال معاهم، المهم شبل عمل معاكي ايه؟ ابتسمت منة بمرارة قائلة: هيعمل ايه يعني؟، هيقولي مش مصدقهم وهيسمع ليا!، لا طبعًا. هو كان السيف والجلاد يا يسر، حلف ما يلمسني ولا يكون لي زوج. غضبت يسر قائلة: وأنتِ طبعًا ما صدقتي!، أه ما هو عرق الكبرياء واخداه من أمنا. تقدرى تقوليلي أمك أخدت ايه؟، أهي ماتت بحسرتها، مش قادرة يا خايبة عليه؟ جزت منه على أسنانها قائلة: الراجل اللي ميدافعش عن مراته يبقا ميستحقهاش، وهو باللي ناوي يعمله بيهيني ويهين كرامتي، وأنتِ عايزاني أعمل زيك؟، تقدري تقوليلي أنتِ أخدتي ايه؟ ابتسمت يسر بخبث قائلة: أخدت عقله يا ختي، كفاية أوي، واللي بتعمله حماتك ممنوش فايدة، عارفة ليه؟، بكره أنا وأنتِ ناخد مكانها، خليها تزعزع وتفرع. أنتِ كده خلتيها تفرح فيكي. هزت منة رأسها رافضة لحديث يسر قائلة: مش هتفرح. عارفة ليه؟، لأن مسير الحق هيبان وهيعرف إنها كدابة، المشكلة مش فيها، المشكلة في أحمد احنا لازم نخليه يقوله إنه اضطر يكذب. هزت يسر رأسها بتفهم قائلة: أنا هتصرف، بس اسمعيني هو نزل من شوية قدامنا وكان مبين إنه عادي، عايزاكي لما يرجع تبقي كويسة معاه وبلاش تفتحي سيرة الكلام ده. تحت الشجرة التي كانايلتقيا بجواراها، كان شاردًا فيما قالته بخصوص أن أحمد اضطر للكذب فحدث نفسه قائلًا: كيف أحمد عيكدب عليا في موضوع اكده. يكون زى ما منة جالت إنه خاف من ليث. أنا خابر إن ليث بيكره منة، بس كيف عيخلي ابنه يعمل اكده؟ رد على نفسه قائلًا: بس منين منة عرفت إنه عيكذب عليا، يبجا شافته وهو عيتسمع عليهم، ولما عرفت إنه عينجل الكلام جامت مجيمة القيامة عاد واتهمت الصغير. جاء ليث في هذه اللحظات ليستكمل بخ سمه ليقول بسخرية: حد يجعد في الأرض اكده يوم صباحيته عاد، طب أني يوم صباحيتي فضلت متشعلج في السرير عاد، وبوك جعد يمسخرني كيف الحريم. نهض شبل وزفر بحنق ولم يرغب في الرد على سخرية ليث فتركه ورحل. في هذه الأثناء أعلمت يسر والدها بما حدث لمنة، ليتصل على منة وبعد الاطمئنان عليها قال: منة يا بتي أني خابر إن الموضوع عنديك واعر قوي، بس أنتِ جدها وجدود. المرحومة أمك على قد كرامتها الكبيرة بس كانت خابرة كيف تراضيني صوح وتضحك عليا بكلمتين. ردت عليه منة بغضب قائلة: أنت السبب في كل اللي حصل لأمي وموتها بحسرتها. قعدت تسمع لكلام عمي ومراته لغاية ما دمرتها، لا ومش كفاية اللي حصل رايح تجوزنا لأولادهم علشان احنا كمان نموت بحسرتنا زي أمنا. أنا مش عايزة منك حاجة، معنتش تكلمني قعدت تقولي هبقى في ضهرك، أهو أول مشكلة عرفتها بدل ما تحلها بتقول اعقلي، منين أجيب العقل؟، هو أنت خليت فيها عقل أنت وأولاد أخوك. وقامت بإغلاق الهاتف في وجه والدها وقذفت بالهاتف على الأريكة، والتفتت خلفها لتشهق جاحظة عندما وجدت شبل يقف أمامها يتملكه الغضب لترتبك قائلة: هو أنت جيت امتى؟، قصدي يعني..أنت واقف كده ليه؟، بتبص لي كده ليه يا شبل؟، أكيد سمعت اللي قلته، في دي بقا أنا عايزاك تصدق. انقض عليها وأمسكها من ذراعها قائلًا: ليييه؟!، كنتِ عايزاني مصدجش دي كومان، أنا خابر زين إنك خاطية وملعونة، وأنا اللي كنت عجرب منيكي وأتحدتت وياكِ وأسمعك؟ كان يتصنت عليهم ليث في هذه الأثناء يضع يده على قلبه من فرط السعادة، يحدث نفسه قائلًا: يا عيني عليكي يا منة، وجعتي في يد من لا يرحم، ده شبل خوي وخابره زين، حتى دلع البنتة ميحوجش معاه، والله ولعبتها صوح يا ليث. ردت منة على شبل بغضب قائلة وهي تحرر نفسها من قبضته: بس بقا، من ساعة ما رجعت أخر مرة من القاهرة وأنت يا بتتجاهلني يا بتتهمني، لو أنا فعلًا بحب واحد تاني ايه اللي يرجعني هاا؟ رد عليها شبل بغضب قائلًا: متجدريش لأنك جبانة، وعتخافي لنجبوكي اهنه ونقتلوكي. وياريتك عملتيها وكنا ارتحنا منيكي عاد، بدل القرف اللي عتصبح وعتمسي بيه. وضعت منة يديها على صدرها تأخذ نفسًا عميقًا لعلها تهدأ ليشك أنها تستعطفه لينفض حنينه إليها ويشتد عليها قائلًا: أنتِ بجيتي لعنة،ويا ريت على قدي وعلى قد أمي وأخويا، لع، عتكلمي بوك بقلة أدب. جوليلي كيف أنا أرضى عنيك بعد اللي عملتيه عاد. هدأت منة وردت عليه برزانة قائلة: أحمد امبارح عمل على نفسه وهو نايم، وده دليل إنه كان خايف من ليث وعلشان كده كذب عليك. أما بالنسبة لبابا فأنت معاك حق أنا غلطانة. كاد أن يرد عليها لولا أن سمعا طرقًا على الباب وفتحه ليجد أخته هانم تحتضنه وتقبله وتبارك له فابتسم ليداري ما دار بينهما واحتضت أيضًا منة، فتركهما لأنه يعلم جيدًا أنه قد بدأت الحوارات النسائية. أخذت تنظر إليها هانم نظرات خبيثه ثم قالت: تعالي بجا احكيلي، كيفك مع خوي شبل؟، عيدلعك ولا عيطلع كيف أجوازنا عاد، غربان وحياتك غربان، وعيجولوا وين الخراب عاد. جولي يا بت وأنا عجولك تتعاملي معاه كيف. بكت منة ورمت نفسها بداخل أحضان هانم، فهي تعلم جيدًا أن هانم حنونة وليست أفعى كوالدتها فحزنت هانم قائلة: وه وه وه!، مالك يا خيتي؟، كأن حسدناكي عاد أنا والبت يسر في أخر جعدة بيناتنا، والله دي أخر حاجة أتوقعها تحوصل، شبل بيعشجك يا منة مش كيف أجوازنا. خرجت منة من بين أحضان هانم قائلة وهي تمسح دموعها: مستحيل ده يكون شبل اللي كان بيحبني، عمال يصدق مرة كلام من مامتك ومرة كلام ليث وهو متأكد إنه كذب، بيتهمني إني بحب واحد من زمايلي. وضعت هانم يدها على شفتيها غير مصدقة تقول: يا مرك يا شبل، الواد بينه اتجن عاد!، كيف يصدج عليكي الكلام ده؟، ده كل مرة ليث يجوله حاجة عفشة عليكي يوقفه عند حده، ويجوله منة متعملش حاجة عفشة واصل. أغمضت منه عينيها قائلة بمرارة: يا ريتها جت على ليث. ليث عرف إنه ميقدرش يفرق بيني وبين شبل، خوف أحمد وخلاه يقول كلام كدب عني لشبل، وشبل علشان بيصدق أحمد مش مصدقني. لوت هانم شفتيها قائلة: بس شبل خابر زين إنه أحمد ممكن يكذب، وأكيد عيهدى وعيعرف إنه غلطان في حقك، بس فكيها أنتِ، بلاش وش البوم ده عاد. بكت منة قائلة: اسمعي يا هانم، أنا تقريبًا عرفت إن أحمد كذب عليه وعرفته كده، بس للأسف قالي إني هنا بنت عمه وبس، وهيتجوز عليا بنت خاله. ربتت هانم على كتفيها قائلة: اسمعيني عاد، شبل مهما حوصل عمره ما عيجوز عليكي واصل، وخصوصا الحية بت خالي توحيدة، دي متطجاش ولا عتتعاشر، إنما أنتِ زينة البنتة، اغريه يا خايبة ورجعيه كيف خاتم سليمان في يدك وعينسى كل حاجة، وبكره تجولي هانم جالت. ذهبت هانم وتركتها في حيرة من أمرها وشرود حتى أنها لم تنتبه على وجوده إلا عندما قام بفتح التلفاز ورفع صوته لتقطب جبينها فهو لا يميل إلى الصوت العالي في الأشياء فسألته: ايه الصوت العالي ده؟، من امتى بتحب التليفزيون؟، ولا حتي يكون صوته عالي؟، من فضلك وطيه؛ لأني مصدعة ومفيش هنا مسكن. لم يرد عليها وأخذ يقلب في قنوات التلفاز ويرفع الصوت أكثر لتتنهد بتعب قائلة: أنت بتعمل فيا كده ليه؟، ليه مش حابب تصدقني؟، طب تعالى نقلب الآية، لو أنا اللي سمعت عنك كده تتوقع مني ايه؟، هصدقك ولا هثق فيك؟ اقترب منها وهمس كفحيح الأفعى قائلًا: فوقي يا بت عمي، أنا راجل وأعمل كيف ما أنا عاوز، لكن أنتِ حرمة شرفك من شرفي، وشرفك زي عود الكبريت، بس الغلطة غلطتي أني. نظرت إليه باستفهام قائلة: غلطتك؟!، غلطتك في ايه؟، طب أنت حتى مصدقتنيش، على طول بتكذبني، ولا تكون غلطتك إنك اتجوزتني؟، خلاص تاهت ولقيناها. انتفض كمن لدغته حية ومال عليها وهو ممسكًا ذراعيها قائلًا: ااااه!، جوليلي بجا، احنا لساتنا فيها، وتعالى نطلج. مش صوح يا بت عمي؟، واكده يطلع شبل مش زين، ويحقلك تتجوزي ابن البندر . ثم استطرد بخبث قائلًا: طب ما أتجوزك أني الأول، ولا هو حلال ليه محرم عليا. اااه منك ومن لؤمك يا بت عمي، كل ده يطلع منيكي؟!، وأنا اللي كنت فاكرك جطة مغمضة. وضعت منة يدها على وجهها مصدومة من اتهاماته، ليستكمل قائلًا: ايه؟!، مالك؟!، كنتي مفكراني عبيط إياك؟، فوقي يا بت عمي ده أنا اللي مربيكي، ولولايا لكنتي شفتي علام ولا مرواح مصر، وده اللي غولطت فيه. لا تجد رد غير الحزن الذي دخل بقلبها ليستمعا إلى دقات الباب من جديد ليعلن عن قدوم نجية ليزغر ها أن تستقبلها باحترام وتركهم مرة أخرى، لتجلس نجية تنظر إليها باستياء قائلة: اوعي تفكري يا بت البندر إنك اكده كسبتي!، لع، أنا خابرة زين إنك خسرتي. وخسرتي كيف؟، عن طريق حبيب القلب أحمد. شفتي كيف عصينا قلبه عليكي؟ ابتسمت منة بسخريه قائلة: ما أنت مقدرتيش تعملي حاجات عملها عيل صغير؛ علشان خايف من أبوه. بس مسير كل حاجة تنكشف وتبان، وساعتها هيبقا موقفك وحش أوي. نظرت إليها نجية بتعالي قائلة: وأنتِ بجا هيبقا موقفك ايه لما نبعتوا نجيبوا واد بالفلوس يمثل عليه إنك عشيقته؟، وعتعملي ايه لما يتجوز بت خوي عليكي وتجيب الواد؟ ردت عليها منة بثقة قائلة: ولا تفرق بالنسبة ليا، وأنا عارفة إن اللي فيه شبل ده مجرد غشاوة وهتنزاح، ومش يمكن يا مرات عمي أنتِ اللي تيجي تسترجيني أرجع لشبل؟ ضحكت نجية بسخرية قائلة: كيف؟!، جوليلي كيف؟، لهو أني اتخبلت عاد!، جال أجيلك أترجاكي ترجعيله، ده يوم ما تخرجي من البيت عكون كاسرة وراكي زير. ابتسمت منة قائلة: الله أعلم ازاي، بس صدقيني يا مرات عمي أنا عندي ثقة بربنا وكبيرة إن شبل هيكون ليا في الأول والأخير. وبكره تقولي منة قالت. ضحكت نجية باستهزاء قائلة: هنشوف يا بت سلفتي، ده أمك كانت غالية عليا عاد، وكنا كيف الأخوات، اتوحشتني جوي بدي أروح أزورها في قبرها، وأفرق قرص رحمة ونور عليها. ردت عليها منة بحزن قائلة: ماما الله يرحمها كانت ست ولا كل الستات، استحملت وشافت حاجات لا أنا ولا يسر نقدر نستحملها، بس أنا واثقة إني مش هبقا زي يسر وهتعدي معايا،يا جدة أولادي. اغتاظت نجية ولوت شفتيها وحركتهما يمينًا ويسارًا وتركتها ورحلت وهي تدعو لها بالخراب. جاء الليل ليعلن عن ليلة عذاب جديدة بينهما لتسأله وهي تتنازل عن كبريائها قائلة: هو أنت هتبات في الأوضة التانية النهارده برضه؟، دي مفيهاش غير كنبة، مش خايف لضهرك يتكسر لو حابب ادخل الأوضة الكبيرة. ابتسم شبل بسخرية قائلًا: ايه عتخافي عليا ولا ايه؟!، لتكوني بتحبيني عاد!،أنا اكده عصدقك. وفي الأخر عطلع عبيط من جديد، بلاش دور المسكنة ده، ودلع الحريم. رمشت منة بحيرة قائلة: أنا كنت عاوزة راحتك، بس طالما هتأطمني يبقا بالناقص، أنت حر. الجناح بتاعك، نام مطرح ما تحب، أنا أكبر من اني أستخدم أسلوب زي ده معاك. تضايق شبل من برودها قائلًا: أكبر منيه!، ليييه؟، مشبهش لإياك. لازم أكون متعلم ومتنور وبلبس كيف واد البندر علشان تحبيني وتخافي عليا مش صوح يا منة؟!، يا خسارة حبي ليكي. تنهدت منه بتعب قائلة: حتة التعليم دي أنت السبب فيها، أنت كان نفسك مراتك تبقا متعلمة علشان تنفع أولادكـ، زي ما أنا نافعة أحمد وأبرار، بس للأسف أنت غلطت فعلًا لأن طلعت مش مهمة. زفر شبل بحنق قائلًا: يعني المعروف اللي عملته ليكي طلع ملوش قيمة!، اكده عاد!، خيرًا تعمل شرًا تلجى. يا ريتني كنت سمعت كلام بوي وبوك واتجوزتك من بدري. ثم استطرد بغضب قائلًا: لو كت اتجوزتك بدري، كان زمانك كيف البهيمة في قلب الدار، لكن أعمل ايه في جلبي اللي عشجك وأنتِ كرهتيني فيه وفي نفسي. غضبت منة وتعالى صوتها قائلة: أنت ايه يا أخي؟، مُصر تبقي المظلوم في اللعبة دي؟، أنت فعلًا مظلوم، عارف ليه لأنك صدقت أمك وعيل صغير. يا شبل صدقني أنا عمري ما أنسى خيرك عليا. اقترب منها ووضع يده على شفتيها ليخرسها قائلًا: صوتك ميعلاش، أنتِ فاكره نفسك فين؟، فوجي وافهميني صوح. عارفة معنات كلامك ايه؟،إ نك متجوزاني رد جميل، مش اكده معناته؟ أزاحت يده من على فمها قائلة: احسبها زي ما تحسبها، بس احسب برضه الندم اللي هيحصل معاك لما تفوق من كل الظلم اللي عمال تظلمه ليا، بس ياريتك تفوق بدري. استفزته بجملتها الأخيرة فرد عليها قائلًا: ابقي احسبي وجت الندم لوحديك، ومن عشية امبارح أنتِ غلطتي فيا وفي العيلة كلياتها ولازم تدفعي تمن غلطك ذل وإهانة، يا بت أمك. أغمضت عينيها عند ذكره والدتها فردت بغضب قائلة: متجيبش سيرة أمي على لسانك، اطلب لها الرحمة. عايزة أقولك على حاجة أنا زميلتي في الكلية هتتجوز الشهر الجاي واحد بيشتغل في الكويت وعرضت عليا عقد عمل كمدرسة هناك وأنا رفضته عارف ليه علشانك، أنا قلت الكلام رغم إني عارفة إنك مش هتصدقه. سخر منها قائلًا: لع، أنتِ اكده بتكشفي ورجك واحدة واحدة، تكرهيني وتطلجي مني وتتجوزى واحد من زمايلك وتسافري معاه وكده يبقا هجيتي من حياتنا. ذهلت منه ومن تفكيره المسموم، ليستطرد قائلًا: اكده كلام بوي عنيكم صوح. يا ريتني كنت سمعت كلامه ومتعلجتش فيكي، لو أعرف إنك حجيرة للدرجة دي لكنت سلمتك بيدي وجوزتك وغورتك من اهنه. وضعت يدها على رأسها تكاد تنفجر ، ليزيد من كلامه قائلًا: ألا قوليلي يا منة أنا خابر إن يسر عرفت بموضوعك مع الواد اياه، ايه رأيك لو أخبر ليث وهو يتصرف معاها؟، ولا أجولك عسيبكم اكده خايفين لليث يعرف. جائت الفرصه لمنة على طبق من فضة لتربع ذراعيها في وجهه قائلة بكل ثقة: أنا هقولك، ايه اللي يخلي أحمد يجي يقولك أنت الكلام ده وميقولوش لأبوه؛ لأن أبوه هو اللي قاله يقولك الكلام ده. ليث نسي هنا إننا ممكن نكشفه. وجد شبل في حديثها إتزان، ولكن صوت عقله نفضه مرة الاخرى فاستهزأ بها قائلًا: أنا هقولك مجالش لبوه ليه؟، لأنه خابر إن بوه عيضرب أمه، فسكت ولما جلتي إنه عمل على روحه فده من خوفه لبوه يعرف بالسر اللي أمه مخبياه. هزت منه رأسها بيأس قائلة: ده أنت كده بتصعبها عليا أكتر يا شبل، ومُصر كل مرة تنزلنا تحت الصفر. خد بالك يا شبل، احنا الثقة ما بينا تعتبر منهارة، ومش هترجع تاني. رد عليها بسخرية قائلًا: خابر إنها مش عترجع واصل، الثقة دي أنتِ اللي ضيعتيها يا منة، وأنا اللي عندي قولته، ومش راجع فيه، إلا إذا اتغيرتي وبطلتي تناطحيني راس براس. مطت شفتيها بيأس ورحلت لا تعلم كيف تتعامل مع هذا القلب البارد. الفصل الثالث مر أسبوع على منة وشبل، صار فيه شبل أكثر شراسة لا يريد الاقتراب منها رغم محاولاتها المستميتة معه. أخر يوم من أيام الأسبوع وجدته صباحًا يهتف بها ببرود قائلًا: هو أنتِ عتفضلي جاعدة في الجناح اكده كتيير؟!، اكفاية عليكي اكده، تدلي تحت من النهارده وتشتغلي مع الحريم. خطت نحوه واقتربت منه لتعدل من هندامه ليتفاجئ بها وهي تبتسم بخبث قائلة: حاضر، ولو إني لسه عروسة، بس المهم إن أنت تبقا راضي عني. ارتبك من أسلوبها ولكن استجمع قوة قلبه من جديد وأنزل يديها من على كتفيه وتخطاها ورحل لتجز على أسنانها. ارتدت ملابسها وجاءت تهبط للأسفل لتتفاجئ بأخته نوارة الحاصلة على الثانوية العامة، ترتمي بأحضانها وتتعالى شهقاتها كأنها تستنجد بها لتدخلها منة على الفور وتربت على كتفيها لتقول الأخرى: شفتي يا منه اللي عيعملوه فيا؟، مش عيخلوني أكمل تعليمي وعيجوزوني واد خالي!، الحجيني يا منة!، أنا جايبة مجموع طب عيحطموني. ربتت منة على ظهرها قائلة بحنان: مين قالك إن ده هيحصل يا نوارة؟، ده كلام بس بيقولوه، متقلقيش، شبل أكيد هيخليكي تتعلمي زى ما أنا اتعلمت، ويا ستي اعملي زيي اتخطبي لابن خالك ولما تخلصي اتجوزي. زمت نوارة شفتيها قائلة: جوزك هو السبب يا منة، كانت أمي وخوي ليث مجتنعين، جه هو وفركش كل حاجة، جال إنه لا يمكن يبجا في شبيهة ليكي تاني، كفاية أنتِ وعمايلك. فزعت منة ونهضت من جوارها قائلة: بتقولي ايه؟!، شبل هو اللي قال الكلام ده!، طب ليه؟!، أنا معملتش حاجة!، أربع سنين قضيتهم في الكلية باحترامي، حتى عقد العمل اللي كان جايلي من صاحبتي رفضته. هزت نوارة رأسها قائلة: أيوه صوح، هو جال إنك كنتي عتهربي مع صاحبتك وجوزها وتتجوزي هناك واحد غيره، وأمي وخوي صدجوه، بس أني مش مصدجاه. فجأة ارتفع رنين هاتف منة وهي جالسة مع نوارة، لكي تكون نوارة خير دليل إثبات على برائتها. كان من صديقتها زهرة كانت مرحة كثيرًا في حديثها فهتفت بلهفة قائلة: بت يا منة، اتوحشتك جوي يا بت، قوليلي بقا الجواز حلو يا منوش ولا السنجلة جنتلة؟، واوعي تقوليلي السنجلة جنتلة، أصل خلاص كتبت كتابي امبارح. ابتسمت منة قائلة: أنتِ بنت حلال يا زهرة، وابن الحلال عند ذكره بيبان. كنت لسه بحكي لنوارة عنك وعن عقد العمل اللي قدمتيه ليا وأنا رفضته، ويا ريتني ما رفضته. كانت منة في تلك الأثناء فتحت مكبر الصوت لكي تستمع نوارة لكل شيء، قطبت زهرة جبينها قائلة: أنا مش مرتاحة لكلامك يا منة، ايه يا ريتني ما رفضته دي ؟، من امتى منة بتندم على حاجة خصوصًا لما تكون مقتنعة ومصممة متعملهاش. هزت منة رأسها قائلة: تقدري تقولي من ليلة ما اتجوزت، من يوم ما الكل اتهمني، وكنت مفكرة إنه الوحيد اللي هيدافع عني، بس لا يا زهرة مقتنع إن كان ليا علاقة بحد في الجامعة. هزت زهرة رأسها بعدم اقتناع قائلة: أنا متأكدة إن في سوء تفاهم، وأنا مستعدة أكلمه بنفسي أو أخلي جوزي يكلمه، قلتلك يا منة المكان عندكم مينفعش تعيشوا مرتاحين فيه. استكفت نوارة بما سمعته وعزمت أمرها أن تفتعل شيء في سبيل إسعاد منة، بعد خروج نوارة أخذت منة تنتحب في الهاتف مع زهرة قائلة: هو المكان بس، ده حتى بابا يا زهرة مجوزني له علشان ينتقم من مرات عمي، ومرات عمي مصرة تحط راس أبويا في الطين، هي وابنها. جحظت زهرة بعينيها قائلة: هو ابنها التاني ده مش جوز يسر؟!، ولا هي اتطلقت منه؟!، ايه اللي بيحصل ده؟!، هو تار ما بين العيلتين، وشبل فين من ده كله؟!، مش ده حبيبك؟ تنهدت منة بتعب قائلة: خلاص يا زهرة، شبل مبقاش حبيبي، بقا عدوي، هيخليني خدامة له، وهيتجوز عليا وهيعرف الكل إني مش بخلف؛ لأنه مش هيلمسني. أغمضت زهرة عينيها بحزن قائلة: يعني ايه اللي بتقوليه ده؟َ!، معقول يصدق كل الكلام ده؟!، لا وكمان يصدر حكم بالنيابة عنك؟!، مش خايف لتشتكيه ويضطر يطلقك . هتفت منة معارضة لحديث زهرة قائلة: هو أنتِ مفكرة إني ممكن أعملها؟!، عمرى ما أقدر يا زهرة، ومش علشان خايفة منه؛ لأنه ببساطة ممكن يحلها في ليلة وغصب عني. هتفت زهرة باستغراب قائلة: أومال مش هتعمليها ليه؟، واوعي تقوليلي إنك بتحبيه؛ لأنه ميستاهلش. يا ستي دي الحاجة الوحيدة اللي كانت معلقاكي فيه هي حبه ليكي. ردت عليها منة بحزن: وما زلت متعلقة بيه، ومقدرش أبعد عنه. جايز بكابر بيني وبين نفسي، بس كل أما بشوفه بحاول أقرب منه وأشيل الحواجز اللي بينا. هزت زهرة رأسها بيأس لإحساسها بحالة منة وهتفت قائلة: حاسة بيكي يا منة، وباين من كلامك إن هو معندوش استعداد يرضى عنك، بس هقولك إني خايفة ينفذ كلامه فعلًا، وأنتِ هتتنازلي عن حقوقك. صرخت منة قائلة: يا زهرة أنا بحبه ومقدرش أعيش من غيره، وفي نفس الوقت مش متخيلاه مع واحدة غيري، منتظرة عدالة ربنا تنجيني من اللي أنا فيه. دعت لها زهرة قائلة: ربنا ينصرك يا منة يا حبيبتي، منة اسمعيني كويس بكررها تاني أتصل أنا عليه وأفهمه كل حاجة. يا منة أنتِ مكنتيش بتتكلمي مع أي ولد في الجامعة. تنهدت منة بحزن قائلة: المشكله أكبر من إنك تتصلي وتوضحيله الأمر. المشكلة فيها ابن أختي اللي راح كذب عليه لأنه خايف من أبوه، صعبان عليا الولد هو كمان. عمومًا أنا مضطرة أقفل معاكي دلوقتي ورايا شغلي تحت هكلمك لما أخلص. أنهت منة اتصالها وهبطت أسفل حتى تقوم بمهامها ولا تستمع لأي كلمة تجرحها، وبأخر النهار صعدت ونامت من التعب تاركة هاتفها على الأريكة بالصالة، قلقت عليها زهرة لأنها وعدتها بالاتصال مؤخرًا فقامت بمهاتفتها فوجد شبل الهاتف وقطب جبينه لعدم وجود اسم حيث اضطرت زهرة لاستخدام هاتف خطيبها لعدم وجود رصيد لديها فتح شبل الهاتف وظل صامتًا ليستمع لصوت زهرة المرح وهي تقول: يااااه يا منة!، أنتِ لسه فيك العادة النيلة دي، لما تلاقي رقم غريب يا إما مترديش يا تردي وتفضلي ساكتة، يعني أنا لولا فهماكي كنت فضلت مستنياكي تتكلمي. رد شبل بخجل قائلًا: منة نايمة، أنتِ مين؟، أنتِ صاحبتها صوح؟، أنا أسف اني مرديتش أول ما فتحت التلفون، بس أصلك متصلة من رقم مش مكتوب عاد. ابتسمت زهرة وعضت على شفتيها فقد حانت فرصتها للتحدث معه فردت بلهفة قائلة: ده رقم جوزي أصل معييش رصيد، كنت بطمن على منة كلمتها الصبح وقالت وراها شغل وهتكلمني بليل، وبصراحة مبسوطة إنك أنت اللي رديت. واستطردت قائلة: اسمعني يا أستاذ شبل، أنا أعرف منة من أربع سنين، مشوفتش منها غير الأدب والأخلاق، وصلت لدرجة إنها ترفض تعطي محاضراتها لولد علشان ميبقاش في احتكاك. عبس بوجهه قائلًا: ليه بتجولي اكده؟ ردت بثقة قائلة: لأن عارفة اللي وصلك، وأي إن كان وصلك ايه فهو كله كذب وافترا، لو مش مصدقني موبايل منة بيسجل المكالمات افتح واسمع وشوف. استشعر شبل في نبرتها الصدق فأراد أن ينهي مكالمته معها قبل أن تستيقظ منة، ولكنه تفاجئ بمنة تخرج من غرفتها تنظر إليه باستغراب وهو ممسكًا هاتفها لتسمعه يقول: شكرًا ليكي يا أستاذة زهرة، منة صحيت، وهتكمل معاكي التلفون، السلام أمانة لجوزك. أعطى الهاتف لمنة لتقف أمامه تعاتب صديقتها قائلة: مكنش له لزوم يا زهرة، أنا قلتلك الصبح اللي في دماغك لا هيقدم ولا هيأخر، ليه تحاولي تعملي حاجة من ورايا؟، وترخصيني بالشكل ده. زفرت زهرة بحنق قائلة: بصراحة لقيتها فرصة، وأنا مش هسيبك في النار لوحدك زي ما يسر عملت، منة أنتِ أختي وبحبك، ولعلمك بكره تقولي زهرة قالت هيحن. انتهت مكالمتها وتوجهت منة إلى الغرفة لتسمعه يهتف قائلًا: أنا رديت لما لجيته رقم غريب، خابر إنك عتفكري إني شاكك فيكي وأنا مش عنكر، بس صدجيني لما لجيتها صحبتك ارتحت جوى. التفتت إليه قائلة بحزن: ارتحت لما عرفت إنها صحبتي ولما قالتلك اني معملتش حاجة من الخرافات اللي عمالين يقولوها، عمومًا هي اترجتني الصبح كتير تعرفك بس أنا مكنتش راضية. كاد أن يرد عليها ولكن لم تمهله، ودلفت إلى غرفتها تتصل بزهرة تعاتبها لترد عليها زهرة بمرح قائلة: نهار اسوح!، أنتِ بتتصلي ليه؟َ!، اوعي يكون مقتنعش!، يا أبويا ويا مرك يا نعمة على الدماغ الصعيدي!، أركب القطر وأجي أضربه؟ زفرت منة بحنق قائلة: لا اقتنع، بان في عينيه إنه صدقك، بس أنا مش عايزة كده، أنا عايزة شبل حبيبي اللي يصدقني أنا، مش يصدق كلام أمه شوية وكلام عيل. لوت زهرة شفتيها قائلة: كان لازم طرف تالت يا منة، وبعدين الحركة مش مقصودة، بس جت تدبير من عند ربنا أهو، ده الراجل بيكلمني وخلص معايا وكان مش عايز يسمع أصلًا. تنهدت منة قائلة: ما هو ده اللي مجنني يا زهرة!، هيقتلني بقلبه البارد، ايه اللي غيره كده؟، مش معقول يكون اللي قالوه، النهارده بدأت أحس إن فرق التعليم موتره. شهقت زهرة جاحظة تقول: أوووبا!، أنا ازاي تاهت عني الفكرة دي، بس يا منة أنتِ موافقة عليه ومقتنعة كمان، ايه اللي يخليه يحس إنه قليل بالنسبة لك، وبعدين أنتِ ايه اللي خلاكي تشكي؟ أغمضت منة عينيها قائلة: النهارده مشكله نوارة، هو الوحيد المعترض على تعليمها، وعايزة يجوزها ابن خالها ولما قلت ايه يعني تتخطب وتتجوز بعدين قالوا علشان هتحس بالفرق زيك. لوت زهرة شفتيها قائلة: وطبعًا سيادتك، الكلام تعب نفسيتك وقعدتي تعيطي قدامها، هقولك ايه ما أنتِ هبلة، زمانهم بقا حكوا له وعرف أنتِ قد ايه يا عيني متعذبة. ابتسمت منة قائلة: كأنك فتحتي مخي ودخلتي قعدتي جواه، أنا فعلًا اتأثرت أوي، خصوصًا اما اكتشفت سبب معاملة شبل الباردة ليا،بس اطمني لحقت نفسي. تنهدت زهرة قائلة: طيب بما إنك مش هبلة زي ما أنا تخيلت، يبقا استنتاجي في محله، كون إنه مش راضي يسمعني وأنا بفهمه ده معناه إنه خلاص العقدة راحت. زفرت منة قائلة: تقريبًا كده، ده حتى كان صريح معايا وقالي إنه شك لما شاف رقم غريب، وقال كمان إنه انبسط إن طلعتي أنتِ مش حد تاني، بس برضه خايفة. صرخت زهرة في وجهها قائلة: كفاااية!، حرااام ارحمي أمي الغلبانة وجوزي أنا كده بهمك ده هيعلى الضغط وبدل ما أدخل دنيا هدخل أخرة، بصي اهدي كده وسيبي نفسك وشوفي هيحصل ايه. ابتسمت منة تهز رأسها قائلة: حاضر يا زهرة هعمل اللي بتقولي عليه، ومتشكرة أوي على كل اللي عملتيه معايا، ابقي طمنيني عليكي وادعي يجيبني ليكي أشوفك قبل ما تسافري. ابتسمت زهرة قائلة: أنتِ تؤمري يا منوش، مطر دعوات هينزل عليكي ساعة الفجر مني ومن ماما ومن الراجل اللي معذباه معايا ده، يلا تصبحي على خير. نامت منة رغم انتظاره لها أن تخرج له في أي لحظة، ولكنها فضلت المكوث في غرفتها. سطعت شمس يوم جديد واستيقظت ولكنها لم تجده فهبطت إلى الأسفل حيث العمل مع يسر لتنظر إليها يسر بامتعاض قائلة: ده بينها جوازة هم، ايه اللي عملاه في نفسك ده؟، ألا ما فيه في وشك حبة أحمر ولا أخضر ، كنتي يا خايبة حطيهم علشان نغيظ العقربة حماتك. ابتسمت منة بسخرية قائلة: وهو شوية الأحمر والأخضر اللي يغيظوها، اطمني دي تغيظ بلد، يا بنتي دي موتت أمك بحسرتها، ده خلت أمك تسقط مرتين، والله أنا بقيت بخاف منها. كتمت يسر ضحكاتها قائلة: ايه بتخافي؟، معقول يا منة؟!، أنتِ تخافي منها!، معلش أصلك خايبة زي أمك، أو أقولك جايز شبل هو اللي طلع جامد زى أبوكي، لكن ليث حاضر يا أما، وفي الأوضة هيموت عليا. زفرت منة بحنق قائلة: بقولك ايه يا يسر، متجبيش سيرة ليث ده خالص طول ما أنا واقفة معاكي، فرحانة بيه أوي يا ختي وهو بيعلم ابنك الكذب ويخوفه، هو مفكر نفسه مين؟ هزت يسر رأسها بيأس قائلة: أنا بحاول أنسى عمايله، لا وهيتجنن وعايز العيل التالت، امبارح قلتله واحد طلعته كداب والبت طلعتوها فتانة، والتالت هطلعوه ايه حرامي؟ ابتسمت منة بسخرية قائلة: كل شئ جايز مع العيلة دي، المهم أنتِ يا يسر لازم يبقالك قعدة مع ولادك، مش تسيبيهم كده، وأنا هحاول مع أبرار، لكن أحمد الصراحة لا. تذمرت يسر قائلة: يا سلام!، أحمد لا ليه بقا؟، مكنتش كذبة يا ست منة، أنا قلتلك هقول لشبل، بس ابعدي الولد عن الموضوع. يعني كنتي عايزاه يضرب؟ ردت منة قائلة: وبالنسبة للي حصل معاه طول الليل؟، يرضيك يا يسر هانم؟، ابنك مش صغير قوليلي هيطلع راجل ازاي وقد المسؤلية؟، ولا هيبقا ابن أبوه؟ تحدثت يسر بحزن قائلة: أنا عارفة إن الموضوع كبير وصعب، بس في نفس الوقت الواد بيصعب عليا لما بيتمد كل شوية منه، مش عارفة بيعمل فينا كده ليه. ربتت منة على كتفيها قائلة: متزعليش مني أنتِ كنتي ملهوفة عليه لهفة وحشة أوي، كأن لا قبله ولا بعده، وده اللي خلاه ميعملكيش كرامة، وكل حاجة بتعطيه بسهولة. اتغيري يا يسر، مش مرة واحدة بالتدريج، قربي من ربنا، صلي، تعرفي لو حماتك طلبت منك أي حاجة وقت الصلاة اوعي تعمليها، ارضي ربنا وهي هترضى عنك، جايز هتطول بس صدقيني اللي قريب من ربنا ربنا بينصره، أنا قلت ليها يوم الصباحية أنا واثقة إن ربنا هينصرني، وعلى فكرة أنا قريب أوي هرجع قلب شبل ليا تاني. بهذه الكلمات كانت منة تحدث نفسها ولكن صوت عقلها تعالى قائلًا: لأجل كرامتك يا منة..سوديها على دماغهم. تردد هذا الصوت في أذنيها وكأنه صوت أمها، ولكن تبرأت منه، وبرأت أمها من هذه الكلمات تضع في رأسها شيء واحد هو العيش معه في سعادة، والإنجاب منه والانتصار على السيدة التي دمرت حياة أمها..تعلم جيدًا أن عقلها ناضج، ولكن ما قام به شبل من خذلان جعلها تفكر في أمور بدائية لتحارب من أجل كرامتها وتطفئ سعادة من تطاردها وكأنها الكابوس الذي لا ينتهي، كابوس تسبب في موت من أنجبتها. تسترجع ذكرياتها وهي صغيرة وتسأل نفسها، ألم يكفيها تلك المرأة ما فعلته بأمي ومحاولات تفريقها عننا إما بطلاقها من والدي حتى أراحتها أمي عندما ماتت بالمرض اللعين. تعبت من كثرة التفكير وهو تأخر عليها ولكن دون قصد منه حيث كانت تنتظره نوارة في الحديقة الخلفية، ليغمض عينيه فور رؤيتها فهو يعلم أنها ستتحدث بأمر إكمال التعليم لتجلس أمامه بابتسامة مضطربة قائلة: كيفك يا خوي؟، أنا خابرة إن الوجت متأخر، بس أنا عاوزة أتحدت وياك، بخصوص منة، منة زينة يا خوي، وأنا معاي الدليل، أنتوا كلياتكم ظلمتوها. تنهد شبل واضعًا رأسه بين كفيه قائلًا: خابر يا نوارة، منة طلعت صوح، إني هيجي يوم أندم فيه، بس في نجطة يا نوارة على اعتراضي في تعليمك، واد خالك رغم إن خالك عفش بس الواد عيحبك. ثم أشاح بوجهه يستطرد قائلًا: وأني مش عاوز يحس بالجله زيي، ..أنا يا نوارة بعد ما منة جربت تاخد شهادتها..وبسمعها بتتحدت لغات زين..استخسرتها في نفسي. هزت نوارة رأسها متفهمة لتوضح له الأمر قائلة: الكلام ده يرسى لما تكون اتجنعرت عليك، كان نفسي تسمعها وهي عتتحدت ويا صاحبتها..والله العظيم بتعشجك يا واد أبوي..والبت الشارية مش بيهمها حاجات زى اكده. زفر شبل قائلًا: طب قيمينا من الموضوع ده دلوك، توعديني يا نوارة لو كملتي علام، وحسيتي إنك كبيرة على واد خالك، هتيجي تجوليلي ولا عتهربي؟ ابتسمت نوارة تنفي ما يقوله قائلة: يا خوي مين جال إنك وواد خالي مش متعلمين؟، دبلوم الصنايع مش هين برضك، ده في ناس بيبجى معاهم مجموع الثانوية ورغبتهم بتبجي في الدبلوم. كانت تنتظره لتتناول العشاء معه فهاتفته حتى أنه استغرب اتصالها ليرد عليها وتتلهف عليه قائلة: شبل..أنا مشفتكش الصبح..وبعتلك الأكل مع الغفير رجع زي ما هو..أنت مش ناوي تيجي تتعشى معايا..أنا كمان مأكلتش حاجة. ابتسم شبل حتى أضائت الابتسامة وجهه قائلًا بسعادة تغمره: مساء الورد يا منتي يا حبيبتي..استنيني أصلي اتوحشتجك جوي..أنا بس جاعد مع البت نوارة بنتحدتت في موضوع جامعتها..عخلص معاها وعجيلك. استغربت منه مع من تتحدث ترى ما هذا التغيير المفاجئ أيعقل أن يكون سببه نوارة؟ على الجانب الأخر كان ليث يستمع إلى محادثته مع منة ليتقدم إليه قائلًا بسخرية: مساء الخير يا شبل، شايفك مزاجك رايج! خير فرحني معاك يا خوي، لتكون وافجت على جامعة البت نوارة؟، ده أنا لسه متفج مع واد خالك على الفرح. تنهد شبل قائلًا: أيوه وافجت، أنت صوح خوي الكبير، بس بتنتهز الفرص وتخربط الدنيا، أنا عتحدتت معاه بكره وهرسيه على الليلة، عنكتبوا كتابهم بس. ثم استطرد قائلًا وهو يرى الغضب في عيني ليث: وعتخلص سنتين وتتجوز، وعشرط عليه يكملها علام، حتى لو عنصرفوا عليها بنفسينا، دي أختنا الصغيرة برضك وبوك وصانا عليها. لوى ليث شفتيه قائلًا: ليه يا واد أبوي؟، كنا جوزناها وخلصنا منيها، لأحسن تتجنعر علينا كيف مرتك، وواد خالك طيب مش عيستحمل مرمطة زيك. فهم شبل ما يرمي له ليث من كلماته فرد بغضب قائلًا: أه!، أنت بتلجح عليا يا خوي، ماشي وماله، بس عجولك حاجة، واد خالك جوي زيي عايز مرته تبجا متعلمة وجوية، كيف منة، مش مربوطة في ساجية كيف يسر. تذمر ليث قائلًا: محصولش، يسر ست الدار دي كلياتها بعد أمك، اكفايه إنها عتسمع كلامي، دي الرجولة عاد، مش المسخرة والدلع ومرواح البندر. علمت نوارة أن الحرب دارت بين أخويها لتتنحنح قائلة: أنا عتمسخر وعدلع يا خوي؟!، مش أنت اللي خلتني أزن على شبل يوديني الجامعة، ولما مرضيتش جولتلي إن منة السبب، أهي طلعت مظلومة. اندهش شبل لما تقوله نوارة ونظر إلى ليث باشمئزاز قائلًا: ما كنت تخليها تجتل منة بالمرة؟!، مش خابر ليه عتكره منة كل الكره ده؟، لو علشان مرت عمك الله يرحمها، طب ما أنت متجوز بنتها التانية. هنا ظهرت هانم في محيطهم أختهم الكبرى التي عاشرت صراعات كثيرة بين والداتها وامرأة عمها لتتحدث بصدق قائلة: ومنة كومان عتكره ليث يا شبل، وأنا خابرة ليه، زمان ليث كان عيجتل مرت عمي، ومنة شافته كانت لسه صغيرة، والله العظيم كانت راجل ومسكت البندجية بتاعت بوك وخرجته من الدار يجري كيف المجنون. فرج شبل فاه قائلًا: وه وه وه!، عتجولي ايه يا هانم؟!، ليث كان عيجتل؟!، جتالين جتله احنا عاد!، ليه!، يبجا عستغرب ليه لما ألاجي ابنك عيكذب، وبنتك عتفتن لستها. تعالت ضحكات هانم قائلة: صوح كلامك يا شبل، اسمع التجيله يا واد أبوي، عشية كان عايز يخلف الواد التالت، يسر جالتله وده هيطلع ايه حرامي؟، جام ضربها. كاد أن يتحدث ولكنه لمح أحمد يقف خلف الباب ينتظر ما سيحدث في والده فقام بالنداء عليه ولكن هرب أحمد يستصعب مواجهة شبل لينظر شبل إلى ليث باشمئزاز قائلًا: هو ابنك مخاصمني يا ليث؟، روح يا شيخ منك لله، الأول فرجت بيني وبين مرتي وفي أحلى ليلة في عمرنا، وبعديها فرجت بيني وبين الواد. هزت هانم رأسها لتعلمه أن لا جدوى من حديثه مع ليث لتقول: يعني ده اللي مزعلك يا خوي؟!، ده هو ذات نفسيه مش زعلان على حاله، ولا فارجة معاه، أهم حاجه يرضي أمي، طمعان ياخد منيها الأرض. رد شبل باعتراض قائلًا: مش الأرض دي برضك أنا ليا فيها؟!، ده أنا اشتغلت فيها أكتر منيك، ولا هو أكل وبحلجة. اسمع أما أجولك أني صوح أصغر منيك بس مش عسيب حجي وحج أخواتي في يدك. رد عليه ليث بفظاظة: احنا عنوروثوها وهي عايشة؟!، هي حرة، وطول ما أنت متجوز منة مش عتعطيك حاجة من أملاكها، وأنت معتجدرش تاخد حجي في أرض بوي. تنهد شبل قائلًا بوعيد: طيب يا خوي..خليها تكتبهالك..وأنا من بكره مش عمد يدي فيها وخليها تخرب..علشان تبقى تفرح بيك يا كبير..جال كبير جال..الكبير كبير بمجامه. قامت هانم بإغاظة ليث قائلة لشبل: حيث اكده..عنروحوا الشهر العجاري أنا ونوارة وعنعملولك توكيل يا خوي..اتصرف أنت عاد..إن شا الله تبيعنا هدومنا اكفاية حنية جلبك علينا. ابتسم شبل بشماتة قائلًا: ده العشم برضه يا خيتي، أنتِ عملتِ اكده لأنك خابرة إني لا يمكن أكل حرام ولا أكل ولادي حرام، اكفاية تبجوا مطمنين وأنا عايش. تضايق ليث وأشاح بيده قائلًا: يلا إياك بت البندر تبيعوا اللي وراه واللي جدامه ويبجى عامل زي عواد باع أرضه، والله دي أمي ساعتها تطب ساكتة، وليه أنا عجولها. تركهم ليث وغمزت هانم لنوارة أن ترحل لتتحدث إلى شبل قائلة: حبيبي يا أخوي، مش كفاية اكده عاد؟، حن على البنية عتعشجك كتير، وأنت تستاهل تتعشج، عيش حياتك وانبسط واوعى تصدج تاني كلام عليها. استمع إلى كلماتها وصعد إليها ليجدها تنتظره قائلة: اتأخرت ليه؟، أنت قلت هتيجي بسرعة، حصل حاجة؟، اوعى تكون اتعشيت تحت مع مامتك؟، أنا سخنت الأكل تلات مرات، وجعانة جدًا. ابتسم إليها قائلًا: جالي تلفون من جوز صاحبتك عازمنا على فرحهم في القاهرة بكره، وده اللي أخرني، ده حتي جالي على عجد العمل بتاعك، ليه مجولتليش أول ما عرضوا عليكي. ابتلعت ريقها قائلة: عقد العمل!، يعني مش موضوع مهم أوي، أصل أنا اعترضت عليه من أول ما قالتلي زهرة، أنت عارف الصحاب بيبقوا عايزين يبقوا مع بعض في نفس المكان. جلس ينظر إليها بتدقيق قائلًا: أنا جولتله موافج، بس مش على السفر طبعًا، أنتِ خابرة مجدرش أهمل الأرض، بس إن كان على مرواح القاهرة مفيش مانع تروحي. قطبت منة جبينها قائلة: أروح!، لهو أنت هتسيبني أروح لوحدي؟!، لا طبعًا أنا لا رايحة ولا جاية، إذا كان وأنا مش مراتك طلعت عليا إشاعة، أومال هيحصلي ايه دلوقتي؟ ابتسم شبل بسخرية قائلًا: وأنتِ عبيطة؟، أصلًا تصدقي إني عخليكي تروحي لوحدك؟، لع، عنروحوا سوا وعنحضروا الفرح وننجطوا كومان، احنا مش جليلين. ابتسمت منة قائلة: بجد يا شبل هنروح سوا؟، أنا فرحانة!، مش علشان هحضر الفرح، لا، علشان هنسافر سوا، كنت كل مرة ببقى عايزاك تسافر معايا. نهض شبل واقترب منها بخبث قائلًا: وأدينا عنسافروا سوا كومان، وعنبيتوا بره بلدنا ولوحدينا بعيد عن الدار المنحوسة دي، وعنعملوا أحلى شهر عسل، وعنفضلوا سبوع بحاله هناك. ارتبكت منة قائلة: شهر عسل ايه اللي بتقول عليه؟، احنا هنروح ونرجع في نفس اليوم، الشقة اللي كنت قاعدة فيها متبهدلة، مش هينفع نبات فيها، وبعدين ملوش لزوم. ابتسم شبل بخبث قائلًا: وماله عنجعدوا في أغلى فندق فيكي يا مصر، وأنا عندي كام منة؟، مع إني كان نفسي نبيتوا في نفس المطرح اللي كنتي بتبجي فيه بعيدة عني. ابتعدت عنه بتوتر قائلة: يعني هو أنا كنت بعيدة عنك بمزاجي؟، أهو كله كان بمزاجك، وبعدين طالما نفسك يبقا نبات في شقتي، أهي على الأقل أوضتين زي هنا. ابتسم بخبث قائلًا: يا مرى أوضتين!، ليه يا عمي ظافر؟، جابلك ليه شوجه أوضتين؟، كنتي بتنيمي العفريت في الأوضة التانية؟!، ولا ايه؟، لع الفندج أحلى. تعالت ضحكات منة قائلة: لا، الحكاية وما فيها إن الشقة دي قريبة جدًا من الجامعة، واحنا كان بيبقا عندنا محاضرات متأخرة، فكنت باخد زهرة تبات معايا. هز شبل رأسه متفهمًا، وقال: امممم، يعني عتنيميني مكان زهرة؟، لع مش عيوحصل، هنام جارك يا حلوة، وأهو نجربوا العتبة دي، يمكن تفتح معانا وتبقا عتبة خير. ارتبكت منة قائلة: أنا هروح أسخن الأكل تاني، وأنت ادخل أوضتك هتلاقي هدومك على السرير وحمامك جاهز، على بال ما تاخد شاور أكون حضرت الأكل. وفرت هاربة من عينيه الراغبة فيها، ليحدث نفسه قائلًا: لو جدرت أصبر لحين ما نروحو القاهرة أبجى بطل، يخربيت أم الغمامة اللي كانت على عيني، البت كيف الجشطة، ولا صوتها وهي عتغني كروان. كانت منة تدندن في المطبخ بصوتها العذب بعض الأغاني لتطرب أذنه بها. انتهى اليوم وذهبا إلى القاهرة بدون أن يعلما أحد، وما أن وصلا إلى شقتها هبط ليشتري بعض المنظفات لتقوم بتنظيفها وبعد أن انتهت ارتمت على الأريكة منهكة تقول بتعب: خلاص خلصت معنتش قادرة، قلتلك كفاية يوم ونرجع فيه، حكمت رأيك أسبوع وأنا مقدرش أقعد في مكان مش نضيف، يا ريتني وافقت على الفندق. ابتسم بخبث قائلًا: الحمد لله إنك موافجتيش عليه، الشوجة دي دافية جوي وهواها يرد الروح، وأنتِ جميلة جوي فيها مش زي هناك، شكلك هناك عفش جوي. نهضت منة تضحك عليه قائلة: أنت بتقول ايه بس، بقا أنا هناك وسط لبس جوازي والأحمر والأخضر شكلي عفش!، وهنا احلويت!، أنت اللي بيتهيألك بس مش أكتر. نظر إليها بهيام قائلًا: أنا كان بيتهيألي، بس خلاص الغشاوة راحت من على عنيا يا منتي، سامحيني يا حتة من جلبي، غلطت فيكي كتير، بس أنا كنت خايف. ابتلعت منة ريقها بمرارة قائلة: خلاص يا شبل، بس علشان خاطري أنا مش عايزة أفتكر اللي حصل، يعني اديني فرصتي، أنا نمت مقهورة كتير منك، أنت ظلمتني أوي. زفر بحنق قائلًا: أنا بعدتك عنيهم علشان تروجي، ولو عاوزة كومان توجعي العقد مع جوز زهرة أنا موافج في سبيل سعادتك، بس أنتِ خابرة عروح أشتغل ايه هناك بالدبلوم؟ تنهدت منة قائلة: كنت حاسة إنك فكرت في النقطة دي، لذلك رفضت العقد، شبل أنا عايزة أقولك أنا لو اتعلمت وبقيت دكتورة جامعة عمري ما هكبر عليك. هز شبل رأسه بتفهم قائلًا: خابر، بس الزن على الودان أمر من السحر، خابر اني في اكده مش راجل، بس صدجيني أنا راجل وعاشج ليكي كمان، وخايف تفارجيني. لمعت الفرحة في مقلتيها وتحدثت قائلة: أنا عمري ما أقدر أبعد عنك أبدًا، ويوم ما فكرت أهرب وأسيبك، لأني لقيتك واحد تاني مش شبل اللي حبيته، ومبقيتش عارفة هتصرف معاك ازاي. زفر بحنق قائلًا: أنتِ برضك يا منة شفتيني مزاجي معكر فضلتي تزني مالك مالك مالك، اتعصبت عليكي، وأنتِ كيف العيلة الصغيرة، راحة تعيطي ليسر. عبست منة بوجهها قائلة: من ساعة ما رجعت ولقيتك متغير، عرفت من يسر إن توحيدة بنت خالك كانت قاعدة عندكم، وطبعًا أنا عارفة مامتك عايزاك تتجوزها ازاي. وضع شبل يده على وجهه قائلًا: والله العظيم ما أني فاكر شكلها ايه، ولا حسيت إنها موجودة كومان، تعرفي كنت ببيت فين؟، في شوجتنا، بس لا يسر ولا ليث حسوا عليا. سعدت منة قائلة: شبل بجد يا ريتني كنت اتكلمت معاك من زمان، بس أنت برضه غلطان، من امتى واحنا بنخبي اللي في قلوبنا عن بعض؟، ده أنت اللي مربيني. اقترب منها قائلًا: عجبال ما أربي ولادي اللي عجيبهم منيك يا منة جلبي، والله العظيم أنا جتيل اللحظة دي، من اهنه ورايح مش عخبي عنك حاجة واصل. حانت اللحظة ولكن يبدو أن القدر له رأي أخر جائه اتصال من جابر صديقه ليرد مضطرًا، ليصيح جابر بمرح قائلًا: أنا فرحانلك كتير يا صاحبي، خابر ليه؟، بالحركة اللي عملتها دي ولعت وكدت ليث، الواد كيف الطور الهايج، عيولع فينا، بس سيبك انبسط أنت. زفر شبل بحنق قائلًا: ماشي يا صاحبي، يا هادم اللذات ومفرج الجماعات، يعني أنت خابر إني هربان منيهم، ده وجت تتصل فيه؟، غور دبر روحك معاه. ثم استطرد قائلًا: منك لله أنت وهو، البت هربت مني، كنت خلاص، ادعي عليك بايه يا جابر؟!، روح غضبان عليك، ومش عخليك تركب الفرسة بتاعتي واصل. قهقه جابر من الضحك وأغلق الهاتف وأخذ شبل ينظر إلى الباب الذي دخلته منه ويبتسم على خوفها منه. الفصل الثالث مر أسبوع على منة وشبل، صار فيه شبل أكثر شراسة لا يريد الاقتراب منها رغم محاولاتها المستميتة معه. أخر يوم من أيام الأسبوع وجدته صباحًا يهتف بها ببرود قائلًا: هو أنتِ عتفضلي جاعدة في الجناح اكده كتيير؟!، اكفاية عليكي اكده، تدلي تحت من النهارده وتشتغلي مع الحريم. خطت نحوه واقتربت منه لتعدل من هندامه ليتفاجئ بها وهي تبتسم بخبث قائلة: حاضر، ولو إني لسه عروسة، بس المهم إن أنت تبقا راضي عني. ارتبك من أسلوبها ولكن استجمع قوة قلبه من جديد وأنزل يديها من على كتفيه وتخطاها ورحل لتجز على أسنانها. ارتدت ملابسها وجاءت تهبط للأسفل لتتفاجئ بأخته نوارة الحاصلة على الثانوية العامة، ترتمي بأحضانها وتتعالى شهقاتها كأنها تستنجد بها لتدخلها منة على الفور وتربت على كتفيها لتقول الأخرى: شفتي يا منه اللي عيعملوه فيا؟، مش عيخلوني أكمل تعليمي وعيجوزوني واد خالي!، الحجيني يا منة!، أنا جايبة مجموع طب عيحطموني. ربتت منة على ظهرها قائلة بحنان: مين قالك إن ده هيحصل يا نوارة؟، ده كلام بس بيقولوه، متقلقيش، شبل أكيد هيخليكي تتعلمي زى ما أنا اتعلمت، ويا ستي اعملي زيي اتخطبي لابن خالك ولما تخلصي اتجوزي. زمت نوارة شفتيها قائلة: جوزك هو السبب يا منة، كانت أمي وخوي ليث مجتنعين، جه هو وفركش كل حاجة، جال إنه لا يمكن يبجا في شبيهة ليكي تاني، كفاية أنتِ وعمايلك. فزعت منة ونهضت من جوارها قائلة: بتقولي ايه؟!، شبل هو اللي قال الكلام ده!، طب ليه؟!، أنا معملتش حاجة!، أربع سنين قضيتهم في الكلية باحترامي، حتى عقد العمل اللي كان جايلي من صاحبتي رفضته. هزت نوارة رأسها قائلة: أيوه صوح، هو جال إنك كنتي عتهربي مع صاحبتك وجوزها وتتجوزي هناك واحد غيره، وأمي وخوي صدجوه، بس أني مش مصدجاه. فجأة ارتفع رنين هاتف منة وهي جالسة مع نوارة، لكي تكون نوارة خير دليل إثبات على برائتها. كان من صديقتها زهرة كانت مرحة كثيرًا في حديثها فهتفت بلهفة قائلة: بت يا منة، اتوحشتك جوي يا بت، قوليلي بقا الجواز حلو يا منوش ولا السنجلة جنتلة؟، واوعي تقوليلي السنجلة جنتلة، أصل خلاص كتبت كتابي امبارح. ابتسمت منة قائلة: أنتِ بنت حلال يا زهرة، وابن الحلال عند ذكره بيبان. كنت لسه بحكي لنوارة عنك وعن عقد العمل اللي قدمتيه ليا وأنا رفضته، ويا ريتني ما رفضته. كانت منة في تلك الأثناء فتحت مكبر الصوت لكي تستمع نوارة لكل شيء، قطبت زهرة جبينها قائلة: أنا مش مرتاحة لكلامك يا منة، ايه يا ريتني ما رفضته دي ؟، من امتى منة بتندم على حاجة خصوصًا لما تكون مقتنعة ومصممة متعملهاش. هزت منة رأسها قائلة: تقدري تقولي من ليلة ما اتجوزت، من يوم ما الكل اتهمني، وكنت مفكرة إنه الوحيد اللي هيدافع عني، بس لا يا زهرة مقتنع إن كان ليا علاقة بحد في الجامعة. هزت زهرة رأسها بعدم اقتناع قائلة: أنا متأكدة إن في سوء تفاهم، وأنا مستعدة أكلمه بنفسي أو أخلي جوزي يكلمه، قلتلك يا منة المكان عندكم مينفعش تعيشوا مرتاحين فيه. استكفت نوارة بما سمعته وعزمت أمرها أن تفتعل شيء في سبيل إسعاد منة، بعد خروج نوارة أخذت منة تنتحب في الهاتف مع زهرة قائلة: هو المكان بس، ده حتى بابا يا زهرة مجوزني له علشان ينتقم من مرات عمي، ومرات عمي مصرة تحط راس أبويا في الطين، هي وابنها. جحظت زهرة بعينيها قائلة: هو ابنها التاني ده مش جوز يسر؟!، ولا هي اتطلقت منه؟!، ايه اللي بيحصل ده؟!، هو تار ما بين العيلتين، وشبل فين من ده كله؟!، مش ده حبيبك؟ تنهدت منة بتعب قائلة: خلاص يا زهرة، شبل مبقاش حبيبي، بقا عدوي، هيخليني خدامة له، وهيتجوز عليا وهيعرف الكل إني مش بخلف؛ لأنه مش هيلمسني. أغمضت زهرة عينيها بحزن قائلة: يعني ايه اللي بتقوليه ده؟َ!، معقول يصدق كل الكلام ده؟!، لا وكمان يصدر حكم بالنيابة عنك؟!، مش خايف لتشتكيه ويضطر يطلقك . هتفت منة معارضة لحديث زهرة قائلة: هو أنتِ مفكرة إني ممكن أعملها؟!، عمرى ما أقدر يا زهرة، ومش علشان خايفة منه؛ لأنه ببساطة ممكن يحلها في ليلة وغصب عني. هتفت زهرة باستغراب قائلة: أومال مش هتعمليها ليه؟، واوعي تقوليلي إنك بتحبيه؛ لأنه ميستاهلش. يا ستي دي الحاجة الوحيدة اللي كانت معلقاكي فيه هي حبه ليكي. ردت عليها منة بحزن: وما زلت متعلقة بيه، ومقدرش أبعد عنه. جايز بكابر بيني وبين نفسي، بس كل أما بشوفه بحاول أقرب منه وأشيل الحواجز اللي بينا. هزت زهرة رأسها بيأس لإحساسها بحالة منة وهتفت قائلة: حاسة بيكي يا منة، وباين من كلامك إن هو معندوش استعداد يرضى عنك، بس هقولك إني خايفة ينفذ كلامه فعلًا، وأنتِ هتتنازلي عن حقوقك. صرخت منة قائلة: يا زهرة أنا بحبه ومقدرش أعيش من غيره، وفي نفس الوقت مش متخيلاه مع واحدة غيري، منتظرة عدالة ربنا تنجيني من اللي أنا فيه. دعت لها زهرة قائلة: ربنا ينصرك يا منة يا حبيبتي، منة اسمعيني كويس بكررها تاني أتصل أنا عليه وأفهمه كل حاجة. يا منة أنتِ مكنتيش بتتكلمي مع أي ولد في الجامعة. تنهدت منة بحزن قائلة: المشكله أكبر من إنك تتصلي وتوضحيله الأمر. المشكلة فيها ابن أختي اللي راح كذب عليه لأنه خايف من أبوه، صعبان عليا الولد هو كمان. عمومًا أنا مضطرة أقفل معاكي دلوقتي ورايا شغلي تحت هكلمك لما أخلص. أنهت منة اتصالها وهبطت أسفل حتى تقوم بمهامها ولا تستمع لأي كلمة تجرحها، وبأخر النهار صعدت ونامت من التعب تاركة هاتفها على الأريكة بالصالة، قلقت عليها زهرة لأنها وعدتها بالاتصال مؤخرًا فقامت بمهاتفتها فوجد شبل الهاتف وقطب جبينه لعدم وجود اسم حيث اضطرت زهرة لاستخدام هاتف خطيبها لعدم وجود رصيد لديها فتح شبل الهاتف وظل صامتًا ليستمع لصوت زهرة المرح وهي تقول: يااااه يا منة!، أنتِ لسه فيك العادة النيلة دي، لما تلاقي رقم غريب يا إما مترديش يا تردي وتفضلي ساكتة، يعني أنا لولا فهماكي كنت فضلت مستنياكي تتكلمي. رد شبل بخجل قائلًا: منة نايمة، أنتِ مين؟، أنتِ صاحبتها صوح؟، أنا أسف اني مرديتش أول ما فتحت التلفون، بس أصلك متصلة من رقم مش مكتوب عاد. ابتسمت زهرة وعضت على شفتيها فقد حانت فرصتها للتحدث معه فردت بلهفة قائلة: ده رقم جوزي أصل معييش رصيد، كنت بطمن على منة كلمتها الصبح وقالت وراها شغل وهتكلمني بليل، وبصراحة مبسوطة إنك أنت اللي رديت. واستطردت قائلة: اسمعني يا أستاذ شبل، أنا أعرف منة من أربع سنين، مشوفتش منها غير الأدب والأخلاق، وصلت لدرجة إنها ترفض تعطي محاضراتها لولد علشان ميبقاش في احتكاك. عبس بوجهه قائلًا: ليه بتجولي اكده؟ ردت بثقة قائلة: لأن عارفة اللي وصلك، وأي إن كان وصلك ايه فهو كله كذب وافترا، لو مش مصدقني موبايل منة بيسجل المكالمات افتح واسمع وشوف. استشعر شبل في نبرتها الصدق فأراد أن ينهي مكالمته معها قبل أن تستيقظ منة، ولكنه تفاجئ بمنة تخرج من غرفتها تنظر إليه باستغراب وهو ممسكًا هاتفها لتسمعه يقول: شكرًا ليكي يا أستاذة زهرة، منة صحيت، وهتكمل معاكي التلفون، السلام أمانة لجوزك. أعطى الهاتف لمنة لتقف أمامه تعاتب صديقتها قائلة: مكنش له لزوم يا زهرة، أنا قلتلك الصبح اللي في دماغك لا هيقدم ولا هيأخر، ليه تحاولي تعملي حاجة من ورايا؟، وترخصيني بالشكل ده. زفرت زهرة بحنق قائلة: بصراحة لقيتها فرصة، وأنا مش هسيبك في النار لوحدك زي ما يسر عملت، منة أنتِ أختي وبحبك، ولعلمك بكره تقولي زهرة قالت هيحن. انتهت مكالمتها وتوجهت منة إلى الغرفة لتسمعه يهتف قائلًا: أنا رديت لما لجيته رقم غريب، خابر إنك عتفكري إني شاكك فيكي وأنا مش عنكر، بس صدجيني لما لجيتها صحبتك ارتحت جوى. التفتت إليه قائلة بحزن: ارتحت لما عرفت إنها صحبتي ولما قالتلك اني معملتش حاجة من الخرافات اللي عمالين يقولوها، عمومًا هي اترجتني الصبح كتير تعرفك بس أنا مكنتش راضية. كاد أن يرد عليها ولكن لم تمهله، ودلفت إلى غرفتها تتصل بزهرة تعاتبها لترد عليها زهرة بمرح قائلة: نهار اسوح!، أنتِ بتتصلي ليه؟َ!، اوعي يكون مقتنعش!، يا أبويا ويا مرك يا نعمة على الدماغ الصعيدي!، أركب القطر وأجي أضربه؟ زفرت منة بحنق قائلة: لا اقتنع، بان في عينيه إنه صدقك، بس أنا مش عايزة كده، أنا عايزة شبل حبيبي اللي يصدقني أنا، مش يصدق كلام أمه شوية وكلام عيل. لوت زهرة شفتيها قائلة: كان لازم طرف تالت يا منة، وبعدين الحركة مش مقصودة، بس جت تدبير من عند ربنا أهو، ده الراجل بيكلمني وخلص معايا وكان مش عايز يسمع أصلًا. تنهدت منة قائلة: ما هو ده اللي مجنني يا زهرة!، هيقتلني بقلبه البارد، ايه اللي غيره كده؟، مش معقول يكون اللي قالوه، النهارده بدأت أحس إن فرق التعليم موتره. شهقت زهرة جاحظة تقول: أوووبا!، أنا ازاي تاهت عني الفكرة دي، بس يا منة أنتِ موافقة عليه ومقتنعة كمان، ايه اللي يخليه يحس إنه قليل بالنسبة لك، وبعدين أنتِ ايه اللي خلاكي تشكي؟ أغمضت منة عينيها قائلة: النهارده مشكله نوارة، هو الوحيد المعترض على تعليمها، وعايزة يجوزها ابن خالها ولما قلت ايه يعني تتخطب وتتجوز بعدين قالوا علشان هتحس بالفرق زيك. لوت زهرة شفتيها قائلة: وطبعًا سيادتك، الكلام تعب نفسيتك وقعدتي تعيطي قدامها، هقولك ايه ما أنتِ هبلة، زمانهم بقا حكوا له وعرف أنتِ قد ايه يا عيني متعذبة. ابتسمت منة قائلة: كأنك فتحتي مخي ودخلتي قعدتي جواه، أنا فعلًا اتأثرت أوي، خصوصًا اما اكتشفت سبب معاملة شبل الباردة ليا،بس اطمني لحقت نفسي. تنهدت زهرة قائلة: طيب بما إنك مش هبلة زي ما أنا تخيلت، يبقا استنتاجي في محله، كون إنه مش راضي يسمعني وأنا بفهمه ده معناه إنه خلاص العقدة راحت. زفرت منة قائلة: تقريبًا كده، ده حتى كان صريح معايا وقالي إنه شك لما شاف رقم غريب، وقال كمان إنه انبسط إن طلعتي أنتِ مش حد تاني، بس برضه خايفة. صرخت زهرة في وجهها قائلة: كفاااية!، حرااام ارحمي أمي الغلبانة وجوزي أنا كده بهمك ده هيعلى الضغط وبدل ما أدخل دنيا هدخل أخرة، بصي اهدي كده وسيبي نفسك وشوفي هيحصل ايه. ابتسمت منة تهز رأسها قائلة: حاضر يا زهرة هعمل اللي بتقولي عليه، ومتشكرة أوي على كل اللي عملتيه معايا، ابقي طمنيني عليكي وادعي يجيبني ليكي أشوفك قبل ما تسافري. ابتسمت زهرة قائلة: أنتِ تؤمري يا منوش، مطر دعوات هينزل عليكي ساعة الفجر مني ومن ماما ومن الراجل اللي معذباه معايا ده، يلا تصبحي على خير. نامت منة رغم انتظاره لها أن تخرج له في أي لحظة، ولكنها فضلت المكوث في غرفتها. سطعت شمس يوم جديد واستيقظت ولكنها لم تجده فهبطت إلى الأسفل حيث العمل مع يسر لتنظر إليها يسر بامتعاض قائلة: ده بينها جوازة هم، ايه اللي عملاه في نفسك ده؟، ألا ما فيه في وشك حبة أحمر ولا أخضر ، كنتي يا خايبة حطيهم علشان نغيظ العقربة حماتك. ابتسمت منة بسخرية قائلة: وهو شوية الأحمر والأخضر اللي يغيظوها، اطمني دي تغيظ بلد، يا بنتي دي موتت أمك بحسرتها، ده خلت أمك تسقط مرتين، والله أنا بقيت بخاف منها. كتمت يسر ضحكاتها قائلة: ايه بتخافي؟، معقول يا منة؟!، أنتِ تخافي منها!، معلش أصلك خايبة زي أمك، أو أقولك جايز شبل هو اللي طلع جامد زى أبوكي، لكن ليث حاضر يا أما، وفي الأوضة هيموت عليا. زفرت منة بحنق قائلة: بقولك ايه يا يسر، متجبيش سيرة ليث ده خالص طول ما أنا واقفة معاكي، فرحانة بيه أوي يا ختي وهو بيعلم ابنك الكذب ويخوفه، هو مفكر نفسه مين؟ هزت يسر رأسها بيأس قائلة: أنا بحاول أنسى عمايله، لا وهيتجنن وعايز العيل التالت، امبارح قلتله واحد طلعته كداب والبت طلعتوها فتانة، والتالت هطلعوه ايه حرامي؟ ابتسمت منة بسخرية قائلة: كل شئ جايز مع العيلة دي، المهم أنتِ يا يسر لازم يبقالك قعدة مع ولادك، مش تسيبيهم كده، وأنا هحاول مع أبرار، لكن أحمد الصراحة لا. تذمرت يسر قائلة: يا سلام!، أحمد لا ليه بقا؟، مكنتش كذبة يا ست منة، أنا قلتلك هقول لشبل، بس ابعدي الولد عن الموضوع. يعني كنتي عايزاه يضرب؟ ردت منة قائلة: وبالنسبة للي حصل معاه طول الليل؟، يرضيك يا يسر هانم؟، ابنك مش صغير قوليلي هيطلع راجل ازاي وقد المسؤلية؟، ولا هيبقا ابن أبوه؟ تحدثت يسر بحزن قائلة: أنا عارفة إن الموضوع كبير وصعب، بس في نفس الوقت الواد بيصعب عليا لما بيتمد كل شوية منه، مش عارفة بيعمل فينا كده ليه. ربتت منة على كتفيها قائلة: متزعليش مني أنتِ كنتي ملهوفة عليه لهفة وحشة أوي، كأن لا قبله ولا بعده، وده اللي خلاه ميعملكيش كرامة، وكل حاجة بتعطيه بسهولة. اتغيري يا يسر، مش مرة واحدة بالتدريج، قربي من ربنا، صلي، تعرفي لو حماتك طلبت منك أي حاجة وقت الصلاة اوعي تعمليها، ارضي ربنا وهي هترضى عنك، جايز هتطول بس صدقيني اللي قريب من ربنا ربنا بينصره، أنا قلت ليها يوم الصباحية أنا واثقة إن ربنا هينصرني، وعلى فكرة أنا قريب أوي هرجع قلب شبل ليا تاني. بهذه الكلمات كانت منة تحدث نفسها ولكن صوت عقلها تعالى قائلًا: لأجل كرامتك يا منة..سوديها على دماغهم. تردد هذا الصوت في أذنيها وكأنه صوت أمها، ولكن تبرأت منه، وبرأت أمها من هذه الكلمات تضع في رأسها شيء واحد هو العيش معه في سعادة، والإنجاب منه والانتصار على السيدة التي دمرت حياة أمها..تعلم جيدًا أن عقلها ناضج، ولكن ما قام به شبل من خذلان جعلها تفكر في أمور بدائية لتحارب من أجل كرامتها وتطفئ سعادة من تطاردها وكأنها الكابوس الذي لا ينتهي، كابوس تسبب في موت من أنجبتها. تسترجع ذكرياتها وهي صغيرة وتسأل نفسها، ألم يكفيها تلك المرأة ما فعلته بأمي ومحاولات تفريقها عننا إما بطلاقها من والدي حتى أراحتها أمي عندما ماتت بالمرض اللعين. تعبت من كثرة التفكير وهو تأخر عليها ولكن دون قصد منه حيث كانت تنتظره نوارة في الحديقة الخلفية، ليغمض عينيه فور رؤيتها فهو يعلم أنها ستتحدث بأمر إكمال التعليم لتجلس أمامه بابتسامة مضطربة قائلة: كيفك يا خوي؟، أنا خابرة إن الوجت متأخر، بس أنا عاوزة أتحدت وياك، بخصوص منة، منة زينة يا خوي، وأنا معاي الدليل، أنتوا كلياتكم ظلمتوها. تنهد شبل واضعًا رأسه بين كفيه قائلًا: خابر يا نوارة، منة طلعت صوح، إني هيجي يوم أندم فيه، بس في نجطة يا نوارة على اعتراضي في تعليمك، واد خالك رغم إن خالك عفش بس الواد عيحبك. ثم أشاح بوجهه يستطرد قائلًا: وأني مش عاوز يحس بالجله زيي، ..أنا يا نوارة بعد ما منة جربت تاخد شهادتها..وبسمعها بتتحدت لغات زين..استخسرتها في نفسي. هزت نوارة رأسها متفهمة لتوضح له الأمر قائلة: الكلام ده يرسى لما تكون اتجنعرت عليك، كان نفسي تسمعها وهي عتتحدت ويا صاحبتها..والله العظيم بتعشجك يا واد أبوي..والبت الشارية مش بيهمها حاجات زى اكده. زفر شبل قائلًا: طب قيمينا من الموضوع ده دلوك، توعديني يا نوارة لو كملتي علام، وحسيتي إنك كبيرة على واد خالك، هتيجي تجوليلي ولا عتهربي؟ ابتسمت نوارة تنفي ما يقوله قائلة: يا خوي مين جال إنك وواد خالي مش متعلمين؟، دبلوم الصنايع مش هين برضك، ده في ناس بيبجى معاهم مجموع الثانوية ورغبتهم بتبجي في الدبلوم. كانت تنتظره لتتناول العشاء معه فهاتفته حتى أنه استغرب اتصالها ليرد عليها وتتلهف عليه قائلة: شبل..أنا مشفتكش الصبح..وبعتلك الأكل مع الغفير رجع زي ما هو..أنت مش ناوي تيجي تتعشى معايا..أنا كمان مأكلتش حاجة. ابتسم شبل حتى أضائت الابتسامة وجهه قائلًا بسعادة تغمره: مساء الورد يا منتي يا حبيبتي..استنيني أصلي اتوحشتجك جوي..أنا بس جاعد مع البت نوارة بنتحدتت في موضوع جامعتها..عخلص معاها وعجيلك. استغربت منه مع من تتحدث ترى ما هذا التغيير المفاجئ أيعقل أن يكون سببه نوارة؟ على الجانب الأخر كان ليث يستمع إلى محادثته مع منة ليتقدم إليه قائلًا بسخرية: مساء الخير يا شبل، شايفك مزاجك رايج! خير فرحني معاك يا خوي، لتكون وافجت على جامعة البت نوارة؟، ده أنا لسه متفج مع واد خالك على الفرح. تنهد شبل قائلًا: أيوه وافجت، أنت صوح خوي الكبير، بس بتنتهز الفرص وتخربط الدنيا، أنا عتحدتت معاه بكره وهرسيه على الليلة، عنكتبوا كتابهم بس. ثم استطرد قائلًا وهو يرى الغضب في عيني ليث: وعتخلص سنتين وتتجوز، وعشرط عليه يكملها علام، حتى لو عنصرفوا عليها بنفسينا، دي أختنا الصغيرة برضك وبوك وصانا عليها. لوى ليث شفتيه قائلًا: ليه يا واد أبوي؟، كنا جوزناها وخلصنا منيها، لأحسن تتجنعر علينا كيف مرتك، وواد خالك طيب مش عيستحمل مرمطة زيك. فهم شبل ما يرمي له ليث من كلماته فرد بغضب قائلًا: أه!، أنت بتلجح عليا يا خوي، ماشي وماله، بس عجولك حاجة، واد خالك جوي زيي عايز مرته تبجا متعلمة وجوية، كيف منة، مش مربوطة في ساجية كيف يسر. تذمر ليث قائلًا: محصولش، يسر ست الدار دي كلياتها بعد أمك، اكفايه إنها عتسمع كلامي، دي الرجولة عاد، مش المسخرة والدلع ومرواح البندر. علمت نوارة أن الحرب دارت بين أخويها لتتنحنح قائلة: أنا عتمسخر وعدلع يا خوي؟!، مش أنت اللي خلتني أزن على شبل يوديني الجامعة، ولما مرضيتش جولتلي إن منة السبب، أهي طلعت مظلومة. اندهش شبل لما تقوله نوارة ونظر إلى ليث باشمئزاز قائلًا: ما كنت تخليها تجتل منة بالمرة؟!، مش خابر ليه عتكره منة كل الكره ده؟، لو علشان مرت عمك الله يرحمها، طب ما أنت متجوز بنتها التانية. هنا ظهرت هانم في محيطهم أختهم الكبرى التي عاشرت صراعات كثيرة بين والداتها وامرأة عمها لتتحدث بصدق قائلة: ومنة كومان عتكره ليث يا شبل، وأنا خابرة ليه، زمان ليث كان عيجتل مرت عمي، ومنة شافته كانت لسه صغيرة، والله العظيم كانت راجل ومسكت البندجية بتاعت بوك وخرجته من الدار يجري كيف المجنون. فرج شبل فاه قائلًا: وه وه وه!، عتجولي ايه يا هانم؟!، ليث كان عيجتل؟!، جتالين جتله احنا عاد!، ليه!، يبجا عستغرب ليه لما ألاجي ابنك عيكذب، وبنتك عتفتن لستها. تعالت ضحكات هانم قائلة: صوح كلامك يا شبل، اسمع التجيله يا واد أبوي، عشية كان عايز يخلف الواد التالت، يسر جالتله وده هيطلع ايه حرامي؟، جام ضربها. كاد أن يتحدث ولكنه لمح أحمد يقف خلف الباب ينتظر ما سيحدث في والده فقام بالنداء عليه ولكن هرب أحمد يستصعب مواجهة شبل لينظر شبل إلى ليث باشمئزاز قائلًا: هو ابنك مخاصمني يا ليث؟، روح يا شيخ منك لله، الأول فرجت بيني وبين مرتي وفي أحلى ليلة في عمرنا، وبعديها فرجت بيني وبين الواد. هزت هانم رأسها لتعلمه أن لا جدوى من حديثه مع ليث لتقول: يعني ده اللي مزعلك يا خوي؟!، ده هو ذات نفسيه مش زعلان على حاله، ولا فارجة معاه، أهم حاجه يرضي أمي، طمعان ياخد منيها الأرض. رد شبل باعتراض قائلًا: مش الأرض دي برضك أنا ليا فيها؟!، ده أنا اشتغلت فيها أكتر منيك، ولا هو أكل وبحلجة. اسمع أما أجولك أني صوح أصغر منيك بس مش عسيب حجي وحج أخواتي في يدك. رد عليه ليث بفظاظة: احنا عنوروثوها وهي عايشة؟!، هي حرة، وطول ما أنت متجوز منة مش عتعطيك حاجة من أملاكها، وأنت معتجدرش تاخد حجي في أرض بوي. تنهد شبل قائلًا بوعيد: طيب يا خوي..خليها تكتبهالك..وأنا من بكره مش عمد يدي فيها وخليها تخرب..علشان تبقى تفرح بيك يا كبير..جال كبير جال..الكبير كبير بمجامه. قامت هانم بإغاظة ليث قائلة لشبل: حيث اكده..عنروحوا الشهر العجاري أنا ونوارة وعنعملولك توكيل يا خوي..اتصرف أنت عاد..إن شا الله تبيعنا هدومنا اكفاية حنية جلبك علينا. ابتسم شبل بشماتة قائلًا: ده العشم برضه يا خيتي، أنتِ عملتِ اكده لأنك خابرة إني لا يمكن أكل حرام ولا أكل ولادي حرام، اكفاية تبجوا مطمنين وأنا عايش. تضايق ليث وأشاح بيده قائلًا: يلا إياك بت البندر تبيعوا اللي وراه واللي جدامه ويبجى عامل زي عواد باع أرضه، والله دي أمي ساعتها تطب ساكتة، وليه أنا عجولها. تركهم ليث وغمزت هانم لنوارة أن ترحل لتتحدث إلى شبل قائلة: حبيبي يا أخوي، مش كفاية اكده عاد؟، حن على البنية عتعشجك كتير، وأنت تستاهل تتعشج، عيش حياتك وانبسط واوعى تصدج تاني كلام عليها. استمع إلى كلماتها وصعد إليها ليجدها تنتظره قائلة: اتأخرت ليه؟، أنت قلت هتيجي بسرعة، حصل حاجة؟، اوعى تكون اتعشيت تحت مع مامتك؟، أنا سخنت الأكل تلات مرات، وجعانة جدًا. ابتسم إليها قائلًا: جالي تلفون من جوز صاحبتك عازمنا على فرحهم في القاهرة بكره، وده اللي أخرني، ده حتي جالي على عجد العمل بتاعك، ليه مجولتليش أول ما عرضوا عليكي. ابتلعت ريقها قائلة: عقد العمل!، يعني مش موضوع مهم أوي، أصل أنا اعترضت عليه من أول ما قالتلي زهرة، أنت عارف الصحاب بيبقوا عايزين يبقوا مع بعض في نفس المكان. جلس ينظر إليها بتدقيق قائلًا: أنا جولتله موافج، بس مش على السفر طبعًا، أنتِ خابرة مجدرش أهمل الأرض، بس إن كان على مرواح القاهرة مفيش مانع تروحي. قطبت منة جبينها قائلة: أروح!، لهو أنت هتسيبني أروح لوحدي؟!، لا طبعًا أنا لا رايحة ولا جاية، إذا كان وأنا مش مراتك طلعت عليا إشاعة، أومال هيحصلي ايه دلوقتي؟ ابتسم شبل بسخرية قائلًا: وأنتِ عبيطة؟، أصلًا تصدقي إني عخليكي تروحي لوحدك؟، لع، عنروحوا سوا وعنحضروا الفرح وننجطوا كومان، احنا مش جليلين. ابتسمت منة قائلة: بجد يا شبل هنروح سوا؟، أنا فرحانة!، مش علشان هحضر الفرح، لا، علشان هنسافر سوا، كنت كل مرة ببقى عايزاك تسافر معايا. نهض شبل واقترب منها بخبث قائلًا: وأدينا عنسافروا سوا كومان، وعنبيتوا بره بلدنا ولوحدينا بعيد عن الدار المنحوسة دي، وعنعملوا أحلى شهر عسل، وعنفضلوا سبوع بحاله هناك. ارتبكت منة قائلة: شهر عسل ايه اللي بتقول عليه؟، احنا هنروح ونرجع في نفس اليوم، الشقة اللي كنت قاعدة فيها متبهدلة، مش هينفع نبات فيها، وبعدين ملوش لزوم. ابتسم شبل بخبث قائلًا: وماله عنجعدوا في أغلى فندق فيكي يا مصر، وأنا عندي كام منة؟، مع إني كان نفسي نبيتوا في نفس المطرح اللي كنتي بتبجي فيه بعيدة عني. ابتعدت عنه بتوتر قائلة: يعني هو أنا كنت بعيدة عنك بمزاجي؟، أهو كله كان بمزاجك، وبعدين طالما نفسك يبقا نبات في شقتي، أهي على الأقل أوضتين زي هنا. ابتسم بخبث قائلًا: يا مرى أوضتين!، ليه يا عمي ظافر؟، جابلك ليه شوجه أوضتين؟، كنتي بتنيمي العفريت في الأوضة التانية؟!، ولا ايه؟، لع الفندج أحلى. تعالت ضحكات منة قائلة: لا، الحكاية وما فيها إن الشقة دي قريبة جدًا من الجامعة، واحنا كان بيبقا عندنا محاضرات متأخرة، فكنت باخد زهرة تبات معايا. هز شبل رأسه متفهمًا، وقال: امممم، يعني عتنيميني مكان زهرة؟، لع مش عيوحصل، هنام جارك يا حلوة، وأهو نجربوا العتبة دي، يمكن تفتح معانا وتبقا عتبة خير. ارتبكت منة قائلة: أنا هروح أسخن الأكل تاني، وأنت ادخل أوضتك هتلاقي هدومك على السرير وحمامك جاهز، على بال ما تاخد شاور أكون حضرت الأكل. وفرت هاربة من عينيه الراغبة فيها، ليحدث نفسه قائلًا: لو جدرت أصبر لحين ما نروحو القاهرة أبجى بطل، يخربيت أم الغمامة اللي كانت على عيني، البت كيف الجشطة، ولا صوتها وهي عتغني كروان. كانت منة تدندن في المطبخ بصوتها العذب بعض الأغاني لتطرب أذنه بها. انتهى اليوم وذهبا إلى القاهرة بدون أن يعلما أحد، وما أن وصلا إلى شقتها هبط ليشتري بعض المنظفات لتقوم بتنظيفها وبعد أن انتهت ارتمت على الأريكة منهكة تقول بتعب: خلاص خلصت معنتش قادرة، قلتلك كفاية يوم ونرجع فيه، حكمت رأيك أسبوع وأنا مقدرش أقعد في مكان مش نضيف، يا ريتني وافقت على الفندق. ابتسم بخبث قائلًا: الحمد لله إنك موافجتيش عليه، الشوجة دي دافية جوي وهواها يرد الروح، وأنتِ جميلة جوي فيها مش زي هناك، شكلك هناك عفش جوي. نهضت منة تضحك عليه قائلة: أنت بتقول ايه بس، بقا أنا هناك وسط لبس جوازي والأحمر والأخضر شكلي عفش!، وهنا احلويت!، أنت اللي بيتهيألك بس مش أكتر. نظر إليها بهيام قائلًا: أنا كان بيتهيألي، بس خلاص الغشاوة راحت من على عنيا يا منتي، سامحيني يا حتة من جلبي، غلطت فيكي كتير، بس أنا كنت خايف. ابتلعت منة ريقها بمرارة قائلة: خلاص يا شبل، بس علشان خاطري أنا مش عايزة أفتكر اللي حصل، يعني اديني فرصتي، أنا نمت مقهورة كتير منك، أنت ظلمتني أوي. زفر بحنق قائلًا: أنا بعدتك عنيهم علشان تروجي، ولو عاوزة كومان توجعي العقد مع جوز زهرة أنا موافج في سبيل سعادتك، بس أنتِ خابرة عروح أشتغل ايه هناك بالدبلوم؟ تنهدت منة قائلة: كنت حاسة إنك فكرت في النقطة دي، لذلك رفضت العقد، شبل أنا عايزة أقولك أنا لو اتعلمت وبقيت دكتورة جامعة عمري ما هكبر عليك. هز شبل رأسه بتفهم قائلًا: خابر، بس الزن على الودان أمر من السحر، خابر اني في اكده مش راجل، بس صدجيني أنا راجل وعاشج ليكي كمان، وخايف تفارجيني. لمعت الفرحة في مقلتيها وتحدثت قائلة: أنا عمري ما أقدر أبعد عنك أبدًا، ويوم ما فكرت أهرب وأسيبك، لأني لقيتك واحد تاني مش شبل اللي حبيته، ومبقيتش عارفة هتصرف معاك ازاي. زفر بحنق قائلًا: أنتِ برضك يا منة شفتيني مزاجي معكر فضلتي تزني مالك مالك مالك، اتعصبت عليكي، وأنتِ كيف العيلة الصغيرة، راحة تعيطي ليسر. عبست منة بوجهها قائلة: من ساعة ما رجعت ولقيتك متغير، عرفت من يسر إن توحيدة بنت خالك كانت قاعدة عندكم، وطبعًا أنا عارفة مامتك عايزاك تتجوزها ازاي. وضع شبل يده على وجهه قائلًا: والله العظيم ما أني فاكر شكلها ايه، ولا حسيت إنها موجودة كومان، تعرفي كنت ببيت فين؟، في شوجتنا، بس لا يسر ولا ليث حسوا عليا. سعدت منة قائلة: شبل بجد يا ريتني كنت اتكلمت معاك من زمان، بس أنت برضه غلطان، من امتى واحنا بنخبي اللي في قلوبنا عن بعض؟، ده أنت اللي مربيني. اقترب منها قائلًا: عجبال ما أربي ولادي اللي عجيبهم منيك يا منة جلبي، والله العظيم أنا جتيل اللحظة دي، من اهنه ورايح مش عخبي عنك حاجة واصل. حانت اللحظة ولكن يبدو أن القدر له رأي أخر جائه اتصال من جابر صديقه ليرد مضطرًا، ليصيح جابر بمرح قائلًا: أنا فرحانلك كتير يا صاحبي، خابر ليه؟، بالحركة اللي عملتها دي ولعت وكدت ليث، الواد كيف الطور الهايج، عيولع فينا، بس سيبك انبسط أنت. زفر شبل بحنق قائلًا: ماشي يا صاحبي، يا هادم اللذات ومفرج الجماعات، يعني أنت خابر إني هربان منيهم، ده وجت تتصل فيه؟، غور دبر روحك معاه. ثم استطرد قائلًا: منك لله أنت وهو، البت هربت مني، كنت خلاص، ادعي عليك بايه يا جابر؟!، روح غضبان عليك، ومش عخليك تركب الفرسة بتاعتي واصل. قهقه جابر من الضحك وأغلق الهاتف وأخذ شبل ينظر إلى الباب الذي دخلته منه ويب تسم على خوفها منه.