اغواء قلب بقلم ميرا كريم ج4

الفصل السادس -ممكن افهم ايه اللي بيحصل هنا بالظبط؟ قاطع نزالهم وتراشقهم بالكلمات صوته الصارم وهو يقف بشموخ يضع يده بجيب بنطاله بهيبة لا يضاهيه أحد بها فقد وترهم حضوره بشدة ولجم ألسنتهم… لحين بادر أكرم بتلعثم وعيون زائغة: -ولا حاجة يا صقر دول بيهزروا لم يقنعه حديث اكرم وتسائل بنفاذ صبر وصوت صارم اجفلهم: – بتتخانقوا ليه؟ ابتسم أكمل ساخرًا من كذبة صديقه الواهية وهدر بتهكم: -أهو شرف صقر باشا العزازى وبيسألك بنفسه قوله يا هاشم كنا بنتخانق ليه؟ لتلتمع عينه ويضيف ببسمة مُستفزة حاقدة لم تفارق فمه: – ولا تحب اقوله انا! لعنه هاشم بصوت مسموع وساد صمت مريب بعدها فكانوا يتبادلون نظرات غريبة لم تعجبه بالمرة لذلك هدر بصوت نافذ زاد من ارتباك الموقف: -اتكلم يا هاشم… دلك هاشم رقبته وهو يزجر أكمل التي مازالت تلك البسمة المستفزة تعلو ثغر بنظرات محذرة فيما معناه أن يكف عن حماقته…ثم نطق بضيق وهو يتحاشى النظر لعيون صقر الثاقبة: -محصلش حاجة إحنا كنا بنهزر بس هزار تقيل حبتين ابتسم أكرم ببلاهة وحاول تخفيف حدة الموقف: – شوفت طلعوا بيهزروا و شكلهم شاربين وبيطلعوه علينا ضيق عينه بتشكيك وعدم تصديق لحديثهم فصياحهم قد التقطه وهو في غرفته بالأعلى اثناء تغير ملابسه المبتلة بأخرى ليهدر بحزم موجه حديثه لأكمل: -عمري ما هِنت حد في بيتي قبل كده طول عمري فاتح بابي وعمري ما قفلته في وش حد حتى لو الحد ده مش مرحب بيه بس انا من حقي اعرف سبب وجودك؟ -انا يا صقر هدر بها أكرم وهو مطرق رأسه بالأرض بخزي أثر فعلته فهو من دعاه قاصدًا أن يقربهم من جديد ويلم شمل أصدقاء طفولته هز صقر رأسه بملامح جامدة بينما احتل الضيق معالم أكرم وأطرق رأسه بحرج حين استأنف صقر موجه حديثه للجميع: – البيت ده بيت محترم واللي يجي هنا يبقى باحترامه رد هاشم بحرج: – ملوش لزوم الكلام ده يا صقر انا اصلًا كنت ماشي مش مستنيك تطردني ليعقب صقر بحدة: -هاشــــــــــــــــــــم … انا مبتطردش حد انا بس بعرفكم ضحك أكمل باستفزاز وقال ببرود وهو يضع يده على منكب هاشم: – يا عم هو يقصدني انا واحب اقوله الرسالة وصلت شكرًا يا عم صقر ليرشقه بنظرة حاقدة مشتعلة و يهم بالانصراف وهو يطوي الأرض تحت خطواته. بينما انسحب خلفه هاشم مغادرًا أيضا وهو يتناول هاتفه و يبعث رسالة مقتضبة لزوجته بأنه ينتظرها بالسيارة…تطلع لآثارهم بريبة لأمرهم ولسبب شجــ . ــارهم المزعوم ليرمق اكرم بنظرات نــ ــارية ويصيح بحدة الى رئيس الحرس خاصته ويدعي فضل الذي اتى مهرول اليه: -تحت امرك يا بيه تسائل صقر بعصبية مفرطة: -كنت فين جنابك ورجالتك فين انا مش قايل مش عايز شبر من غير حراسة… وحمام السباحة مش منبه يبقى في حد هناك – انا آسف يا صقر بيه بس هند هانم أمرت رجلتي يبقوا جوة في القصر صاح صقر بنفاذ صبر وجسد متشنج: – انت بتاخد أوامرك مني انا وبس، انا كان ممكن اقطع عيشك انت و رجالتك بس ده هيكون اخر انذار ليك مش عايز استهتار …و اتفضل على شغلك أومأ له بطاعة وانصرف لينظر ل أكرم ويهدر بقوة: -ورايا يا زفت وحسابك بعدين هز أكرم رأسه وتتبعه بطاعة واوصاله ترتجف من تبعات فعلته. ————————- توقف بسيارته أمام البناية التي تقطن بها بعدما تجرع قنينتين من المشروب بشره داخل سيارته حتى يلهي عقله من التفكير بكل ما مر به فرغم ذلك كان يعاند ويكابر حتى يتم انتقامه ظن انه بما فعل قد يوجع قلب صقر عليها ولكن كان هو الخاسر الأكبر في معركتهم فقد سلب صقر منه قطعتين من قلبه. ابتسم بقهر وهو يتذكر شقيقته الصغرى وكم كان متعلق بها حتى أنه كان يشعر أنها ابنته فبعد وفـ . ـاه أبيه هو من رعاها في كل شيء نظرًا لانشغال امه الدائم الى انه اضطر للسفر لاستكمال دراسته بالخارج وكانت شقيقته تأتي إليه في كل أجازة صيف، تنهد بحزن وهو يتذكر كيف كانت مختلفة في زيارتها الأخيرة وكانت دائمة الشرود حاول كثيرًا معرفة سبب تغيرها لكن هي أصرت على أنها بخير وعندما تذكر تلك المذكرات القاتمة التي نستها بمرتها الأخيرة فرت دمعة حارقة من عينه عندما تذمرت عليه وهي تهاتفه وتلح عليه بعدم تصفحها وتصريحها له أنها تحتوي على كلمات شديدة الخصوصية بالنسبة لها وهو لا يحق له انتهاك خصوصيتها، فظل محتفظ بها دون أن يمسسها محافظًا على وعده لها وانتظار عودتها إليه في الاجازة المقبلة الى أن بعد اقل من ثلاثة اشهر جائه الخبر المشؤوم بأنتــ. ــحارها…وحينها سيطر عليه الحزن كثيرًا لولآ تهوين فدوة له وهذا ما زاده إصرار على تقوية الرابط بينهم هو عشقه لها اثناء دراستهم سويًا في الخارج فكانت تشاركه كل شيء ولم يفترقا إلا وقت النوم تذهب هي الى مسكن الطالبات وهو يقطن بشقته الصغيرة بالقرب من جامعتهم وعندما انتهو من دراستهم وعادو الى أرض الوطن أصر أن يقوم بخطبتها رسميًا، رحب صقر برباطهم بينما أعترضت خالتها المتذمرة دائمًا لولآ دعم صقر لهما وفي اليوم الذي سيتم به عقد قرانهم كان يعبث بمحتوياته القديمة الخاصة بشقته الذي كان يقطن بها في الخارج ليقع تحت يده مذكرات شقيقته الراحلة… دفعه فضوله أن يتصفحها لعله يشعر بها ترافقه وإن قام بفتحها انتابه مشاعر مختلطة لا تفسر يبكي تارة لأشتياقه لها ويضحك تارة على سخافتها إلى أن مرت عيناه على تلك الكلمات الطاعنة التي خطتها هي لتكون سهام مسمومة غرست بقلبه وسارت بسمها إلى أفكاره فدنثتها وغمرتها سوداوية ليكسر قلب من لا ذنب لها ويهدم صداقة عمره ويشعل فتيل الحرب الضارية التي سيستميت للفوز بها فكان ملتزم بجموده وكبريائه ولكن عندما استمع الى خبر زفافها تناسى كل شيء.. وضــ . ـرب بكل شيء عرض الحائط إلا هي من مدته بالحياة يقسم انه يشعر بالاختناق ويكاد يحتضر دونها… زفر بسأم و يتدلى بخطوات مترنحة الى الداخل قاصدًا شقتها التي استأجرها لها، لا يعلم لمَ اتي إليها ولكن ربما لكونها هي من ستساعده باسترداد معشوقته والإطاحة بمن سلبه إياها… أما في الداخل فقد استلقت بالفراش بعد مابدلت ملابسها بمنامه قطنية ثقيلة لعلها تمدها بالدفء ثم تكورت في فراشها تتذكر كلمات ذلك المغرور المتكبر لها، تسللت بسمة هادئة على ثغرها وهي تتذكر تشبثها به واحتمائها بأحضانه وتلك الرائحة الرجولية النفاذة التي تسللت لحواسها حتى أنها تقسم أن رائحته ما زالت تشتمها إلى الآن وأنها التصقت بأنفها، تنهدت بخفوت وهي ترمق سترته بجانبها ثم سحبتها بتمهل ورفعتها لأنفها وهي تتذكر نبرتة صوته فرغم حدته وكلماته الصارمة إلا أنها اشعرتها بألفة غريبة …تقسم أنها استمعت لتلك النبرة من قبل وهنا عقدت حاجبيها وتسائلت أيمكن أن تكون صادفته سابقًا هزت رأسها باستسلام ونفضت افكارها جانبًا وهي تنهر نفسها لتقوم بتعليق سترته بخزانتها وتجلس تفكر في كيفية صياغة الأمر ل أكمل تجنبًا لغضــ . ــبه… طرقات واهنة على باب المنزل قاطعت تفكيرها تطلعت الى الوقت بفزع فهي الثانية بعد منتصف الليل، خطت بخطوات مهزوزة إلى الباب وتسائلت بنبرة حازمة: -مين بيخبط؟ ليأتيها صوت ضعيف من الخارج مجيب لها: -انا أكمل افتحي شهقت وقامت بفتح الباب بأيدي مرتعشة وان تقدم هو خطوة واحدة للداخل استند عليها بترنح لتقول هي: -يا لهوي مالك شكلك سكران طب جيت ليه هنا كنت روحت ارتحت ليهذي أكمل بعدم اتزان وعيون شبه مغلقة: -اشششش اخرسي بقى انتِ رغاية ليه اوصلته الى الاريكة ليرتمي هو بثقله عليها ساحبها معه ليسقط وتسقط هي بجانبه شهقت بذعر ونفضته وإن همت بالوقوف سحب يدها بتوسل وبنبرة يشوبها الألم: -انا اسف مكنش قصدي اخوفك متسبنيش خليكِ معايا…مش عايز ابقى لوحدي اتسعت عيناها بعدم استيعاب هل اعتذر لتوه منها أيعقل! هو بتسلطه وجبروته يتوسلها، هزت رأسها مستنكرة فيبدو أن هذا أثر المشروب ليس أكثر لتهمهم: -انت مش في وعيك الله يخليك قوم رَوح رد أكمل منهزم بحروف ثقيلة تقطر بالألم: -بتكرشيني انتِ كمان مش كفاية هما كرهوني وبقيت منبوذ كل ده علشان بحبها ومش عايزه ياخدها مني لا تعلم لما تعاطفت معه فحديثه يبدو صادق وهيئته المزرية انبأتها أنه خاض معركة ضارية تنهدت بضيق وهي تجلس بالأرض مقابل له وردت: -أمري لله هفضل جنبك لغاية ما تفوق ابتسم بأرتياح وترك يدها واستلقى بأهمال على الأريكة يهمهم بأسم معذبته إلى أن شعرت هي بانتظام أنفاسه …فقد نهضت بخطوات حثيثة واحضرت علبة الاسعافات لتداوي جرح يده النازفة وهي تتمتم بخفوت مستغربة: -اللي يشوفك وانت نايم ميعرفكش لما تصحي يا ساتر بحس انك شبه التنين المجنح وهتطلع نــ ــار من بوقك لوت فمها بتهكم بعد انتهائها من تضميد يده مستنفرة فعلتها ونهرت نفسها: -هو ايه اللي انا بعمله ده ما اسيبه يولع بجاز مش كفاية انه عايز يسجــ . ــني ومن ساعة ما شوفته والمصايب عمالة ترف على دماغي افففف غبية انا والله رمقته مرة أخيرة ودلفت الى غرفتها واوصدتها بالمفتاح حتى يطمئن قلبها وخلدت للنوم بعد يوم مليء بالاحداث الكارثية. ——————— في صباح اليوم التالي تململت هي بكسل بالفراش يستولى عليها شعورها بالنعاس مرة أخرى الى أن داعبت أنفها رائحة تعشقها حد الجنون وتستلذ بها فتحت أهدابها لتكشف عن زيتونتها الناعسة لتلقى ذلك العاشق يداعب خصلاتها بخفة ويهمهم بخفوت أمام شفاهها: -صباح الخير كل ده نوم يا كسلانة وحشتيني همهمت مي بنبرة ناعسة متحشرجة: -طول عمرك بتصحي قبلي ايه اللي اتغير اقترب أكثر من شفتاها وتحدث بهمس: – وحشتيني مش كفاية امبارح كنت مش في المود ومقربتلكيش قلبت عيناه بسأم وهي تدفعه من منكبيه برفق وتعدل جلستها وقالت بملل: -هو ده طبيعي يا هاشم يعني كل يوم كده! استند بكفيه بجانبها يحاوطها وعينه تلمع بعشقها قائلًا: -اه طبيعي يا قلب هاشم انتِ بتوحشيني وانتِ معايا وبحس اني عايز احطك بين ضلوعي جنب قلبي وما أخدتش نفس غير وتكوني مشاركاني فيه ابتسمت بعد ما احتلت حمرة الخجل وجنتيها فهو دائمًا يجيد إرضاء غرورها كأنثى تنهدت وهي تسحب كوب النسكافيه خاصتها من فوق الكمود بجانبها وارتشفت منه بتلذذ وأردفت مغيرة مجرى الحديث: – انت بتحطلي ايه في النسكافيه علشان ابقى مدـ . ــمناه اوي كده ومعرفش اشربه غير من ايدك رفع حاجبه بثقة وهمس أمام شفاهها: -كل حاجة بتتعمل بحب بتبقى حلوة مدوقيني بقى حبة ده انا زي جوزك برضو -هااا يعني أي…ابتلع باقي كلماتها بجوفه بقبلة حنونة بث بها عشقه الجامح لها ليتأوه من بين التحام شفاههم : -بحبك يا مي…بحبك بعد وقت قليل قطع قبلته بعدما شعر بأختناقها الوشيك ثم وضع جبهته على خاصتها وتحدث بتحشرج وهو يمرر لسانه على شفته السفلية بتلذذ: -تصدقي صح طعمه حلو اوي تسلم ايدى…ضــ . ـربته بخفة في ذراعه وهدرت بسأم: -انت غلس اوعى قالتها وهي تزيحه وتضع الكوب من يدها وتنهض قاصدة المرحاض ليقول هو بخفة ونبرة عابثة : -انا غلس الله يسامحك طب ايه رأيك اجي معاكِ اونسك وادفيلك الميا ضحكت هي بدلال وهي تغلق باب المرحاض قبل أن يلحق بها : -ده بعينك يا غلس -بقى كده بتهربي طب لما ارجعلك تحبي استناكِ نروح المستشفى مع بعض اتاه صوتها من خلف الباب: – انا هروح النادي مش هاجي المستشفى النهاردة -اللي يريحك يا حبي بس متتأخريش عايز ارجع القيكِ في البيت – حاضر.. وهنا هم للمغادرة لعمله وهو يمني نفسه بأن عند عودته سينهال منها كيفما شاء ويعوض جفاء ليلة أمس. —————– -فـــــــــــــــــــــــــتون هدر بها بعصبية بعد استيقاظه من نومته الغير مريحة بالمرة وأخذ يدلك جبهته لعله يخفف حدة صداع رأسه لكن دون جدوى لترد هي بطاعة تجنبًا لغضــ . ــبه: -نعم بتنادي عليا تسائل وهو يعتصر ذاكرته: – ايه اللي حصل بليل مش فاكر حاجة ومين اللي ربط ايدي كده -انت كنت سكران ونمت وانا اللي ربطلك ايدك أومأ لها ببرود وهدر بتسائل: -عملتي ايه امبارح؟ زاغت نظراتها وتلعثمت بتوجس: -هااا…هو…اصل…يعني اللي حصل -انطقي بسرعة انتِ لسه بتقتقي هدر بجملته بعصبية وصياح نفضها وجعل الحديث يخرج منها: -مقابلتوش ومدخلتش اصلًا هب من جلسته وتقدم منها بخطوات بطيئة أرعبتها وجعلتها تتراجع تغمغم بخفوت: – انا قولت تنين مجنح محدش صدقني جذبها من رسغها بقوة وتحدث والشرار يتطاير من عينه: -نعم ياختي بتقولي ايه؟ -مقولتش …والله ده اللي حصل بس النهاردة هتلكك بأي حاجة واروحله مكتبه اهدى كده وانا هتصرف ليرد أكمل بتحذير: -لما اشوف…وحياة ابوكِ الغالي لو ما نفذتي المطلوب لأكون بعتك ليه أومأت له بطاعة بعدما تركها وجلس على الاريكة واستمر بتدليك جبهته وأمرها بحدة: – اعمليلي قهوة ولو عندك مسكن هاتيه إنصاعت له واحضرتله القهوة والمسكن، وبعد أن ارتشف هو أخر رشفة بفنجانه رمقها بترقب وهدر: -عملتي ايه في التقرير اللي اديتهولك تقدميه – قدمته بعد ما حفظت كل كلمة فيه زى ما قولتلي ده حتى رئيس القسم مبسوط مني جدًا وعمال يمجد فيا قدام الموظفين وقال انه هيعرضها على مستر صقر بس انا مش فاهمة ليه اللفة الطويلة دي ابتسم أكمل بخـ . بث وأردف: -صقر مش غبي ومش عايزه يشك في حاجة وعايز تلفتي نظره بطريقة غير مباشرة علشان البت اللي زقتها عليه قبلك نقلها من مكتبه في نفس اليوم اللي شافها فيه لوت فمها بامتعاض وهمهمت: -هو كان في قبلي ده شكل صقر ده مش سهل ابتسم ساخرًا على حديثها وهدر بوعيد: -مش عليا انا هعرف اجيب مناخيره الأرض..لتلتمع عينه كون كل شيء يسير كما خطط له، ليأمرها قائلًا: – يلا اجهزي علشان متتأخريش على الشغل…قوليلي بتكلمي اختك؟ -اه بتكلمني لما بتاخد الأذن من المشرفين عليها في المدرسة أومأ لها ببرود وانصرف بعدها دون إضافة المزيد، تاركها تهم بانتقاء ملابس محتشمة تناسبها مما احضرهم لها وتستعد للذهاب للعمل. ————— داخل شركة العزازي كان يجلس يباشر عمله على اللوح الألكتروني بتركيز مبالغ به الى أن دلف إليه اكرم وهو يحمل ملف بيده ومطرق رأسه بخزي، لمحه صقر بطرف عينه ولكن لم يعيره انتباه وظل يباشر عمله تحمحم الآخر قائلًا بعد مرور بضع دقائق قاصدًا الاستحواذ على انتباهه: -انا جبتلك التقارير اللي طلبتها وكمان نزلت اعلان علشان Assistant اللي انت طلبه بس مفيش حد جه لغاية دلوقتي تحب اجبلك حد من المتعينين جداد مؤقتًا انا ممكن اجيب حد من قسم التسويق علشان انا نقلت لمار هناك ايه رأيك؟ رمقه بلا مبالاه وبملامح جامدة ثم أشار له أن يضع ما بيده على المكتب تأفف أكرم من معاملته له وقال يستعطفه: – بلاش تعاملني كده ده انا حبيبك وبعدين اعتبرني عيل وغلط ده انت الكبير أسند صقر ظهره على مقعده بأريحية وهو يفرك ذقنه النامية بتريث محاولة منه التغاضي عن اقــ . ـــتلاع رأس أكرم الذي برر قائلًا : – انا كان قصدي نلم شملنا من تاني ياصقر إحنا الأربعة كنا مبنفارقش بعض واللي حصل ده نصيب ملناش فيه زفر صقر بعصبية وهدر: -اكرم… انت عارف اني مبحبش المبررات وان اللي عمله أكمل ملوش مبرر عندي ومستحيل نرجع زي الأول ومتحاولش تاني وإلا قسم بالله لأكون قاطع علاقتي بيك انت كمان اطرق رأسه بخذلان ونطق يطصنع الحزن فهو يعلم ان صديقه رغم حدته المبالغ بها لكنه حنون ولا يرضى بحزن أحد: – عايز تقاطــ . ــعني يا صقر بعد العِشرة دي كلها الله يسامحك قالها وهو يضع ما بيده على المكتب واستدار ليغادر ليستوقفه صقر وهو يشعر يتقريع الضمير: -استنى يا زفت أنا أمرتك تمشي كادت بسمة ماكرة أن تتسلسل إلى ثغر أكرم على نجاح حيلته ولكن جاهد على كبتها والتفت اليه ينظر إليه بترقب ليهتف صقر بنفاذ صبر: -الشويتين بتوعك دول مدخلوش عليا بطل تتفرج على دراما كتير انا حفظك… رد اكرم يستسمحه: – انت عارف أن إحنا مش اصحاب بس إحنا اكتر من الاخوات وأخوك الصغيرغلط وبيقولك حقك عليا قال صقر بحزم: – أخر مرة تحاول تفتح الموضوع ده معايا رد اكرم بطاعة : -والنعمة أخر مرة ما انا قولتلك اعتبرني عيل وغلط ابتسم صقر بتهكم ورد: – ماشي يا عيل روح شوفلي موضوع Assistant ده علشان الشغل متراكم وزهقت خلي رئيس القسم يرشحلك حد كويس -حاضر هبعتلك حد حالًا… بس يعني لازم يكون Assistant راجل تنهد صقر بعمق ورد بنفاذ صبر: -مش ضرورى بس خلصني أومأ له بتفهم وإن هم كاد يخرج استوقفه صقر بسؤاله: -استني عايز اسألك على حاجة؟ تحمحم بتردد فهو من ليلة أمس لا يكف عن التفكير بصاحبة اللألئ الفضية ولا يعلم ما سر فضوله نحوها لهذه الدرجة ليهمهم بتردد: – انت متأكد أن كل الحضور اللي كانوا في الحفلة من موظفين الشركة بس! -اه انا نفذت أوامرك بحذافيرها أومأ له بتفهم وكاد ان يسأله عنها ولكن تلجم لسانه وعقله يصرخ به عن عدم الانصياع لترهات قلبه، فذلك ليست طبيعته وعكس طباعه لينفض افكاره فهو لايريد التشتت أكثر فقد طالع أكرم الذي ينظر له باهتمام وهدر: -خلاص بعدين روح يا أكرم انصرف اكرم وترك صديقه شارد لايعلم سر تخبط افكاره. ———————- بعد وقت قليل دلفت هي الى مكتبه بخطوات مهزوزة فقد أمرها رئيسها بالعمل انه رشحها لمساعدة رئيس عملهم بشكل مؤقت لنشاطها وسرعة بديهتها فهي في وقت قليل اكتسبت ود وثقة كل من حولها حين علمت بالأمر تراقصت دقات قلبها وظنت أن القدر قد خدمها تلك المرة حتى تحقق ما اتت من اجله تحمحمت بخفوت وهي تطالع ظهر مقعده الدوار الذي يجلس عليه بأريحية وتلك الغيمة الرمادية الصاعدة من دخان سيجاره شوشت رؤيتها ولكن ليس ذلك ما شغلها بل رائحة ذلك المغرور التي يخيل لها أنها ملتصقة بأنفها ومازالت تشتمها الى الآن حتى أنها طغت على رائحة الدخان، أغمضت عيناها وتناولت نفس عميق تشجع به ذاتها ثم قالت بعملية: – رشحوني ابقى المساعدة بتاعة حضرتك تأمرني بحاجة معينة قبل ما ابدأ دار بمقعده والتفت لها بدهشة فعندما سمع صوتها انتابته قشعريرة لا يعلم سببها ليهمس بتفاجئ: -انتِ! هوى قلبها ولا تعلم لمَ فور رؤيته وتلعثمت بصدمة عارمة: -يا نهار ابيض انت! ابتسم صقر بهدوء والتزم بشموخه ورسميته وهو يستند على مقعده يفرك ذقنه بهدوء و يشملها بنظراته المبهمة فكانت ترتدي حلة رسمية مكونة من بلوزة بيضاء ويعتليها بليزر اسود وجيب يلامس ركبتيها من نفس اللون وتلك الخصلات العسلية اللامعة تسقط على ظهرها بانسيابية مبالغ بها وما زاد اشراقها؛ وجها فكان خالي من مستحضرات التجميل فقط يطغو عليه حمرة لا يعلم سببها أهي خجل أَم غضــ . ــب لتباغته هي : -صورتني كام صورة هدرت بها بشراسة و بتلقائية شديدة بعد ما التقطت نظراته المتفحصة له… لم يعطي لكلماتها الفجة أهمية وتسأل بحدة : -اسمك ايه؟ ردت هي بملل: -فتون شبـ . ــح بسمة ظهرت على جانب فمه قبل أن يسترد جموده ويتحدث بنبرة صارمة: -انا مبحبش حد يتعدى حدوده معايا ياريت تبقى عارفة اني مبتهونش ابدًا في الشغل لازم تبقي ملتزمة وتنفذي اوامري من غير نقاش فاهمة عقدت حاجبيها بتذمر من لهجته الآمرة واردفت بملامح منكمشة: -حاضر أي اوامر تانية ليستأنف هو بحزم : -لأ روحي على مكتبك وخلي اكرم يفهمك مطلوب منك ايه.. أومأت له وانصرفت بتعجل من أمامه حتى لاينفلت لسانها وتوبخه على غروره وغطرسته لتحدث نفسها بخفوت متهكمة: -ده مغرور اوي…وده انا هعرف اجر رجله أزاي إن شاء الله، ده جد اوي ومش شبه الرجالة الزبالة اللي عرفتها لترد على شخصها بتبرير: -شكله صعب ومش سهل ابدًا افففف خلاص هتعامل بطبيعتي وزي ما تيجي بقى انا مش هعمل حاجة وربنا يستر. —————- أما في احد النوادي الضخمة الخاصة بالطبقة المخملية كانت تجلس على احدى الطاولات المنعزلة بسأم متأففة تشعر بالضجر من ذلك الكتاب اللعين الذي بين يدها وأصابها بالملل أغلقته بأهمال وظلت تجول المكان بزيتونيتها بشرود نقرة خفيفة أعلى كتفها أخرجتها من شرودها مشدوهة مما رأت أنه هو من أرغمها القدر على مفارقته لتهمس بأسمه بذهول: -مازن ابتسمت بعدم تصديق وهو يمد يده لها مصافحًا، و تطلعت لهيئته الجديدة بانبهار شديد فقد تغير كثيرًا عما سبق فقد اشتدت بنيته بتناسق اظهرته تلك الطلة العصرية التي زادته جاذبية أما عن عيناه فقد التمعت بغرور وثقة عن السابق: -مش هتسلمي عليا يا مي هدر بجملته بتهكم بعد ما التقط نظرات الاعجاب الواضحة بعيناها انتبهت على نفسها وصافحته متسائلة: – انت رجعت امتى؟ ابتسم وأردف وقال وهو يجلس مقابل لها: -نزلت اجازة بقالي كذا يوم وبصراحة بفكر اقطعها وارجع تاني – ليه هو انت لحقت؟ -زهقت ماليش حد هنا بعد امي الله يرحمها ردت مي بأسف: -الله يرحمها انا اسفة مقدرتش اعزيك وقتها وملحقتكش قبل ما تسافر تنهد بهدوء وقال: – ولا يهمك قوليلي انتِ اخبارك ايه وحشتيني…ابتلع كلمته الاخيرة ولعن تسرعه ابتسمت هي بارتباك بعد ما ألتقطت حروفه وردت : – انا الحمد لله كويسة انت اخبارك ايه اتجوزت؟ أجابها مازن بعيون غائمة بالمشاعر: – لأ لسه ملقيتش حد يشبهك ابتلعت ريقها بتوتر فالحديث سوف يأخذ مجرى آخر هي لا تحبذه تعلم أن مازن احتل كثيرًا من ذكرياتها ولكن هي امرأة متزوجة ويجب أن تحترم غيبة زوجها فهذا ما نشأت عليه لتحمحم بحرج: -ربنا يكرمك ببنت الحلال عن اذنك انا اتأخرت لازم امشي وان استقامت وكادت أن تهم بالمغادرة وقف هو مواجه لها بخفة وامسك كفها بتوسل وهمس: -هشوفك تاني سحبت مي كفها من بين يده بسرعة وهدرت بشيء من الحدة: -مازن لو سمحت انا واحدة متجوزة دلوقتي واللي بيحصل ده مينفعش عن اذنك قال هو راجيًا: – استني يا مي انا عمري ما نسيتك ولسه عندي أمل نبقى لبعض رغم أن تلك كانت رغبة كامنة بداخلها إلا أنها ردت نافرة: -انت بتقول ايه؟ ابعد لو سمحت عن طريقي وإن قامت بأزاحته وقعت عيناها على هاشم يطالعها بملامح لا تفسر وقفت ترتجف من الذعر خشية منها أنه قد يكون استمع لحديث الآخر تابع مازن نظراتها المذعورة ليرى هاشم يقترب منهم بخطوات غاضبة هاتفًا: -فيه ايه؟ مين الاستاذ هو بيضايقك ولا ايه؟ زفرت بارتياح فهو يبدو لم يستمع لحديثهم وأجابت وهي تبتسم بتوتر: – ده مازن كان زميلنا زمان في الجامعة ولسه راجع من السفر قيمه مازن وشمله بنظراته وقام بمصافحته قائلًا: – اهلًا بيك يا دكتور هاشم انا مازن العدوي استراب هاشم من نظراته وصافحة ببرود: – اهلًا….واستكمل موجه حديثه لها -ممكن يلا يا حبيبتي علشان اروحك هدر بها متجاهل الآخر تمامًا بينما ردت هي بطاعة وهي تتناوب نظراتها بينهم: -حاضر انا اصلًا كنت ماشية ليقول مازن وهو ينوي المغادرة: -طب فرصة سعيدة يا جماعة عن اذنكم ابتسم هاشم مجاملًا اياه ببرود وهم بسحبها الى الخارج ليتطلع مازن لآثارهم وهمس لنفسه: – هرجعك يا مي ليا تاني وهثبت لأهلك اللي كسروني زمان واستكتروكي عليا اني احق حد بيكِ. ————- اصطحبها الى المنزل دون التفوه ببنت شفة الى أن وصلوا إلى شقتهم وما أن اغلق الباب دفعها برفق امامه وتحدث وهو يكتف يديه على صدره: – مين بقى الاستاذ اللي كنتِ واقفة معاه ده ردت مي مبررة: -قولتلك كان زميلي زمان وكان مسافر وشافني حب يسلم عليا فيها ايه يعني! اجرمت انا؟ هدر هاشم بحدة : – لما تبقي متجوزة وتقفي مع واحد غريب عايزة الناس تقول ايه ردت هي بشراسة: -مسمحلكش يا دكتور قصدك ايه؟ -مقصديش حاجة انتِ عارفة اني بثق فيكِ اكتر من نفسي بس ده مش هيمنع كلام الناس هتفت هي بتبجح: -والله بقى انا ميفرقش معايا ليباغتها هاشم بصرامة: -مفيش مرواح النادي تاني لوحدك مفهوم ردت هي بتذمر: -بطل بقى تلغيني وتحبس حريتي حتى النادي هتمنعني منه دى مبقتش عيشة أجابها هو بتبرير ظنًا منه أنه سيتشفعله عندها: – انا بغير عليكِ من الهوا الطاير عايزاني اشوفك واقفة مع واحد ومتجننش لاحت بسمة ساخرة على ثغرها وتسائلت متهكمة: -انت معندكش ثقة في نفسك للدرجة دي ! صرح هو بنكبة قلبه بنبرة حزينة متألمة: – انا معنديش ثقة في حبك ليا…عمري ما شوفت نفسي في عينك…عمري ما حسيت انك مستعدة تتمسكِ بيا وعندي احساس ديمًا انك هتسبيني علشان كده ببقى متشعلق فيكِ حتى الخلفة طاوعتك وانا عارف انك مش عايزة حاجة تربطني بيكِ هتفت بعصبية واندفاع كعادتها : -اه قول بقى انك بتلف وتدور علشان تفتح موضوع الخِلفة تاني ريح نفسك مش هجيب ولاد منك يا هاشم… صرخ بها بعصبية وهو يقبـ . ــض على رسغها: – ليه ناقصني ايه قوليلي مش مالي عينك للدرجادي هدر بجملته بعدما تفاقم غضــ . ــبه من تلك المتمردة التي سحقت كبريائه كرجل تحت كلماتها اللاذعة فما ينقصه هو حتى لاتريد أن تجلب له طفل يحمل اسمه… انتظر ردها لكن لم يحصل عليه وكأنها تؤكد على كلامه قبـ . ــض يده بقوة ليكبح غضــ . ــبه فهذه المرة الأولى التي يشعر انه لم يتماك غضــ . ــبه أمامها واستدار ينوي المغادرة لتصرخ هي بشراسة بعدما تملك منها كبريائها: – طلقني يا هاشم التفت لها نصف التفاتة وهو مصدوم مما تفوهت به لينظر لها نظرة عتاب طويلة وينصرف دون أن ينبت ببنت شفه تاركها خلفه تلعن تسرعها الدائم واندفاعها ولكن كعادتها قررت أن لا تخضع له والتزمت بكبريائها الأعمى و استعادت ثباتها و نهضت تلملم ملابسها عازمة الذهاب لمنزل والدتها… الحادي عشر ابتلعت ريقها بتوتر وهي تتطلع لمحيطها فكل الانظار عليها مترقبة…لتنطق بأسمه وهي تشعر أن قلبها يهوي بين ضلوعها: -الاستاذ…أكمل…الصرفي… تصفيق حاد أخترق مسامعها وفي لمح البصر كان أمامها نظرت لخالتها تستنجد بها لترسل لها نظرة راجية تحثها على المتابعة تزامنًا مع صوت الموسيقى واقترابه منها كي يقودها الى الرقص، وحين وقف بها في المنتصف و وضع يده حول خصرها…أغمضت عيناها كي تشجع نفسها وتلتزم بثباتها المنعدم في حضرته، ليتمايل معها بخطوات مدروسة متقنة لعدة دقائق دون أن يحيد بنظره عنها ولكن هي كانت تتحاشى النظر له والجمود يحتل وجهها، لينزل لمستواها هامسًا بأذنها: -ينفع تبقي مكشرة كده وانا اللي دافع دم قلبي علشان ارقص معاكِ ابتسمت ببرود وردت ساخرة: -قولتلك ألف مرة اطلع من حياتي ليه مصمم تحرج نفسك ولا انت حابب تتكرش من هنا كمان اقترب أكثر منها وهسهس بأذنها بوقاحة غير عابئ بتوبيخها: -الأحمر هياكل منك حتة ومخليكِ شبه الفراولة عايزة تتكلي أكل شهقت بخجل من وقاحته ورفعت نظراتها الشــ . ــرسة له توبخه: -انت وقح وقليل الادب و… قاطعها هو بصدق وعينه تسير ببطء على وجهها: -بس عمري ما بطلت احبك وهفضل لأخر نفس فيا أحاول علشان ترجعيلي هدر بجملته بنبرة أرجفت اوصالها واستشعرت مدى صدقها لتنظر له نظرة تحمل الكثير بطياتها وهمهمت بنبرة لائمة: -لو بتحبني زي ما انت بتقول سبتني ليه؟ غامت عينه بنظرة متألمة واجابها: -كان غصب عني بكرة تفهمي كل حاجة هزت رأسها بعدم رضا تحثه على الحديث لكنه لم ينطق و اكتفى بتأملها والتمعن في ملامحها الهادئة التي تبث به الطمأنينة فهي ملاذه الوحيد يقسم أنه أمامها ينسى كل شيء حقده، وانتقامه اللعين ويعود مثلما كان سابقاً على سجيته التي تنبض بعشقها، وعند تلك الفكرة تنهد بعمق ومال برأسه قليلاً لمستوى أُذنها وهمس بخفوت مثير كاد أن يفقدها اتزانها: – بحبك يافدوتي تعالت دقات قلبها وزاغت نظراتها وهي تشعر أن قلبها سيخونها ويتأثر به لذلك حاولت الثبات و كادت أن تنهره من جديد لولآ أن منعها صوت تصفيق الحضور لهم فقد توقفت الموسيقى منذ دقائق وهم لم ينتبهوا، لتبتعد عنه بضع خطوات في حين انسحب هو بكل هدوء، وقبل أن يخرج من الساحة أقترب من الطفلة المحملة بوعاء الورق وقبلها من وجنتها بأمتنان وأعطاها لوح كبير من الشوكولاتة فهي من ساعدته في نجاح حيلته واستبدال كافة القصاصات بأسمه حتى يلوذ بقليل من قربها. ليبحث بعدها بعينه عن نيرة و لم يجدها وإن هم بالانصراف تسمر مكانه من ذلك الغاضب الذي يحدجه بنظرات مشتعلة كفيلة بحــر . ــق الأخضر واليابس من خطورتها. تظاهر أكمل بالتجاهل وهو يتخطاه إلا أن الآخير لم يدع الأمر يمر مرور الكرام فقد سحبه من ذراعه بعنــ . ــف للخارج وهو يجز نواجزه بغضــ . ــب ثم استوقفه بعدما ابتعدوا عن الانظار وقبـ . ــض على مقدمة ملابسه وهدر من بين أسنانه: -انت ايه اللي جابك هنا وازاي تسمح لنفسك تتعدي حدودك وتقرب منها اعتلت بسمة هازئة جانب فم أكمل وهو ينفض يده الممسكة به بقوة وقال بغل: – اهدى لا يطقلك عرق ومتتحمقش أوي كده ده انا اللي رميتها لك بعد ما زهقت منها… باغته صقر بلكمة قوية أطاحت به بعدما تفاقم غضــ . ــبه وهدر من بين اسنانه بوعيد: -قسم بالله لو فكرت تجيب سيرتها تاني لأكون معرفك مين هو صقر العزازي ويقدر يعمل فيك ايه تحسس أكمل جانب فمه ونهض وهو يرمقه بغيط وتحدث بنبرة متهكمة كي يستفزه: -لأ جدع وشهم… وقولك كمان غلبتني…لكمة أخرى قوية نالت من وجهه وتلاها صراخ صقر: -انت ايه يا اخي أرحم نفسك من الغل المالي قلبك انظف وابقى بني أدم ليتعمد أكمل استفزازه أكثر بقوله: -طول عمرك بتحب تاخد فضلت غيرك مش جديد عليك زئر صقر بغضــ . ــب وهو يضيق عينه بعدم فهم وهتف: – تقصد ايه؟ ابتسم أكمل تلك البسمة المستفزة خاصته واجابه بنبرة غامضة أثارت فضول الأخر: – بكره تفهم كل حاجة متستعجلش ذلك أخر شيء نطق به قبل أن ينصرف و يتناول هاتفه بعدما أبتعد قليلًا وطلب رقم جاسم ليأتيه رده مطمئنًا فور أن انفتح الخط: -كله تمام يا باشا أتفقت مع المصورين ركزوا بس على الحضور وقت الرقصة ومفيش كلمة هتتكتب عن حضرتك وعن الهانم متقلقش -براڤو عليك يا جاسم ليغلق هاتفه ويشرع في ركوب سيارته يقود بتهور خطير يشابه كثيرًا حالته. ———————– بعد انقضاء الحفل ظل يعدو ذهاباً واياباً في ساحة القصر وهو يستشيط غضــ . ــباً من ما حدث ليوجه حديثه لتلك التي تنتفض بذعر من هيئته: -انتِ أزاي تسمحي لنفسك انه يرقص معاكِ من امتى بتتصرفي بغباء تلعثمت هي: -انا نفذت كلام خالتو ومكنتش أعرف أن اسمه هيطلعلي في الورقة صدقني يا صقر دي صدفة مش مقصودة صرخ صقر بإنفعال: -مفكرتيش في كلام الناس وشكلي قدامهم و مجاش في بالك أن الإعلام كان مالي الحفلة، انتِ غاوية فضايح ألتوي قلبها بين ضلوعها عند تفوهه بأخر جملة وتيقنت انه يرمي إلى تلك الفضيحة التي تسبب بها أكمل يوم زفافها، لتغيم عيناها ويرتعش فمها تقاوم رغبتها بالبكاد في حين نطقت هند بكل برود: -محصلش حاجة يا صقر لكل ده ليعقب هو بغضــ . ــب: – امي متقوليش محصلش حاجة انا عارف انك بتستغلي سذاجتها وكل اللي همك هو نجاح الحفلة بتاعتك والناس تتكلم عن إنجازات هند العزازي قد ايه هي ست خيرة بس اللي حصل ده سحب منك الأضواء لأن بكرة الصبح هتلاقي صورة بنت اختك المصون في كل الجرايد والمجلات ردت هند بتبجح ترمي عليه كعادتها: -انت طايح فينا ليه انت نسيت أن ده صاحبك وانت اللي اصريت عليا زمان علشان أقبل بيه مش ذنبنا انه طلع ندل لو في حد عليه لوم فهو أنت يا صقر زفر أنفاسه بضيق فهي بكل مرة تسقط الأمر على عاتقه: – امي انا مش هتكلم في اللي فات وبعد حديث هند انسلت دمعات فدوة بغزارة ولم تستطيع كبتها وغمغمت من بينها: -انا آسفة بس انت عارف اني مقدرش أعارض خالتو ولا ازعلها وهنا انفجر بها كي يفيقها: – لغاية امتى هتفضلي كده مسلوبة الإرادة وسلبية دي حياتك انتِ محدش ليه يقرر غيرك… لم تجيبه فدوة ونكست نظراتها وهي مستمرة في بكائها، ليلعن هو ذاته ويتسائل بعصبية مفرطة: -بطلي عياط وفكري معايا هنتصرف ازاي اجابته هند عوضًا عنها و بكل ثقة: -انا عندي حل كويس نظروا لها بأنتباه لتتحدث هي: -نعمل الفرح في أقرب وقت وتظهرو بنفسكم للإعلام علشان يتأكدوا أن الماضي اتقفل تبادلوا النظرات الضائعة بينهم فكل منهم لديه افكاره الخاصة ورغباته الخاصة أيضًا التي تحيل بينهم وبين قرارها…فكان هو في خضم أفكاره يترأى أمام عينه صورتهم معًا أثناء رقصتهم…ليزفر حانقًا ويرمق فدوة بنظرة مطولة وكأنه يسبر بها أغوارها حين نطق: -موافق… برقت عين فدوة وشحب وجهها بينما هو تطلع لها بنظرة مبهمة وأنصرف لغرفته دون اضافة المزيد لتبتسم هند وتبارك لها دون أن تأخذ حتى رأيها ثم تركتها تقف تنظر لآثارهم تلعن ضعفها واستسلامها بسرها، فهي تشعر أنها كالدمية مسلوبة الارادة والجميع يحركها كيفما شاء دون أن يعيروا أي اهتمام لرغبتها هي. ———————- كان يقود سيارته بعصبية مفرطة وهو يتذكر تهديد صقر له لعن بين أنفاسه ليتوعد بشر: -ورحمة امل يا صقر اللي كنت السبب في مــ . ــوتها لهدفعك تمن كل حاجة وهخلي فدوة هي اللي تسيبك وترجعلي من نفسها ليزيد من سرعته ويتوجه لمنزل فتون أما عند فتون ظلت تتذكر كل ما مرت به مع صقر وهي تشعر بإنسلات روحها لخسارته لاتنكر أن في بادئة الأمر كان هدفها تنفيذ مخطط أكمل ولكن عندما تقربت أكثر منه تأكدت أن لامفر من السقوط بعشقه، وخزها قلبها بشدة وهي تتذكر حديثه لها وتسائلت بينها وبين نفسها هل فعلاً سيتركها تترك العمل وينهي كل شيء، وهل حقًا ما حدث بينهما كان هفوة غير مقصودة منه… ظلت تتساءل وتتسائل حتى كادت افكارها تصيبها بالجنون…لتزفر بسأم وتنهض بعدما سمعت طرقات قوية على باب الشقة فقد فتحت الباب بتأفف وهي تعلم من الطارق حتما هو اتى ليطمأن على مخططه اللعين، وفور رؤيته يتمثل أمامها باغتته بسؤالها: – حد يجي لحد في وقت متأخر كده رمقها أكمل باشمئزاز ودفعها لتفسح له المجال كي يفوت ثم تخطاها وجلس على الأريكة التي تتوسط الصالة هادرًا: -عملتي ايه؟ كتفت يدها على صدرها وردت بتهكم: – انت عايزني اعمل ايه ابعدوا عن حبيبة قلبك مش كده؟ لتتابع ساخرة منه: -إلا…كان اسمها ايه…اه افتكرت فدوتك… بس يا خسارة مطلعتش فدوتك لوحدك يا أكمل باشا ثارت ثائرته و انقض عليها بغضــ . ــب يجذب خصلات شعرها بغل لتشهق هي بألم في حين تحدث هو من بين اسنانه: -بتتريقي عليا يا بنت***وحياة امك لهوريكِ…آَنت متألمة وهو يشدد أكثر على خصلاتها ويضيف حاقدًا: -اه بعتك ليه علشان تبعديه عنها علشان عمرها ما هتكون غير فدوتي انا وبس ضــ . ـربت يده بشراسة حتى يفلتها لكن دون جدوى لتهدر بشماتة لعلها تشفي غليلها منه: – ريح نفسك صقر بيحبها وهو قالي كده بنفسه ومعندوش استعداد يسيبها…لا علشاني…ولا علشان غيري نفضها عنه بقوة وصاح منفعل: – محدش بيحبها قدي وهي اللي هترجعلي برجليها بعد ما انتقم منه وخزها قلبها لمجرد أن من الممكن أن يتأذي صقر، لتتناول نفس مطول يشجعها كي تستدرجه بالحديث: -أكيد هترجعلك لما تلاقيك بتحبها الحب الكبير ده…هو انتم سبتو بعض ليه؟ ابتسم أكمل بسمته المعتادة ولكن تلك المرة كانت محملة بالحزن حين استرسل: -علشان غبي حبيت انتقم منه فيها بس طلعت بنتقم من نفسي…ليتنهد تنهيدة مثقلة ويضيف بنبرة يفيض الندم منها: -انا سيبتها وهربت يوم الفرح شهقت فتون بذهول واردفت: -لدرجادي يا أكمل… صقر أذاك علشان تاخدها بذنبه توقفت الكلمات بحلقه وهو يستغرب كيف تمكنت من استدراجه للحديث لكنه شعر براحة لأنه بحاجة لأحد يستمع له فقط لايريد نصائح ولا حلول هو فقط يريد أحد يتفهمه ولا يتحامل عليه، لذلك اجابها: -أذاني اكثر ما تتخيلي وهنا اندفعت دون تفكير تدافع عنه: -بس صقر ميعرفش يأذي ده مبيهونش عليه زعل حد وقلبه أبيض أزاي يأذيك ابتسم هازئا واستأنف بتهكم: -يظهر انك وقعتي ولا حد سمى عليكِ تصنعت فتون عدم الفهم بعدما أدركت أنها تسرعت بحديثها: – تقصد ايه؟ غمز بعينه وتحدث بثقة: -اقصد انك حبتيه بس مش دى مشكلتي المهم هو تلعثمت هي وقالت بيأس: -هو متلخبط وبيقولي ان وجودي معاه بيشتته -كويس أوي يبقى هو كمان وقع بس بيقاوح عايزك تزودي معاه العيار حبتين وتسويه على الأخر ردت هي بتوتر وهي تفرك بيدها: – انا قولتله اني هسيب الشغل معاه وهو وافق -براڤو عليكِ يعجبني ذكائك هو كده هتبان نواياه نحيتك – بس انا مش…قاطعها بخشونة: -بس ايه خليكِ بعقلك احسنلك يا بت العايق ذكرها بسبب شقائها وكأنه اراد أن يكبح أي سبيل لها للتراجع لذلك انحصر الحديث بحلقها بينما تسائل هو: -عملتي ايه في المعلومات اللي قولتلك عليها زاغت نظراتها وتناولت ورقة من اعلى الطاولة مدون عليها المعلومات التي طلبها: -جبتلك المعلومات اللي طلبتها بس قولي هتعمل ايه بيها ابتسم بخـ . بث وقال وهو يتفقدها: -مش شغلك متسأليش أغمضت هي عيناها تحمد ربها على تراجعها بعدما استشفت من نبرته الحاقدة نيته المسبقة… فكانت تنوي أن تستغل غفوة صقر اثناء مرضه كي تعبث بشنطته الملازمة له و تنفذ ما طلب منها ولكن مجرد فقط تفكيرها أن يصيب صقر سوءٍ جعلها تعدل عن الأمر… ليهدر أكمل قبل أن يهم بالمغادرة: – براڤو عليكِ تعجبيني وإن غادر ارتمت على الاريكة بخلفها وهي تدعو الله أن كذبتها وتلك المعلومات الواهية التي مَدته بها لا تجعله يتسبب في تنفيذ وعيده لها. ——————- كانت منهمكة في العمل داخل مكتبها داخل المشفى إلى أن تناهى الى مسامعها صوت ضحكات تعرفها جيداً واشتاقت لها نهضت بلهفة وهي تعدل هيئتها وترتب خصلاتها وخرجت تتبع ضحكاته التي تراقصت دقات قلبها بصخب على أثرها ولكن عندما وقع نظرها عليه تجمدت أوصالها وتعالت أنفاسها وكادت تشعر أن ساقيها لم تعد تحملها فكان هو ببشاشته ونظراته الحنونة التي تعودت عليها ولكن تلك المرة ليست حصريًا لها فكان يحتضن خصر فتاة شقراء تفوقها في الجمال ويتبادل معها الضحكات والهمهمات اثناء سيرهم في رواق المشفى تقدمت هي بخطوات مهزوزة نحوهم وهي تجاهد أن تبدو ثابتة أمامه: – حمد الله على السلامة يا دكتور ايه نسيت انك مسؤول عن المستشفى لتستأنف بتهكم وهي ترمق تلك الشقراء بإزدراء: -ولا بقي عندك اهتمامات تانية ابتسم هاشم على رد فعلها ورد بتهكم: -مش تسلمي عليا الاول يا دكتورة مي وترحبي بضيوفي ابتسمت بأصفرار وهي ترمقهم وتمد يدها مصافحة: – اهلًا …لتوجه حديثها له: -مش تعرفني على الآنسة ابتسم هو وأجابها بفخر: – دي نيرة خطيبتي… لو كانت الكلمات قاتلة لكانت سقطت لتوها طريحة بأرضها فقد تراجعت خطوة واحدة للخلف وهي تشعر بقلبها يتلوى بين ضلوعها…ورغم صدمتها وتلك الدماء التي فرت من وجهها حاولت أن تتمسك بكبريائها وهمست بنظرات زائغة وبنبرة صدرت منها مهزوزة متأثرة: -مبروك… مش كنت تعزمني ده انا قبل ما ابقى طليقتك كنت بنت عمك و افرحلك استأنف بعدما حانت منه بسمة هازئة على رد فعلها الذي دائمًا يكون عكس توقعاته: -تتعوض إن شاء الله في الفرح أصله قريب وأكيد هتكوني اول المعزومين انتِ ومرات عمي ابتلعت غصة بحلقها وجاهدت أن ترسم بسمة مجاملة على وجهها: – ربنا يتمملك على خير يادكتور لتبتسم نيرة وتقول بصوت رفيع يطن بالأذان: -مرسي ليكِ عقبالك…انا مش مصدقة اني وقفة معاكِ ده انا سمعت عنك كتير اجابتها مي من طرف منخارها بكل غرور: -ويا تري سمعتي ايه؟ لوت نيرة فمها بأمتعاض وهدرت قاصدة اغاظتها: – بيقولوا عنك مغرورة وعلطول عصبية وبتتعاركِ مع دبان وشك تلجم لسانها وعجزت عن الرد بعدما زاغت نظراتها من جديد وهي تحدجه بخزي وظلت تتسأل هل هذا ايضًا رأيه بها؟ لكن هو بادل نظراتها بجمود تام وكأنه يوافقها الرأي وعندها شعرت انها ستنهار الآن لا محالة إلى ان قطع هاشم نظراتها وهو يحث نيرة على الصمت: – خلاص بلاش كلام ملوش لازمة ويلا افرجك على المستشفى علشان اوصلك واشوف شغلي ردت نيرة بميوعة وهي تتعلق بذراعه: -حاضر يا شومي بس متتأخرش هستناك نتغدى بره مع بعض زي ما اتفقنا ليجيبها بثبات: -حاضر مش هتأخر عليكِ هز رأسه ل مي بمجاملة وسحب نيرة وغادر من أمامها، لتبتسم هي ببهوت لآثارهم وتصنعت الصمود ثم توجهت إلى المرحاض وعندما دخلت أغلقت الباب وناظرت نفسها بالمرآة بسخط تأنب حالها: -خطب…وهيتجوز…أرتحتي …أهو راح… شوفتي أن الدنيا ما وقفتش عليكِ كنت فاكراه هيرجع تحت رجلي يترجاني اسامحه علشان شكه فيا طلع هو ولا فارق معاه وهيتجوز…هيتجوز… هدرت بكلماتها بتقطع ودمعاتها تنهمر دون وعي لتشهق بألم وهي تضع يدها على قلبها تحسه على الصمود وتستأنف بكبرياء ترفض التخلي عنه: -انا هبقي قوية وهنساه انا مش بحبه أيوه…انا مش بحبه انا بس علشان كنت متعودة عليه اهدي يا مي انتِ قوية…لتتهدل معالم وجهها وتخور دفعاتها ومحاولات صمودها وتستأنف بضعف ونبرة مهزوزة وهي تشعر بالأنهيار: -لأ انا بحبه وبحبه اوي كمان ومعرفتش ده غير لما بعد عني بس خلاص فات الآوان… لتظل تنتــ. ــحب عدة دقائق حتى خارت قواها وخبت أنفاسها لتنفض نفسها وتحاول ان تسترد ثباتها وهي تطالع إنعكاسها بالمرآة…. وظلت تردد لنفسها من جديد بإصرار وبعزيمة انثى ترفض الخسارة: -انا قوية ومفيش حاجة هتكسرني مهما حصل هذا أخر ما تفوهت به قبل خروجها من المرحاض بعدما ازالت آثار بكائها وعودتها لكبريائها. الثاني عشر كانت تباشر عملها مع العاملات لديها داخل السنتر الخاص بها. تحاول تنسيق كل قطعة وما يناسبها من مستلزماتها ولكن ذهنها كان مغيب ظلت تتذكر كلماته لها أثناء رقصتهم لا تعلم لما استشعرت صدقه تلك المرة ولكن ما يظل يثير فضولها وتكاد تمــ . ــوت قهرًا لتعرفه هو ذلك السبب اللعين الذي يخفيه عنها انتشلها من شرودها سماعها لصوت يحمحم من خلفها: – لو سمحتي ممكن تساعديني انا بدور على تصميمات صاحبة السنتر رفعت نظراتها له وعلى وجهها تلك الابتسامة الهادئة وردت وهي تؤشر بيدها بأحترام ليتبعها: – اتفضل معايا حضرتك أومأ لها وأتبعها وحين وقف أمام التصاميم ظل يفحصهم بشكل مبالغ به أثار ريبتها فهيئته غريبة بعض الشيء بتلك الملابس العصرية المبالغ بها فكان يرتدي بنطال أسود ممزق من الركبتين وقميص يخلط جميع الالوان الربيعية بشكل ملفت للأنظار لكن ما أثار دهشتها حقًا هو تسريحة شعره الفوضوية فهو يشبه من تعرض لصدمة كهربائية لتوه…لتحمحم وتتسائل وهي بالكاد تكبت بسمتها على هيئته: – اقدر اساعدك لو حابب هز رأسه عدة مرات وأجابها بثقة: – التصميم كلها احلى من بعض وبصراحة محتار ليسحب قطعة و يقلب بها يميناً ويسارًا ويستأنف: -بس دي مختلفة وعجبتني عن التانين أصلي بحب الحاجات الغريبة عقدت حاجبيها باستغراب من اختياره وقالت: -على فكرة كل التصاميم حلوة بس هي اذواق هز رأسه وهو يطالعها: – عندك حق بس منكرش ان المصممة هايلة بس تحسي ان معظم تصميماتها مفهاش جراءة كله مقفول بزيادة أردفت فدوة بدفاع بثقة: -حضرتك احنا مجتمع شرقي وطبيعي لأي مصمم يراعي المعايير دي ومش كل الناس بتوافق رأي حضرتك أومأ لها بإعجاب بعدما افحمه ردها وقال: -هي قناعة شخصية وانا بصراحة بفضل الغير مألوف ديمًا وبتجذبني الحاجات الغريبة وضعت يدها على فمها تحاول جاهدة أن لا تنفلت منها ضحكتها ليرفع عينه يتأمل ملامحها الطفولية ويقول بدعابة وهو يضيق عينه: – انا عارف عايزة تضحكي ليه على لبسي مش كده وعايزة تقولي مفيش اغرب منك ليمط فمه ويستأنف: -عادي انا واخد على كده أومأت له وأجابت بدبلوماسية: -هو انت غريب فعلًا بس لبسك مميز رفع حاجبيه ورد وهو يعدل ياقة قميصه بتباهي: – اخيراً حد اعترف أن ده تميز الحمد لله… ده أقل حاجة عندي ضحكت هي بإتساع على خفته ليرمق ملامحها الطفولية بأعجاب شديد ويهمهم: – هو في كده! عقدت حاجبيها وتساءلت بعدما هدأت ضحكاتها: -بتقول حاجة؟ -هااا لأ بقولك انا عايز اقابل صاحبة السنتر عندي عرض ليها كويس أومأت له بتفهم وأشرت له أن يتبعها لمكتبها وعند دخولهم جلست هي خلف مكتبها وأردفت برسمية: – تحت امرك انا فدوة فضالي صاحبة السنتر هز رأسه بعدم استيعاب وقال: -مش تقولي من الاول ده انا عكيت الدنيا زمانك بتقولي عليا مجــ . ــنون أجابته ببساطة: -محصلش حاجة ممكن تدخل في الموضوع علطول تحمحم هو ومد يده بجيب بنطاله ويناولها الكارت الخاص به: -انا آسر المنياوي معرفش سمعتي عني ولا لأ…اتسعت عيناها بذهول وهي تطالع أسمه لتقول بتلقائية: -مش معقول اكيد طبعاً عارفاك انت أشهر مصمم أزياء بره ومتابعة العروض بتاعتك وبجد كلها تجنن ابتسم هو وقال بعملية: – طب الحمد لله انك طلعتي تعرفيني وفرتي عليا مقدمات كتير بصراحة انا كنت في حفلة لجماعة اصحابي وشوفت تصميم ليكِ على صديقة ليا وعجبني وما ارتحتش غير لما عرفت اسمك ومكان السنتر بتاعك علشان زي ما قولتلك بحب التميز همست فدوة بإمتنان: -مرسي لذوقك -انا هعمل دفليه في باريس ومحتاج مصممين معايا يعني بحاول اساعد الموهوبين وكمان في دورة تدريبة أنا المشرف عليها لو تحبي ممكن اضمك ليها تهللت أساريرها وهي تشعر أنها على أبواب تحقيق حلمها التي جاهدت للوصول إليه ولكن عند تذكر صقر تنهدت بقلة حيلة فهي تعلم أنه لن يسمح لها بذلك خصوصاً أن موعد الزفاف وشيك لاحظ شرودها ليقول بحذر: -مردتيش ليه هو في حاجة ممكن تمنع سفرك – هاااا مش عارفة…ممكن تديني فرصة افكر وارد عليك -ممكن هستني تليفونك كارتي في كل ارقامي اتشرفت بمعرفتك قالعا وهو ينهض ويصافحها واستأذن بهدوء بعدها… لتظل هي شاردة بعد انصرافه بذلك الكارت بين يدها. —————————- ظلت تمر على المرضى كعادتها كل صباح إلى أن تناهى إلى مسامعها بكاء ذلك الطفل ذو الخمس سنوات وهو يبكي من الذعر أثناء تحضيره لأجراء عملية اللوزتين هرولت إليه بعدما أمرت الممرضين بالانصراف ليرفع الصغير رأسه لها بطفولة ويقول بحزن وهو يتشبث بوالدته رافض تركها: -صحابك دول وحِشين عايزين يدونى إبرة ابتسمت مي بهدوء وهمهمت بحنان قاصدة مسايرته: -معقول راجل زي القمر كده زيك ويكون خواف مط فمه بطفولة وقال بخفة: – انا مش خواف بس انتم كلكم لابسين ابيض تبقوا اصحاب ومتفقين عليا أجابته وهي تربت على يده بحنان: -لأ مش صحاب بس ممكن ابقى صاحبتك انت وبس، ايه رأيك هز الولد رأسه عدة مرات ببراءة بعدما ترك والدته واعتدل بجلسته: -انتِ حلوة اوي وانا موافق ابقى صاحبك لتقول كي تشجعه: – اتفقنا بس انا مش بحب الرجالة اللي بتعيط مش انت راجل برضو اجابها بإصرار طفولي: -اه انا راجل وقوي كمان انا نفسي ابقى شبه سوبر مان ابتسمت هي وبعثرت شعره قائلة: -طب هو في بطل خارق يخاف من الحقنة هز رأسه بلا لتستأنف هي: -يبقى تسمع الكلام وتتحمل الشكة الصغيرة دي علشان احبك واوعدك أول ما تخرج من جوة هجبلك أيس كريم كتير قولت ايه اغمض عينه مدعي التفكير ليقول بتلقائية غير مسبوقة: -موافق ومش هعيط علشان انا سوبر مان ابتسمت مي بهدوء وأومأت لوالدته التي كانت بجانبه تستمع لحوارهم، لتأمر الممرضين بتولي مهامهم واخذ الطفل إلى غرفة العمليات وان خرجت من الغرفة أستوقفها والدته بإمتنان: -انا مش عارفة اقول لحضرتك ايه انا عاجزة عن الشكر -ده واجبي يا مامت… لتعقد حاجبيها وتتساءل: – هو اسمه ايه نسيت اسأله -اسمه زين ابتسمت مي وقالت: -ربنا يخليهولك وان شاء الله هيخرج من العمليات زي الفل عقبت والدته داعية: -ربنا يطمن قلبك ويخليلك ولادك يارب غامت عيناها لوهلة وردت بعدما تكونت غصة بحلقها: -بس انا معنديش ولاد -بكرة ربنا يكرمك هزت رأسها ببسمة عابرة لحين وصلها ضحكات هازئة تأتي من آخر الرواق ويبدو أن صاحبها استمع لحديثهم لتلتفت لمصدر الصوت ويقع نظرها عليه وهو يضــ . ـرب كف على كف ويهز رأسه بشكل ساخر لتستأذن منها وتتوجه له بخطوات غاضبة وعيون قد أشتعل بها حدائق الزيتون خاصتها هادرة بقوة وهي ترفع سبابتها بوجهه: – انت بتضحك على ايه! انت زودتها اوي وانا سكتلك استمر على هيئته الساخرة وقال بإستفزاز لم يكن ابدًا من طباعه المسالمة: -اصل لما قالولي دكتورة مي هي اللي اقنعت الولد مصدقتش اصل واحدة زيك عمرها ما هتعرف تتعامل مع اطفال زفرت بغضــ . ــب وقالت بشراسة: -ليه ان شاء الله مالها اللي زي يا دكتور مط فمه بأمتعاض بعدما جمدت ملامح وجهه وأجابها بكل ثقة: -معندكيش قلب يعرف يحب ومفيش جواكِ حاجة تعرفي تديها لحد غير الكذب والخداع لوهلة سَكن الحزن عيناها حين طــ . ــعن حديثه بقلبها ولكنها تماسكت وهتفت بكبريائها المنشود: -رأيك فيا ميهمنيش احتفظ بيه لنفسك لترشقه بنظرة مطولة تحمل الكثير وتنصرف من أمامه لتحين منه بسمة متشفية وهو يوقن أنها تتصنع الثبات كعادتها ولكن رغم كل شيء لن تأخذه رحمة بها فهي تستحق أن يجلدها بكلماته ويثأر لكرامته التي اهدرتها. ———————— زفر بارتياح بعد أن تفحص جميع الجرائد ولم يجد بها خبر عن رقصة فدوة مع ذلك الأكمل وذلك انبأه أن ذلك اللعين تولى الأمر… ولمَ لا؛ فهيئتهم وهم يتراقصون ونظراتهم لم تغب عن عيناه للحظة واحدة…فقد حاول عدم التسرع و ترتيب أفكاره من جديد فبعد قراره بالأمس يتأكد انه يجر فدوة نحو الهاوية…قطع شروده دخولها اليه وهي محملة بيدها أكياس بلاستيكية تحوي طعام عقد حاجبيه باستغراب وهو يشاهدها تخرج الطعام على الطاولة الصغيرة بجانب الأريكة بآلية دون أن تنبت بشيء. -بتعملي ايه ؟ اتاها سؤاله بنبرة جامدة جعلتها ترفع نظراتها له وتجيب بأرتباك: -جيبت لحضرتك أكل انت طول اليوم مكلتش حاجة هز رأسه بأعتراض وهدر كي لا يجعلها تشتته كعادتها وتزيدها عليه: -بس انا مش جعان تعلم أن ما تفعله غير منطقي وخاصًة بعد الحديث الذي دار بينهم بلأمس، ولكن ماذا تفعل بصرخات قلبها وقلقها عليه خاصًة أنه تناول الكثير من القهوة دون طعام وتعلم ان ذلك سيؤلم معدته، لذلك بررت وهي تتحاشى النظر له لكي تخفي قلقها: -انت شربت قهوة وسجاير كتير من غير أكل رق قلبه وتوسل عقله أن يتوارى خلفه لو لبضع دقائق، ليتنهد بقوة وترتكز نظراته عليها وهي تقف تتحاشى النظر له وتفرك بيدها، طال صمته المعذب لها لذلك همست بيأس وهي تخطو نحو باب مكتبه: -على العموم الأكل عندك اعمل اللي يريحك…عن اذنك هشوف شغلي -استني قالها هو بصوت نافذ جمدها بأرضها، لينهض ويقترب منها قائلًا: -اقعدي كُلي معايا علشان يبقى بينا عيش وملح قبل ما تمشي أبتلعت ريقها بحلق جاف ورفعت نظراتها إليه تحاول أن تجد شيء يخبرها أنه لا يريد ذلك وانه سيتمسك بها، أما عنه فقد أرتبك أمام عيناها وهمس كي ترحمه من شتاتها: -متبصليش كده هزت رأسها واعتذرت وهي تنكس نظراتها: -آسفة…عن اذنك وقبل ان تلتفت تمسك بكف يدها وقال بنبرة تحمل رجاء خفي بين طياتها: -خليكِ اغمضت عيناها لوهلة مترددة لحين تابع: -علشان خاطري يا فتون خليكِ تنهدت بقوة و وافقت بهز رأسها ليسحبها معه إلى الاريكة ويجلس أمام الطعام ويقول: -كُلي معايا علشان تفتحي نفسي تنهدت وإنصاعت له فكانوا يتناولون الطعام بهدوء ويتبادلون النظرات الخاطفة بينهم بين كل حين وآخر لتحمحم وهي تمسح فمها: -انا اكلت علشان مزعلكش بس حقيقي شبعت أومأ لها وترك شوكته وهو لا يعلم ما عليه قوله، لتتسائل هي: -تأمرني بحاجة يا مستر صقر ازعجه رسميتها معه وملامح وجهها المتجمدة ليلعن ذاته بسره فعلى ماذا يلومها بعد حديثه لها، ليزفر بقوة ويأمرها قائلًا: -هاتيلي قهوة صمتت دليل على اعتراضها ليبرر هو: -اصلي منمتش من امبارح و عندي صداع هيفرتك دماغي تحمحمت هي وسألته بحذر: -منمتش ليه؟ أجابها بتلقائية دون تفكير وكأنها بسؤالها ذلك فتحت السبيل له: -كنت بفكر فيكِ حانت منها بسمة عابرة تحمل الألم بين طياتها و باغتته بسؤال أخر معاتب: -بتفكر فيا ليه مش انا وحشة وملخبطاك وبشوش افكارك ابتسم بهدوء و نظر لها بدفئ بعدما سحب يدها واحتضنها بين راحتيه: – انا مبقتش فاهم حاجة ومش عايز افكر فأي حاجة تمعنت بملامحه الدافئة التي استشفت تشتته منها وهمهمت: -بس اللي بتقوله ده مش منطقي… قاطعها هو بنبرة قاطعة: -عارف…وعارف كمان أن وجودك جنبي ممكن يخسرني اقرب الناس ليا بس مش عايزك تبعدي…خليكِ جنبي يا فتون شعرت بتراقص ضــ . ـربات قلبها فهي ايضاً لن تقوى على ذلك فما نالته بقربه من أمان كان كفيل ان يجعلها تتمسك به لأخر نفس بها ولكن ماذا عن الآخرى التي يربط حياته بها، وعند ذكرها تذكرت أكمل وتهديده لها…لذلك خاطرت و ضغطت عليه على امل أن يتمسك بها: -مش هقدر أفضل جنبك يا صقر لتبتلع غصة مريرة بحلقها واستأنفت كي تُتمم مخطط ذلك اللعين أكمل وتنفذ رغبته التي يسعى لها من بادئة الأمر: -هيبقى صعب عليا اشوف واحدة تانية تشاركني فيك نظر لها نظرة مُطولة وظل صامت وبداخله تقام حرب ضارية تكاد تقضي عليه ألتزمت هي الصمت ايضًا فهي تشعر به وتدرك أنها وضعته بموقف لا يحسد عليه ولكن لو كان يعلم ما مرت به لكان عذرها وبعد تفكير منه دام لعدة دقائق تسائل وعينه تهيم بها وتترقب جوابها: -تتجوزيني! شهقت بعدم استيعاب وقالت متلعثمة: -انت بتقول ايه يا صقر إنت عارف ان لو عملت كده ايه اللي هيحصل… أجابها بتصميم وبكل ثقة: -يحصل اللي يحصل المهم نكون مع بعض فركت يدها وتلعثمت بعيون زائغة متوترة: -بس في حاجات كتير انت متعرفهاش عني و… قاطعها بإصرار وهو يرفع يدها لفمه ويلثمها ببطئ افقدها عقلها: – اللي عرفته عنك وحسيته معاكِ كفيل يخليني أ…حب….ك ومفكرش في حاجة تانية نطق بها بتقطع وبنبرة صادقة نابعة من قلبه، جعلت البسمة تشق وجهها وتشعر بدقات قلبها تكاد تحطم ضلوعها لتخرج له وتصرح أنها ايضًا تعشقه حد الجنون. ليستأنف بقرار قاطع غير قابل للنقاش: -كتب الكتاب الاسبوع الجاي معنديش استعداد أصبر أكتر من كده وكمان علشان فرحة تبقى معانا…واوعدك اني هواجه بيكِ الدنيا كلها، بس مش دلوقتي محتاج شوية وقت علشان اتأكد من حاجة كده بخصوص فدوة قال أخر جملة بغموض لم يريحها، لتتسائل بترقب بعدها: -أفهم من كده أنك هتسيبها؟ ربت على يدها مطمئنًا: -هعمل اللي هيريحك…بس كل حاجة هتبقى في وقتها هزت رأسها بتفهم ليعانق يدها بحميمية ويهمس بنبرة عا .ـشقة نابعة من صميم قلبه وهو يشملها بدفء عيناه: – بحبك يا فتون شددت أكثر على يده وهمهمت بتنهيدة مُسهدة: -وانا كمان بحبك يا صقر…بحبك كان شعور بالراحة يمتلكها حين جذب رأسها يقربها منه و وضع قبلة مطولة على جبينها، لتغمض عيناها و تأخذ نفس طويل مستنشقة رائحة عطره الممزوج برائحته الرجولية باستمتاع وهمست وهي ترفع عينيها له: -هو انت بتستحمي بـ Perfume ابتسم هو بعذوبة زادته وسامة على وسامته ثم رفع حاجبه بمشاكسة: -مش عجباكِ ريحتي ولا ايه؟ هزت رأسها بلا وهمست بصدق: – لأ بحبها جداً ده انا كل يوم مابعرفش انام غير لما اشمشم في الچاكت بتاعك شبه المدـ . ــمنين ضحك بقوة على عفويتها وكلماتها الفريدة من نوعها…لتتيه هي به وتبتسم بهدوء لتهدأ ضحكاته تدريجياً بعدما تشابكت نظراتهم ليرفع يده الى وجنتيها يتحسسها ببطئ نزولًا إلى ثغرها وكأنه يتعمد أن يفقدها عقلها ولكنها قاومت تأثيره و لملمت شتاتها وقالت وهي تدعي الثبات أمامه: – متعملش كده! نظر لها بهيام وأضاف بنبرة عا .ـشقة وهو يميل عليها ويهمس بخطورة أمام ثغرها: – انا عمري ماحسيت اني عايز اقرب كده غير معاكِ تنحنحت بخفوت بعدما كادت أن تلتحم شفاههم: -ص…قر علشان خاطري بلاش زفر بنفاذ صبر ونهض يوليها ظهره يحاول أن يكبح رغبته المُلحة ليفرك ذقنه بغيظ هادرًا: – ماشي هانت كلها كام يوم وتبقي مراتي وساعتها بقى مفيش صقر دي اللي بتمــ . ــوتني انا قربت اكره اسمي من كتر ما وقفتيني بيه ضحكت بقوة على حديثه وقالت بدلال تقصدته: -صقر… تنهد بعمق فمجرد نطقها بأسمه دون ألقاب يقشعر بدنه وتشعل حواسه دون وعي منها ليجيبها بنفاذ صبر بعدما ألتفت لها: -نعم عايزة ايه؟ همست ببسمة ساحرة: -بحبك هز رأسه بلافائدة وتسللت البسمة لثغره ايضًا فقد كانت السعادة تغمرهم لتصريحهم لبعض…غافلين أن تلك بداية لعنتهم معًا. —————— دلفت الى مكتبها وهي شاردة أرتمت على مقعدها بتخاذل تشعر أن قلبها يعتصر من الألم فحديثه قد أثار حنقها بشدة نعم تلك المرة الأولى التي تشعر بكل تلك المشاعر تجاهه فكان في السابق لم يدع لها فرصة لتختبر الأمر؛ من كثرة اهتمامه المفرط بها وبأدق تفاصيلها فكان هو دائمًا من يبادر بكل شيء. طرقات على باب مكتبها أخرجتها من شرودها رفعت رأسها بثبات وهي تأذن للطارق بالدخول لتنكمش ملامحها بضيق عندما رأته يتقدم نحوها لتنهض بتأهب متسائلة: -مازن انت بتعمل ايه هنا ده مكان شغل ابتسم مازن وقال بإصرار أغاظها: – لازم اتكلم معاكِ وانتِ مش عطياني فرصة انا هسافر كمان كام يوم ومحتاج اعرف قرارك زفرت مي بضيق وردت: -انا قولتلك ألف مره قبل كده مش هينفع نكون مع بعض رد هو بحدة وبصوت منفعل اغاظها: – ليه ان شاء الله ناقصني ايه يا هانم رفعت سبابتها بوجه تحذره: -متعليش صوتك واتكلم كويس زمجر هو غاضبًا: -انا لازم افهم…دوختيني وراكِ وفي الأخر تقوليلي مش هينفع ليه اديني سبب تنهدت بعمق ثم قالت بصدق: -علشان من ساعة ما رجعت وحساك غريب عني انا طلعت معرفكش يا مازن ومعنديش استعداد ادخل في أي علاقة تانية رد هو بغضــ . ــب ونبرة جهورية: – قولي انك بتحبي سي هاشم بتاعك ومش قادرة على بعده اغمضت عيناها بنفاذ صبر وهدرت بعصبية: -ميشغلكش بس كل اللي اقدر اقولهولك شيلني من دماغك علشان مستحيل يبقى في امل لرجعونا انا موعدتكش بحاجة انت اللي اتطفلت عليا وكنت بصدك دايمًا ومتهيئلي أن مازن العدوي لسه عنده كرامه ومش هيهنها اكتر من كده ولا هيعترض طريقي تاني… قالتها متهكمة كي تجعله لا يحرج ذاته أكثر ويحافظ على ماء وجهه ولكنه زمجر متوعدًا بعد حديثها وهو يضــ . ـرب بقبـ . ــضته سطح مكتبها: -انتِ فاكرة نفسك ايه ورحمة امي ما هسيبك يا مي غير لما اندمك لترد مي بعصبية وهي تتوجه للباب وتفتحه على مسراعيه: -أنت مجــ . ــنون…اطلع بره ومش عايزة اشوف وشك تاني واعلى ما في خيلك اعمله ليخطوا ويتخطاها وهو يتوعد لها بالكثير لتباغته هي بغلق باب مكتبها مما جعله يزفر بحنق ويلعنها وإن خطى خطوتين بعيد عن مكتبها وقعت عينه على هاشم يقف بجمود مقابله ليبتسم مازن قاصد اغاظته ويتحدث بلؤم: -ازيك يا دكتور مش باين ليه؟ دلك هاشم رقبته يحاول تهدئة إنفعاله ووقف مواجه له وتحدث بنبرة قوية متهكمة: – تمام احسن منك كتير على الاقل مش لسه مكروش زيك جز مازن على نواجذه وهدر من بين اسنانه: – بكره مش هتبقي غير ليا وانت أتأكدت انها بتحبني من زمان هي بس بتتدلل عليا وانا راضي…اطلع بس أنت منها حانت من هاشم بسمة هازئة وتحدث بعدما وضع يده بجيب بنطاله بكل ثقة: -انتم الاتنين لايقين على بعض كتير اهنيك على اختيارك قالها وهو يرشقهم بالتناوب بنظرات محتقرة، بعدما تدارك وقوفها على باب مكتبها متسمرة، قبل أن يوليهم ظهره وينسحب أما هي كانت متخشبة لم تستوعب ما حدث منذ قليل فكانت تنوي المغادرة حين ألتقطت أخر ما تفوه به وكانت تلك الجملة المتهكمة كفيلة بتقطيع نياط قلبها وإسقاط ما تبقى من كبريائها ليهمهم مازن بتلعثم ما أن اقترب منها: -مي انا كنت بقو… قاطعته هي بحدة مبالغ بها: -اخرس بقى ومش عايزة اشوف وشك تاني كفاية لغاية كده قالتها بإنفعال شديد قبل أن تدخل مكتبها من جديد وتغلق بابه بوجهه بقوة ليهدر بحقد ووعيد من بين أسنانه وهو يخطوا للخارج: -حسابك تقل معايا اوي يا مي ليغادر المشفى ويتوجه لسيارته وإن كاد يفتح بابها هجم عليه اثنان من الرجال ذو بنية قوية ودفعوه داخل سيارة دفع رباعي وانطلقوا به في لمح البصر. ———————– صدح رنين هاتفها بإلحاح حين تناولته ونظرت للرقم الذي لم يسجل لديها لتجيب برتابة: -الو مين؟ اتاها الرد من الطرف الآخر: -ازيك يا ست هند تلعثمت هند بذهول بعدما تعرفت على صوته الغليظ: -انت عايز ايه؟ -انتِ فاكرة اني لما اتسجــ . ــنت انتِ خلصتي مني ولا ايه! – فعلًا كنت فكرت اني خلاص خلصت منك ومن الماضي الزفت ده عايز ايه خلصني -عايزك تخرجيني من هنا في اقرب وقت علشان مش من مصلحتك افضل كتير كده علشان الأمانة ضاعت و منعرفش عنها حاجة -انت بتقول ايه انت متأكد -ايوة بس متقلقيش هرجعها لما أخرج -هشوفلك محامي يتنيل يخرجك بس مش عايزة اشوف وشك تاني واعتبر ده اخر حاجة هعملهالك انت فاهم لم تستمع لرده بسبب تلك النبرة الصارمة التي افزعتها -بتكلمي مين يا امي؟ هدر بجملته بأستفهام بعدما ألتقط بضع كلمات من حديثها مع الطرف الآخر، فقد تسمرت بمكانها بعدما أغلقت الخط وزاغت نظراتها ثم همهمت بنبرة جاهدت أن تكون ثابتة: – ده….ده ولا حاجة النمرة غلط عقد حاجبيه بعدم تصديق وتسائل بشك: -متأكدة يا أمي ولا في حاجة وانتِ مخبياها عني -هخبي ايه لأ طبعًا قولتلك النمرة غلط أومأ وكاد أن يذهب لغرفته إلا أنها استوقفته -ملحظتش حاجة غريبة النهاردة يا صقر بالجرايد…هز رأسه لتستأنف هي: -كاتبين عن الحفلة بس مجبوش أي حاجة عن الرقصة الحمد لله ربنا ستر وعدت من غير فضايح بس ده مايمنعش أن ميعاد الفرح أخر الشهر فرك صقر ذقنه بتردد وأردف متحجج بعدما عاد ادراجه لها: – انا هأجل شوية -تاني تأجل…هو في ايه بالظبط انت امبارح كنت مرحب جداً بالفكرة لتتضيق عيناها بشك وتستأنف: -اوعى يكون في حد تاني في حياتك؟ تنهد بضيق وأجابها بسأم وبقطع أغاظها: -امي انا تعبان وعايز انام وانتِ عارفة انا مبحبش اتناقش في قراراتي واللي انا قولتو دلوقتي هو اللي هيتم عن اذنك قالها وهو يخطوا بعيد عنها دون إعطائها فرصة حتى للإعتراض أو فرض رأيها. ——————- دخلت منزل والدتها بعد يوم كارثي بالنسبة لها فهي جلست بمكتبها تنتــ. ــحب ولم تشعر بالوقت تنهدت بسأم وهي تلقى والدتها في انتظارها كعادتها كل يوم : -وبعدين في تأخيرك ده انا مش قولتلك قبل كده متسهريش في المستشفى أجابتها مي بتعب: -مخدتش بالي من الوقت ياماما تنهدت هنية ثم تسائلت: -انا عرفت أن هاشم رجع ابتسمت ساخرة وردت وهي ترتمي على أحد المقاعد وتلقي بحقيبتها: -اه رجع متنسيش تباركيله البيه هيتجوز ردت هنيه بصدمة عارمة: -انتِ بتقولي ايه؟! اجابتها مي متهكمة وهي ترفع منكبيها: -مستغربة ليه مش ده اللي كنتِ علطول تتعاركِ معايا علشانه وتنصفيه عليا علشان ياحرام بيحبني وميقدرش يعيش من غيري أهو هيتجوز انتِ لازم تفرحيله يا ماما ده ابن اخو جوزك برضو ويدوب بقى طليقي انفعلت هنية من تهكمها وردت موبخة: -اتكلمي كويس ومتنسيش إني أمك …انا متأكده ان هاشم ميعملش كده… تنهدت هي بإحباط وقالت بنبرة مختنقة متألمة: -برضو بتدافعي عنه…لأ اتأكدي البيه المخلص هيتجوز ومعداش على طلاقنا غير أيام وهنا قالت هنية بنبرة متحسرة كي تؤنبها: -حتى لو هيتجوز ده حقه انتِ حرماه من الخلفة وياما قولتلك ونصحتك بس انتِ حبه ليكِ كان منشف رأسك وغرك كنتِ فاكرة انه هيفضل طول عمره تحت رجلك ويتمنالك الرضا لمَ الجميع يتحامل عليها الآن حتى والدتها لم تعير أهتمام لندمها، تعلم أنها اخطأت ولكن هي ليست آثمة، لذلك وجدت ذاتها تصرخ بإنهيار وبنبرة معاتبة: -كفاية…كفاية بطلي تحمليني فوق طاقتي وترمي عليا انا تعبت يا أمي… تعبت حسي بيا انا خسرته…عارفة يعني ايه خسرته ده حتى لغاية دلوقتي مصدق اني خنته و بيجرح فيا في الراحة والجاية… وانا والله معملتش حاجة غلط أنا مظلومة وطول عمري محافظة على شرفه وأسمه… انا بجد تعبت…تعبت يا أمي تفوهت بكلماتها بتقطع وبنبرة ممزقة تقطع نياط القلب ودمعاتها تنساب بغزارة دون انقطاع بعدما تخلت عن كبريائها. وظهر ضعفها أمام والدتها لتقترب هنية بخطوات حذرة وتربت على ظهرها بحنان وتقول تحاول تهدئتها: -اهدي يا حبيبتي انا عارفة انك معملتيش كده انتِ تربية ايدي ومستحيل تغلطي غلط زي ده وانا مش قصدي أجي عليكِ انتِ بت قلبي ومفيش في الدنيا حد يحبك ويخاف عليكِ أدي انا متحسرة عليكِ و كنت بحاول انصحك واوعيكِ علشان كان نفسي تحافظي على بيتك وجوزك يا بنتي ده ربنا ميرضاش بخربان البيوت وسيدنا النبي عليه افضل الصلاه والسلام قال(إِنَّ أبغضَ الحَلالِ إلى اللهِ الطَّلاقُ) رفعت مي عيناها لأمها وهمهمت بضعف: -يعني انتِ مصدقاني يا ماما هزت هنية رأسها بنعم لترتمي مي بأحضانها وتخبرها بنشيج قوي: – انا بحبه ياماما ومش قادرة اتخيل حياتي من غيره شددت هنية أكثر من احتضانها واخبرتها بفطنة واصرار: -يبقى تستميتي وترجعيه ليكِ و متديش فرصة لوحدة تانية تاخده منك رفعت مي رأسها وهدرت بعدم فهم: -يعني اعمل ايه اروح أركع تحت رجليه وأقوله رجعني هزت هنية رأسها واجابتها بود: -هقولك تعملي ايه بس انتِ سيبك من العند اللي بوظ حياتك ده ابتسمت مي ببهوت من بين دمعاتها لحنو والدتها عليها وندمت أنها تفهمت خوفها سابقًا بشكل خاطئ. —————– تدلت من سيارتها بعدما وصلت للمنطقة التي تقطن بها وقبل أن تغلق باب سيارتها وتهم بالدخول للبناية استوقفها توقف سيارة فارهة أمامها تعترض طريقها لتأفف هي: -ايه قلة الذوق دي متتحرك خليني أعدي يا بتاع انت انفتح باب السيارة وهبط منها ذلك السمج الذي توعد لها سابقًا يقول بنبرة مشاكسة وهو يستند على باب سيارته: -هي القطة علطول كده بتخربش …ما براحة علينا هتفت فتون بشراسة وهي تتخذ خطوتان للخلف: -انت…عايز ايه وعرفت مكان بيتي ازاي؟ ابتسم بسماجة وقال وهو يغمز لها بمغزى: -مشيت وراكِ من ساعة ما طلعتي من الشركة وبصراحة عايزك ياقطة أصلك انتِ دخلتي دماغي ومن يومها و همــ . ــوت عليكِ كتفت ذراعيها على صدرها وهتفت ساخرة وهي ترمقه باشمئزاز: – هو علشان كل اللي تعرفهم كده لازم ابقى انا كمان زيهم للأسف يا مستر فهد طلبك مش عندي واتفضل من هنا بدل ما ألم عليك الشارع كله واعملك فضيحة جز نواجذه بغيظ وقال يحاول أن يسايرها : -خلاص طالما ملكيش في الشمال نكتب ورقتين ونبقى نقطعهم لما نزهق من بعض زفرت بعصبية ورفعت سبابتها في وجهه هادرة بتحذير وبنظرات قاتلة: – ابعد عن طريقي احسنلك انا نجوم السما اقربلك مني واللي انت قولته ده اكبر دليل على انك واحد حقير جز نواجذه بغضــ . ــب من تهديدها الواضح له واستأنف بوعيد وهو ينظر لمحيط المكان خوفًا أن يكون استمع لها احد: -مسيرك تليني و تغيري رأيك وانا هفضل مستني يا قطة ليشرع في ركوب سيارته وقبل انطلاقه هتفت هي ساخرة: -يبقى هتستني العمر كله لينطلق بسرعة جنونية من امامها وحينها زفرت هي بإرتياح وهي تتطلع بأثره وإن تقدمت بضع خطوات الى بنايتها استوقفها سؤال حارس البناية الذي كان يشاهد ما يحدث من بعيد: – هو في حاجة يا ست هانم أجابته هي بعدما هزت رأسها: – متشغلش بالك ياعم عبده لتتخطاه وتصعد الى شقتها ليضــ . ـرب الحارس كف على آخر بعدم رضا وهو يتطلع لآثارها والكثير من القصص الواهية تحاك برأسه بشأن سلوكها. —————— الثالث عشر ظلت تتقلب في فراشها طول الليل تنتظر سطوع الضوء بفارغ الصبر فكادت أفكارها تطيح بعقلها فقد سئمت كل شيء و رغم محاولاته العدة معها ولكن لن ينطلي عليها اسبابه الواهية لتركها فيكفي ما نالته منه من خذلان وبعد ذلك العرض الذي عرضه عليها آسر قلب موازينها وجعلها تنظر إلى حياتها من منظور آخر. زفرت بقوة وهي تنهض من فراشها وقامت بروتينها اليومي عازمة أن تزور صديقتها وتخبرها بكل ما يؤرقها بعد وقت قليل من وصولها إلى هناك وبعد أن تناولوا الفطور سويًا انسحبت والدتها لتتركهم بمفردهم وعندما طال صمتها هدرت مي بسأم: -اتكلمي يا فدوة مش هنفضل طول اليوم قاعدين كده ردت هي بدهشة: – هو باين عليا اوي كده اني عايزة اقول حاجة هزت مي رأسها بنفاذ صبر وقالت بأندفاع كعادتها: -انتِ هتشليني يا بنتي يعني جيالي الساعة سبعة الصبح ومصحياني من احلى نومة وبتقوليلي شكلي باين عليه… اه ياستي باين…اتكلمي بقى تنهدت فدوة بعمق ثم همست مترقبة: – أكمل يا مي برقت عين مي وهدرت متسائلة: – مالو سي أكمل مش كنا قفلنا السيرة دي قصت فدوة كل شيء على صديقتها وبعد أن فرغت كل ما بجعبتها صرخت مي بها بحدة اجفلتها: – انتِ اكيد مجــ . ــنونة انتِ فرحك أخر الشهر اغمضت فدوة عيناها تحاول أن تلملم عزيمتها و قالت دفعة واحدة: -انا مش عايزة اتجوز صقر صرخت مي بها بعدما قبـ . ــضت على ذراعها وهزتها بقوة: -بتقولي ايه…انتِ عايزة تسيبي صقر علشان البني ادم ده انتِ محرمتيش غامت عين فدوة وفاضت بكل ما يعتمل بصدرها: – يا مي افهميني انا مش هسيب صقر علشان أكمل انا زي ما قولتلك قبل كده وهفضل اقول لغاية أخر يوم في عمري اكمل حكايته خلصت والجرح اللي هو جرحهولي مستحيل تداويه كتر السنين…أفهميني…انا زهقت يا مي كل حاجة حواليا بتضغط عليا خالتو وتحكماتها وأكمل ومطارداته ليا وصقر وجوازي منه اللي مش قادرة اتخيل أن هيتقفل عليا انا وهو باب واحد وانا عمري ما حسيته غير اخويا الكبير انا عايزة اهرب من كل ده واشوف مستقبلي بعيد عنهم انا نفسي ابقى حاجة غير اللي هما فرضوها عليا افهميني يا مي وساعديني أخد القرار محتجاكِ تقويني مش تكسري فيا زيهم كانت تتحدث ودمعاتها تنهمر دون انقطاع وكأنها كانت تدخرهم لسنوات من الكتمان اقتربت مي منها واحتضنتها بقوة وقالت بنبرة متفهمة: – اعملي اللي انتِ شيفاه صح يافدوة ملكيش دعوة برغباتهم هما اعملي اللي انتِ حباه وشايفة انك هتلاقي نفسك فيه دي حياتك انتِ متسمحيش لحد انه يتحكم فيها أكتر من كده واتأكدي اني هبقى معاكِ في أي قرار تاخديه طالما بعيد عن سي أكمل ده…أومأت فدوة لها وقالت وهي تمسح عبراتها: -انا جايلي عرض حلو أوي في باريس وحاسة أني هحقق طموحي هناك واعمل اللي مش عارفة اعمله هنا انا هكلم صقر وانا متأكدة انه هيفهمني ويدعمني قالت مي تحاول ان تشد من أذرها : – كلميه يافدوة انا متأكدة انه مش هيقف في طريق مستقبلك شددت فدوة اكثر من احتضانها وقالت بأمتنان: -لو سافرت هتوحشيني يا قطر ومش هعرف اعيش من غيرك… تنهدت بعمق وقالت بنبرة يشوبها الألم والندم معًا: -كل اللي بحبهم بيسبوني مجتش عليكِ خرجت فدوة من احضانها ونظرت لها بعدما تفهمت مغزى حديثها: – هاشم هيرجعلك يامي ده روحه فيكِ وانتِ عارفة ابتسمت ببهوت وهمهمت وهي تحاول أن تكون ثابتة وان لا تنهار وتزيد الأمر على صديقتها فيكفي ما بها: – عارفة…لتستأنف مغيرة مجرى الحديث: -عادي يادودو متشغليش بالك وبعدين في برامج كتير على Social Media نقدر نتكلم طول النهار والليل صوت وصورة كمان يعني مش هتخلصي مني ليبتسمو الاثنان معًا بعدما عزمت فدوة وأخذت قرارها أن تخوض المعركة وتنتشل ذاتها من كل ذلك. ———————