اغواء قلب بقلم ميرا كريم ج6

السابع عشر بعد أن تركها تنتــ. ــحب داخل مكتبه توجه إلى قصره وخاصةً داخل القبو، تقدم هو بخطوات هادئة الى الداخل ليقابله فضل رئيس الحرس خاصته قائلًا بأحترام: -تحت امرك ياصقر بيه جبنا الولد زي ما أمرت بعد ما مشينا وراه وعرفنا مكانه وعندها تذكر عندما راوده الشك من هيئتهم في الجراچ وأمر أحد رجاله أن يتبعه أشار له بعينه أن يتركه معه على إنفراد لينصاع الآخر له وينصرف ليتقدم صقر ويهتف بنبرة صارمة لذلك المنكمش بالزاوية: -تعرفها منين ياجمال؟ انتفض جمال من نبرته ليجيب بخوف و بنبرة مهزوزة: -مين دي يا باشا انا معرفش انت بتتكلم على ايه؟ هز صقر رأسه بعدم رضا وقال بحدة وهو على وشك نفاذ صبره: -متلفش وتدور عليا ياجمال علشان متندمش، انت عارف انا قصدي ايه؟ أجابه جمال بذعر: -يا باشا وحياة المرسي أبو العباس مش فاهم حاجة صرخ صقر به بنبرة جهورية نافذة رجت الأجواء بعدما فقد صبره: -تعرف فتون منين ياجمال؟ زاغت نظرات جمال لثوانِ واستأنف بلؤم: – معرفهاش تسأل صقر من جديد بصيغة آخرى أكثر حدة: – اومال كنت بتتكلم معاها ليه في الجراچ بتاع الشركة رد جمال بتلعثم: – ياباشا ده…كنت… زفر صقر بنفاذ صبر وألتقط أحد سجائره وأشعلها ثم سحب مقعد من جانبه وجلس عليه بالمعكوس ليستأنف بثقة وثبات لم يضاهيه أحد به: – اسمع يا جمال انا مبحبش استخدم العنــ . ــف مع اللي زيك رجالتي مستنين اشارة مني و يعدموك العافية بس انا مش هعمل كده وبقولك اتكلم احسنلك يا أما مش هتخرج من هنا نبرته الواثقة أكدت له أنه يستطيع ايذائه لا محالة ليهمهم جمال بنبرة متوجسة يشوبها الخوف: -هتكلم ياباشا بس اضمن منين اني اخرج من هنا اعتلى جانب فمه ببسمة ممزقة متألمة وهو يشعر أنه على بعد خطوات من خسارتها ليجيبه بحزم: -كلمتي وعد وانا عمري ما خلفت وعدي اتكلم…. هز جمال رأسه واسترسل قائلًا بلؤم وهو ينوي أن لا يخبره بكل ما في جعبته: – دي فتون بنت العايق واحنا جيران في الحتة ولما قابلتها في جراچ الشركة كنت بقولها ان ابوها بيسأل عليها بس هي قالتلي انها بتعمل مصلحة لباشا كبير نصباية يعني وهتطلع منه بفلوس كتير تجمدت معالم وجهه و تهدجت أنفاسه من الغضــ . ــب ليهدر بعدم تصديق: -انت متأكد من الكلام ده أجابه وهو يهز رأسه مؤكدًا: – ايوة يا باشا والله هي بلسانها قالت كده نهض عن مقعده وظل يعدو ذهابًا وايابًا بغضــ . ــب جامح كاليث جريح يعاند المــ . ــوت ثم هدر بصوت جهوري بعدما قبـ . ــض على حاشية ملابس الآخر: -انطق مين اللي قالها تعمل كده مين اللي زقها انطـــــــــــق ارتجف جمال بزعر من هيئته وتلعثم: -معرفش اسمه… بس اللي اعرفه ان هو اللي دخل العايق السجــ . ــن جز صقر نواجذه وصاح بنبرة جهورية يشع منها الغضــ . ــب: -اسم ابوها ايه بالكامل رد جمال بذعر: -هقولك يا باشا وبعدما أخبره انصرف وهو يطوى الارض تحت اقدامه بخطوات غاضبة وتوجه الى داخل قصره بعدما أمر رجاله أن يتركوا ذلك اللعين يرحل. ————– بعد ان وصلت الى شقتها ظلت تلملم أغراضها بسرعة متناهية قاصدة الفرار وإن همت بالمغادرة تفاجأت به يستند على إطار الباب وهو يكتف ذراعيه وينظر لها بنظرات مشتعلة ارجفتها لتهمهم هي بتقطع وهي تتراجع للخلف بذعر: -أك…مل… هتف هو بنبرة حادة وهو يتقدم نحوها: -هتهربى مش كده اغمضت عيناها بقوة تحاول أن تكبح ذعرها منه واستجمعت كافة شجاعتها وهدرت بإصرار: -اه ههرب علشان تعبت ومش قادرة اكمل اعمل فيا اللي يريح ضميرك انا بعد خسارتي ل صقر يأست من حياتي وإذا كان على اختي دي اخر سنة ليها في المدرسة وتقدر تعتمد على نفسها وطول ما ابويا في السجــ . ــن بعيد عنها مش هقلق عليها انها تبقى نسخة مني هز رأسه ساخراً من سذاجتها وهتف بحدة بعدما اختصر المسافة بينهم وقبـ . ــض على خصلاتها: – وانتِ فاكرة ان الموضوع هيخلص بالبساطة دي ومين قالك اني هخلي ابوكِ في السجــ . ــن انا هخرجه وابعتك مكانه هتفت هي بألم بعدما تعلقت بيده تحاول تخفيف قبـ . ــضته التي كادت تقــ . ـــتلع خصلاتها: -حرام عليك…انت عايز ايه تاني كان غرضك توقعه فيا علشان يسيب فدوة وده اللي حصل انا نفذت أوامرك بالحرف ابتسم باستخفاف وهدر بعدما نفضها بقوة اوقعتها و جلس على المقعد بكل عنجهية: – وانتِ فاكرة ده كان غرضي بس انا لازم اعرفه انتِ كنتِ ايه علشان اقطع أي خيوط ليكم مع بعض ما انا مش بالغباء ده علشان اسيبه يتهنى معاكِ وانا يتكتب عليا افضل احارب علشانها واتحرم منها بسببه ليستأنف بغيظ والشيـ . ـطان يغشي على بصيرته: -هو مش أحسن مني ولازم اوجعه زي ما اتوجعت هزت فتون رأسها بقوة مستنكرة قوله و زحفت بركبتيها على الأرض وجثت مقابل له قاصدة استعطافه بعدما انسابت دمعاتها بقهر: -ابوس رجلك يا أكمل بلاش تقوله انا كنت ايه مش هتحمل كفاية اني همــ . ــوت من غيره ده هو النفس اللي انا باخده ارحمني يا أكمل أنا نفذت المطلوب مني بحذافيره وهو خلاص ساب فدوة رفسها أكمل بقوة وهو يهتف: -مش كفاية لازم احــر . ــق قلبه زي ما حــر . ــق قلبي…وحكايتكم لغاية هنا خلصت وللأبد واياكِ تفكري تشوفيه تاني ولا تفتحي بؤك حاولت جاهدة ألتقاط انفاسها من بين شهقاتها وقالت بنبرة حزينة تقطع نياط القلب: -مــ . ــوتني واوجع قلبه عليا بس متأذهوش ومتقولوش انا كنت ايه صقر مش هيستوعب واكيد هيفهم غلط ابتسم ببرود وقال بمغزى: -وده المطلوب انه يفهم غلط انا هحــر . ــق قلبه عليكِ وانتِ عايشة و قصاد عينه أضافت هي بهستيرية وهي تتوسل له من جديد: – علشان خاطر ربنا بلاش تأذيه اعمل فيا اللي انت عايزه بس بلاش هو زفر أكمل بضيق بعدما تسلل بعض التردد بداخله: -اخرسي بقى وخلصيني علشان هوديكِ مكان تاني لازم تداري عن العين لغاية ما أقولك وبعد كده ترجعي مكان ما جبتك ليتناول علبة سجائره ويشعل إحداهما ويستأنف وهو ينفث دخانها: -اختك انا دفعت لها مصاريف مدرستها وابوكِ كفاية عليه كده هخرجهولك بس مسأله وقت واظن كده عملت اللي اتفقنا عليه همست بيأس وهي تطرق رأسها بالأرض: -يعني كده خلاص؟ أجابها وهو يجاهد ذلك الشعور القاتل بداخله: -اه خلاص ليزفر انفاسه ويستعيد عزيمته كي ينهي ما بدأه… ويمد يده بجيب سترته ويخرج قلمه ويدون على تلك الصحيفة التي على الطاولة بعض الكلمات وناولها لها ويستأنف وهو يتحاشى النظر لها كي لا يتراجع: -خدي ده عنوان بيتي بعد بكرة الساعة ٥ بالدقيقة تكوني عندي هديكِ وصلات الأمانة بتاعتك وكده انا خلاص استغنيت عن خدماتك… بس لو فكرتي بس تعدي من قدام صقر تاني هتلاقيني فوق رأسك فاهمة هزت رأسها عدت مرات بتفهم ليستأنف هو بعدما تناول تلك الورقة المطوية من سترته: -وده شيك تقدري تصرفيه في أي وقت أزاحت يده الممدودة برفض قاطع وهي تستطرد قائلة بنبرة حزينة منكسرة: – انا مش عايزة حاجة ده مكنش اتفاقنا اهم حاجة عندي تبعد عني وتديني الوصلات اللي انت ذلتني بيهم تنهد تنهيدة عميقة ونظر لها نظرة مطولة لم تستشف المغزى منهاثم هدر: -ماشي يابنت العايق لتضيف هي بضعف: -اوعدني انك مش هتأذيه أومأ لها ومازال يغزو الغموض ملامحه أما هي حاولت ان تتغاضى عن صرخات قلبها واقنعت ذاتها إنها ستبتعد من أجله فيكفي انه سيكون بخير لتقوم تتحضر للمغادرة برفقته وإن ولته ظهرها ليزفر أنفاسه ويلعن ذلك الشعور الذي كاد أن يجعله يحيد عن غايته ويهمس من بين أسنانه: – موعدكيش. أما عنه ظل يعدو كاليث الجريح يقطع غرفته ذهاباً واياباً وكل ما مر به معها يمر أمامه عينه كشريط مسجل ليتناول هاتفه ويطلب رقم المحامي الخاص بعائلته ويدعى صفوت وحين اتاه الرد بعد عدة دقائق هدر هو: -اسف يامتر انا عارف الوقت متأخر بس في موضوع ضروري ومحتاج مساعدتك -أأمرني ياصقر بيه انا تحت امرك -هبعتلك رسالة بأسم واحد وعايز اعرف مين اللي مقدم البلاغ ضده -تحت امرك بكرة بأذن الله هديك كل التفاصيل أغلق معه الخط وأخذ يفرك ذقنه بعصبية ولم يستطيع ان يكبح رغبته في مواجهتها ليخرج بخطوات متعجلة تأكلها الغضــ . ــب ويتوجه الى منزلها وبعد وصوله ظل يطرق على الباب بقوة عدة مرات متتالية دون جدوى ونظراً لتأخر الوقت تأففت السكان الآخرون الذين خرجوا وظلوا يتهامسون من أمام أبوابهم ليزفر هو بقوة ويتوجه الى حارس البناية الذي كان يجلس على دكته دون أن يعير الضجيج الذي أحدثه أي اهتمام -الساكنة اللي في شقة ٣ ما تعرفش فين خبطت كتير ومفتحتش أجابه الحارس بنفور: – استغفر الله العظيم وبعدين پجى في الناس اللى معندهاش خشة ولا حيا دي عقد حاجبيه بعدم رضا وهدر بقوة: -انت بتقول ايه ياراجل انت؟ رد الحارس: -بچول يا پيه إن الحمد لله العمارة نضفت منيها وغارت بعد ما پيه غيرك جه وخدها بشنطتها نفرت عروقه و اشتعلت عيناه وتسأل بعصبية: -بيه مين متعرفش؟ أجابه الحارس: – لع معرفش بس اللي زي الهانم ما يغلبش ده كل يوم مع راچل شكل وكلهم ميتخيروش عنك بهوات و راكبين عربيات تسد عين الشمس رفض عقله استيعاب الأمر فقد جاء بذهنه الكثير من التوقعات لكن ليس ببشاعة ذلك الفعل المشين ليزئر بغضــ . ــب وهو يقبـ . ــض على حاشية ملابسه ويهدر بقوة : – انت بتقول ايه ياراجل انت انت اكيد مجــ . ــنون رد الحارس بثقة وبكل إصرار: – لع يا پيه وانا هكدب ليه وايه مصلحتي نفضه صقر بقوة وتوجه من جديد الى سيارته وهو يلعنها بعدما أقسم أنه سيذيقها ويلات خداعها له. ———————- في صباح يوم جديد داخل مشفى الجارحي كان يجلس بمكتبه منشغل بأمور العمل إلى أن فاجأه اندفاع الباب بهمجية ودخولها وهي تستشيط غضــ . ــباً، رفع عينه لها بلا مبالاه ثم استمر بتفحص الأوراق التي بيده ليأتيه صراخها: – والله عال يا دكتور انت بأي حق تاخد قرارات من غير ما ترجعلي تجاهل حديثها ولم يعيرها أهتمام واستمر بمعاينة الورق تأففت هي بغيظ وهي تطرق على مكتبه وهدرت بعصبية بعدما شعرت انه يتقصد ان يتجاهلها في كل شيء حتى في قرارات العمل: -رد عليا وبطل تستفزني انا بكلمك ابتسم ببرود وهو يضع الورق جانباً ونظر لها باستخفاف قائلًا: – لما تتكلمي بأحترام هبقى ارد عليكِ هتفت هي بغيظ وهي تشهر سبابتها بوجه: -انا محترمة غصب عنك مسمحلكش رد هو بتهكم: -محترمة جداً… على يدي يظهر انك نسيتي صرخت هي بإندفاع: – افهم اللي تفهمه ما يهمنيش ابتسم ببرود وقال قاصداً أثارت غضــ . ــبها: – فعلاً يمكن زمان كان نفسي أفهم لكن دلوقتي مبقاش يفرق معايا علشان الحمد لله ربنا عوضني وبكرة يبقي عندي قرطة عيال منها ومش هيبقي عندي وقت حتى افتكر اللي فات كلماته طــ . ــعنت بقلبها لكنها ألتزمت بكبريائها حتى لا تثير سخريته وردت قاصدة غيظه ايضًا: -أنا كمان ربنا عوضني بخلاصي منك وإن ولته ظهرها و همت بالخروج اختصر المسافة بينهم بخطوتان و جذبها بقوة من رسغها وأغلق باب مكتبه واسندها عليه واستند بكفيه عليه يحاصرها هادرًا من بين اسنانه بحدة: – بتسمي بعدي عنك خلاص يا مي للدرجادي كنت تقيل على قلبك علشان تبرري لنفسك خيانتك معاه اجابته هي بشراسة وغابات الزيتون خاصتها مشتعلة بالغضــ . ــب: -انا ماخنتكش وانت عارف ومتأكد من ده علشان اخلاقي متسمحليش بكده وربنا يعلم انه طول عمري بحترم غيبتك (بقلم ميرا كريم) نظر لها نظرة عتاب طويلة بعدما استشعر صدق حديثها ولكن عقله اللعين لم يقتنع بعد ليتحدث أمام وجهها بعدما اقترب أكثر منها: – انا استنيتك تدافعي عن نفسك و تثبتي ده بس انتِ كبريائك عاميكِ وانا اكتفيت ومبقاش عندي طاقة اتحمل لم تنتبه لحديثه بسبب انفاسه القريبة منها التي أصابتها بالقشعريرة وأرجفت قلبها فقد ايقنت أنها افتقدت قربه بشدة لترفع عيناها له وهي تجاهد كي تخفي تأثيره عليها وردت بنبرة خافتة: -استنتني قد ايه؟…تفتكر مرور أيام على طلاقنا كان وقت كافي علشان تيأس مني وتبعتلي ورقتي، ويكون عندك الحق تخطب وتفكر تتجوز رد هو بنبرة هامسة يشوبها الألم احزنتها: -كان لازم اعمل كده علشان انسى جرحك ليا ولكرامتي زاغت نظراتها الغائمة لعينه وشعور الندم ينهش بها لتهمهم بضيق بعدما احتضنت وجهه بكفيها وقد رق قلبها: -انا مكنش قصدي اجرحك وحاولت يومها افهمك انك ظلــ . ــمتني بس انت معطتنيش فرصة واختفيت ولما رجعت فجأتني بموضوع جوازك من واحدة تانية حسيت وقتها اني ولا حاجة بالنسبالك وتقدر تستغنى عني بكل سهولة كانت تتحدث بتقطع ودمعاتها المعاتبة تنساب بغزارة على وجنتها لتستأنف وهي تحاول ان تتمالك نفسها: – بس انا مش هلومك رؤية دمعاتها قطع نياط قلبه وأسترسالها معه اشعره انها ليس ذاتها تلك المتعجرفة التي يتحكم كبريائها بها تلك مختلفة فهو يقسم ان طوال سنين زواجه منها لم يستشعر قط نبرتها تلك حتى نظراتها اليه اختلفت كثيرًا عما سبق وهنا تنهد بعمق ثم رفع ابهامه يمسح دمعاتها بحنان وظل يتمعن بها بطريقة جعلت القشعريرة تنتابها من جديد لتخبره بعيناها ما عجز لسانها عن التفوه به وبعد عدة دقائق من اشتباك نظراتهم العا .ـشقة احتضن كفيها الذي تحاوط وجهه وانزلهم ببطئ شديد خلف ظهرها يقيد حركتها ثم مال برأسه عليها واخذ يمرر شفتيه على عنقها دون أن يلثمها بطريقة مثيرة للغاية أهلكتها، أغمض عينيه بتأثر حين دفــ . ــن وجهه بخصلاتها يستنشق اريچها الأخاذ بإنتشاء وهمس بخفوت مهلك لقلبها: -ريحتك لسه زي ماهية متغيرتش ابتلعت ريقها ببطئ شديد بعدما تعالت أنفاسها من تأثيره عليها وحمحت بتقطع: – قولي انك منستنيش… ولسه بتحبني زي الأول اجابها هو بصوت متحشرج بعدما ترك يدها و قبـ . ــض على خصرها بتملك ويدفس وجهه أكثر بحنايا عنقها: -عمري ماحبيت غيرك يا مي ابتسمت هي بسعادة مطلقة وهي تشعر أن دقات قلبها تتراقص لترفع يدها من جديد وتحتضن وجهه لترى عيناه وتقول بنبرة راجية: -يبقي علشان خاطري لو لسه بتحبني بلاش موضوع جوازك ده انا مش هتحمل اشوف واحدة غيري معاك عند تفوهها بتلك الكلمات الراجية شعر هو بتسرعه وتماديه معها ولكن أصر على ملاحقة الموقف لصالحه ليتحدث بثقة بعدما سحب يدها من على وجهه وانزلها: – مش معنى اني كنت بحبك يبقى اوقف حياتي عليكِ انا معنديش استعداد اتخلى عن نيرة علشان واحدة زيك عمرها ما عرفت يعني ايه حب ولا إخلاص غامت عيناها من جديد ولكنها تمالكت نفسها ولم تشعره بتأثير كلماته القاســ . ــية عليها لتدفعه بكل ما أوتيت من قوة بعيد عنها وهدرت بتهكم وهي تكتف يدها على صدرها بعدما جففت وجهها و استردت كبريائها: -انت عندك حق يا دكتور الحب مش كل حاجة مفروض بعد كلامك ده اسقف لجنابك واقولك شابوه ليك علشان عرفت تتخطاني مش كده ابتسم ببرود مميت ورد بكل ثقة: -انتِ اللي سمحتيلي اعمل كده… هتفت هي بغيظ بعدما شعرت بتقصده جرحها من جديد: – يبقى تسبني أخرج ميصحش كده وبعدين لازم تحترم غيبة زوجتك المستقبلية يا دكتور اللي اكيد هتكون مثالية في نظرك وتستحق الشرف العظيم ده لتستأنف بتهكم: -سبني اخرج يا هاشم ولا تحب اقولك لتغير نبرة صوتها بميوعة قاصدة تقليد تلك الشقراء: -يا شوووووومي… جاهد بأن يخفي بسمته من غيرتها الواضحة وتصنع البرود وهو يبتعد عدة خطوات عن الباب بعدما قام بفتحه لها لتنصرف بعصبية من أمامه وتتركه يهيم بأفكاره وهو ينظر لآثارها. —————— بعد استيقاظها من النوم أرادت حقاً أن تعتذر له بعد ما حدث يوم أمس لتتناول هاتفها وتطلب رقمه وبعد عدة ثوانِ فتح الخط لتهمهم هي بحرج: – الو اجابها هو بنبرته المرحة المعتادة: -معقول انا مش مصدق ان اخيرًا رقمك ظهر على شاشة تليفوني معقول فدوة فضالي بنفسها بتكلمني عقدت حاجبيها باستغراب من ردة فعله الغير متوقعة فهي ظنت أنه غاضب منها حتى كانت تراهن ذاتها انه لن يجيب على إتصالها. وعندما طال صمتها هتف هو من جديد: -روحتي فين يافدوة ياكسفتي شكلك طلبتي رقمي بالغلط ولا ايه؟ -هااا انا معاك…لأ انا كنت… عايزة…اعتذر لك عن… قاطعها هو بجدية عكس طباعه وبنبرة مريحة: -متقوليش حاجة يافدوة انا مش عايز اضغط عليكِ انا بعد ما سبتكم إمبارح عملت Search عن اسمه وعرفت الحكاية ويمكن ترجمت حاجات كتير كنت مستغربها وأولها كسرتك وضعفك اللي ملهمش مبرر أجابته هي بحسرة: -بس الحكاية خلصت يا آسر ومن زمان بس هو مش قادر يستوعب ده انا مش ضعيفة يا آسر انا بس يأست بعد ماهو كسرني و ضيع فرحتي واقنعت نفسي أن ده سوء اختياري وكان لازم اتحمل توابعه -صدقيني يا فدوة الحياه مش بتوقف على حد انتِ لازم تستقلي بحياتك والبني ادم ده لازم توقفيه عند حده طالما انتِ بتقولي حكايته خلصت بالنسبالك قالت فدوة بامتنان لدعمه لها: – انت صديق جدع اوي يا آسر – اي خدمة انتٍ تأمري ليضحكوا الاثنان معًا ويقول هو بإصرار: – انا لازم اقابل صقر علشان اطمنه واشرح له كل حاجة بخصوص السفر -ياريت يا آسر انا هرتب مع صقر وأقولك – تمام خلي بالك من نفسك -حاضر مع السلامة أغلقت معه وهي تشعر براحة غريبة فرغم طباع آسر المرحة والغير مبالية للعديد من الأمور إلا أنه يتمتع بطرق مبسطة ومختصرة لتشجيعها فهو محق بحديثه ربما آن الأوان أن تستقل بحياتها وتوقف ذلك النذل عند حده. —————– اما عنه لم يغمض عينيه لبرهة منذ ماحدث ظل طوال الليل يلتهم سجائره ويفكر في كافة الإحتمالات الواردة بشأن فعلتها وظل يتسأل من دفعها لذلك وحين اعتصر عقله لم يحضر بذهنه أحد فهو ليس لديه أي خصوم ولكن مهلاً من المؤكد أن المحامي الخاص به سيعطيه المعلومات الكافية عن ذلك الدنيء و عندما جال بخاطره كلام حارس البناية الخاص بها رفض عقله بشدة ان يصدق انها بهذا السوء وعندما يأس من التفكير ظل يكسر ويطيح بكل شيء بغرفته بغضــ . ــب جامح، إقتربت والدته باندفاع شديد إلى غرفته بعدما تناهى إلى مسامعها الضجيج الذي يحدثه لتهدر بقوة وهي تطرق على الباب: -ايه اللي بيحصل يا صقر افتح الباب لعدة دقائق ظلت تناجيه لكن دون اجابة لتأتي فدوة ايضًا والقلق يغزو ملامحها وتتسائل: -في ايه يا خالتو صقر ماله؟ نظرت لها هند شذراً واجابتها بتهكم: – بطلي تعملي نفسك البريئة الى معملتش حاجة أكيد متعصب بعد ما اتكلمتي معاه كلامك البايخ لتستأنف بحنية لم تليق بها: -اكيد يا حبيبي زعلان علشان كان فاكر انك هتصوني الجميل وعمرك ما هتخلفي قراراتي ظلت تفرك يدها بتوتر وهي تستمع لكلماتها القاســ . ــية ولكنها قد عزمت أمرها سابقًا ولن تدع لخالتها المجال مرة أخرى لرضخها لتهتف بشجاعة لأول مرة تتحلى بها: -مستقبلي مش كلام بايخ يا خالتو وإذا كان على صقر انتِ عارفة ومتأكدة اني زي اخته ومكنش عنده اعتراض ابدًا على انفصالي عنه هدرت هند بعجرفة: – انتِ فاكرة نفسك ايه فكراه بعد ما قولتيله مش عايزة اتجوزك يعمل ايه! يركع تحت رجلك ما أكيد لازم يوافق انا ابني راجل وعنده كرامة لتستأنف باشمئزاز وهي تشملها من رأسها لأخمص قدميها: – ياخسارة تربيتي فيكِ يا بنت اختي هزت فدوة رأسها بيأس من عدم تفهم خالتها لها ولا اتخاذها اعتبار لمشاعرها فهي تعلم ان خالتها ليست بذلك الخصم الهين لتطرق هند من جديد على باب الغرفة ولكن تلك المرة كانت بقوة أكبر وهي تصيح بنفاذ صبر: -افتح الباب يا صقر وبلاش شغل المراهقين ده أما عنه قد بلغ الغضــ . ــب اقسى مراحله لدرجة انه يشعر ان برأسه بركان ثائر وحممه كفيلة بإحراق العالم أجمع ليصيح بصوت جهوري بعدما شعر بالحنق من طرقاتهم المتتالية: – مش عايز اشوف حد سيبوني لوحدي وحين وصل الى مسامعهم صياحه هتفت فدوة بهدوء: – سيبيه يا خالتو يمكن محتاج يبقى لوحده هو شوية كده و هيروق ويطلع يحكلنا كان ماله لتهدر هند بغيظ: – ابني اخر مرة شوفته كده كان يوم مــ . ــوت ابوه انا متأكدة انك انتِ السبب اللي وصل ابني لكده قاطعهم فتح الباب بقوة وصوته الذي صدر بعصبية مفرطة بعدما ألتقط حديث والدته: – كفايه بقى سيبيها في حالها هي مش سبب لحاجة بطلي ترمي كل حاجة عليها وتستغلي سذاجتها ظلت فدوة متسمرة بمكانها تطالعه بأمتنان فبالرغم من ذلك الغضــ . ــب الذي يحتل ملامحه وحالته المزرية إلا انه أصر ان يدافع عنها ويكون سند لها مثلما يفعل دائمًا أما عن هند فهي شهقت بتفاجئ عند صراخه بها وعقبت على حديثه: -انت بتتعصب عليا بسببها ما ده اللي ناقص كمان تخليك تعارض امك وتقف قصادها ليهتف هو بنفاذ صبر وهو يضم قبـ . ــضة يده ويضــ . ـربها بالحائط بجانبه بقوة أدمتها: -امــــــــــــــــــــــــــي متخرجنيش عن شعوري هي ملهاش علاقة بحاجة سيبيها في حالها وكفاية السنين اللي فرضتي عليها تحكماتك لتهمهم هند بعدم رضا: – انا مش هحاسبك دلوقتي علشان يظهر انك مش في واعيك لتنصرف بخطوات غاضبة من امامه بينما هي اقتربت منه بحذر وهمهمت بقلق وهي تضع يدها على ذراعه: – مالك ياصقر عامل في نفسك كده ليه؟ لم يعير حديثها أهمية ودلف من جديد لغرفته وارتمى على الفراش لتتبعه هي بخطوات حذرة بسبب الحطام الذي أحدثه وتجلس على طرف الفراش وهي تحاول ان تواسيه: -صقر علشان خاطري قولي مالك متقلقنيش عليك هو انا السبب فعلاً زي ما قالت خالتو هز رأسه بنفي وأضاف بعدما وضع ذراعه على عينه يخفيها: -ملكيش علاقة يا فدوة وياريت تسيبيني لوحدي مش عايز اتكلم نهضت هي قاصدة أن تحترم رغبته وتتركه لحاله فهي تعلم انه لا يحب المراوغات لتهمهم قبل خروجها: -لو احتاجت تتكلم انا موجودة زي زمان وهسمعك عن اذنك ياصقر نظر هو لآثارها بضيق وحمحم بخفوت لم تلتقطه هي : -ياريت كل حاجة ترجع زي زمان ومكنتش قابلتها ولا سمحتلها تلعب بيا كده. ————————— في شركة العزازي وخاصةً في مكتب اكرم الذي اجتمع مع مدير الحسابات الخاص بالشركة وهو يحاول أن ينفذ أوامر صديقه بدقة متناهية عن البحث خلف المدعو حامد رئيس قسم التسويق الخاص بشركتهم قاصداً معرفة الدافع وراء تعينها وترشيحها للعمل مع صقر وبعد عدة ساعات من العمل الدقيق وضح مدير الحسابات بأسف: – للأسف يا فندم في تلاعب كبير في الميزانيات والمشكلة ان كلها بطريقة غير مباشرة استاذ حامد اختلس مبالغ كبيرة جدًا وصعب التغاضي عنه أحنا لازم نبلغ وبأقصى سرعة أومأ له أكرم وقال بإصرار: -اكيد هنبلغ اعمل انت اللازم خد الأجراء مع الشؤون القانونية وبلغ بالمستندات اللي معاك وقبل ما تعمل كده تسحب منه اللاب توب بتاعه أكيد هيفيدنا وهتلاقي عليه معلومات بس خلي بالك مش عايزه يشك في حاجة قبل ما تبلغ علشان ميحولش يهرب انا هروح لصقر مكتبه افهمه الوضع عقد مدير الحسابات حاجبيه واخبره: -بس مستر صقر مجاش النهاردة وسمعت عم محمود الساعي بيقول أن المكتب بتاعه كان متبهدل الصبح والورق في كل حتة شعر أكرم أن القلق غزى قلبه على صديقه ليستطرد قائلاً: – انا هتصرف هروحله القصر ده مش عوايده ميجيش أكيد حاجة كبيرة حصلت أومأ له الآخر لينسحب أكرم بتعجل قاصد الاطمئنان على صديقه. الثامن عشر تململت هي بانزعاج بعدما استمعت لصياح امها وهي تحثها على الاستيقاظ فلا تعلم ما أصابها فهي اصبحت عا .ـشقة للنوم في الآونة الأخيرة وبكثرة. اعتدلت بتكاسل داخل فراشها وهي تشاهد والدتها تزيح الستائر عن الشرفة، لتهمهم بنعاس وهي تحجب الضوء عن عيناه بيدها: -حرام عليكِ يا ماما النهاردة الجمعة يعني يوم اجازتي سيبيني أنام شوية كمان تنهدت هنية وقالت بصرامة: -قومي يا مي وبطلي كسل انا مش عارفة هو انتِ مش بتشبعي نوم ولا ايه ده احنا بقينا العصر ويلا علشان عايزاكِ تساعديني وتعملي صنية بسبوسة حلوة كده ناكلها مع الشاي أجابتها مي بتأفف: -بسبوسة ايه بس يا ماما ورحمة بابا ما قادرة اصلب طولي و همــ . ــوت وانام تاني حايلتها هنية: – يابنتي الله يهديكِ قومي علشان جيلنا ضيف ولازم نرحب بيه هزت رأسها بلا مبالاة وسحبت وسادتها من جديد ووضعتها على رأسها بعدما قالت بسأم : -مليش فيه انا عايزة انام وبعدين هيكون مين اللي جاي يعني – هاشم قالتها هنية وهي تنظر لها بترقب لترمش هي بأهدابها بعدم تصديق ثم نهضت بسرعة متناهية من على الفراش وهي تهتف بتلهف بعدما مسكت كفوف والدتها : – بجد يا ماما هاشم جاي النهاردة هو اللي قالك جاي يصالحني مش كده هزت هنية رأسها وقالت بأمل: – لأ يا بنتي انا اللي عزمته و قولت تاخدو وتدو مع بعض في الكلام يمكن ربنا يهديكم وتريحو بالي أطرقت مي رأسها بإحباط وهمهمت: – ما إحنا بنشوف بعض في المستشفى وعلى طول بيتقصد يجرح فيا يعني ايه اللي هيتغير حاولت هنية مواستها: -معلش يا حبيبتي مسيره يرجع بس هو محتاج وقت يداوي كرامته اللي انتِ مرمطي بيها الأرض ابتسمت مي وهمست بأمل: – يارب ياماما لتشجعها هنية: – طب يلا علشان تعمليلي البسبوسة اللي بيحبها و تلحقي تجهزي عايزاكِ تتشيكي على الأخر أومأت لها مي وقبلتها من وجنتها وانطلقت الى المطبخ تعد الحلوى خاصته التي يعشقها. ———————— عند وصول اكرم إلى قصر العزازي استقبلته هند وقصت عليه ما بدر من ابنها وبعد حديث مطول منها انسحب اكرم الى غرفة صديقه طرق عدة طرقات متتالية وعندما يأس من فتحه للباب هتف بنبرة جهورية: – ياصقر افتح حصل مصايب في الشغل ولازم يكون عندك علم بيها…طب مش عايز المعلومات اللي طلبتها مني انا جبتلك الملف بتاعها زي ما قولتلي وحين تفوه بتلك الكلمات فتح صقر الباب بقوة وسحب من يده الملفات وظل يتفحصها ليهمهم أكرم متسأل بحذر بعدما شاهد الحطام الذي حل على الغرفة: -نهار ابيض… انت دغدغت الجناح بتاعك يا مفتري ايه اللي حصل لكل ده عاد صقر الى الداخل من جديد وجلس على طرف الفراش ليتبعه أكرم ويجلس بجانبه ويهمهم بقلق: -مالك يا صاحبي اول مرة اشوفك كده ايه اللي حصل يا صقر اتكلم التفت له وملامحه خالية من أي شئ سوى الحزن وهمهم بضيق: -طلعت بتشتغلني يا أكرم وفي حد هو اللي بعتهالي تضحك عليا وزي ما اتوقعت تماماً الملف بتاعها متفبرك و حتى اسم ابوها مختلف يظهر أن اللي خطط لها خططلها صح عقب أكرم بثقة: – انا متأكد ان حامد رئيس قسم التسويق كان عنده علم لأن مستحيل حاجة زي دي تعدي من تحت ايده وخصوصاً بعد ما اكتشفنا أن ذمته واسعة ومختلس من الميزانيات بتاعة الترويج، انا كلفت مدير الحسابات هيتصرف ولما يتحقق معاه اكيد هيقول كل حاجة زفر صقر بقوة بعدما نهض وولاه ظهره وهدر: -لأ انا هعرف بطريقة تانية اسهل بكتير ليتناول هاتفه ويطلب رقم المحامي الخاص به وعندما أتاه الرد تسائل بحزم: -عملت ايه؟ -عرفت لحضرتك كل المعلومات اللازمة اللي قدم بلاغ ضد عزت هو أكمل الصرفي عند تفوه المحامي الخاص به اسم أكمل شعر بوخز في صدره وظل يتسأل لمَ وما مصلحته ولكن عندما خطر بباله الماضي وقتها تيقن لغرضه ابتسم بعدم اتزان بعدما اغلق الخط وهو يلعن تحت انفاسه الغاضبة وسحب مفاتيحه وظل يخطو الى الخارج بخطوات قاسية غير مبالي بأن أكرم يتبعه وهو يهتف ويرجوه بالتمهل – يا صقر استنى قولي المحامي قالك ايه بلاش تتهور علشان خاطر ربنا اهدى لكن الآخر لم يلتفت له حتى واستمر في خطاه نحو سيارته وحين شرع بركوبها اندفع أكرم وجلس بجانبه هاتفًا: -مش هسيبك لوحدك وانت كده لينطلق صقر بسرعة فائقة نحو منزل ذلك اللعين وهو يتوعد له بالكثير. ————————— انتهت هي من إعداد حلواه المفضلة واستعدت لاستقبال فقد ارتدت فستان زيتوني يشابه لون عيناها ورفعت خصلاتها على هيئة ذيل حصان بعدما تركت خصلاتان متمردين على وجهها مما زاد من جاذبيتها فقد أكتفت فقط بأحمر الشفاه الوردي الذي يروقه عليها … تنفست بعمق بعدما أتاها رنين جرس الباب لتركض متلهفة وإن كادت أن تهم بفتحه استوقفتها والدتها وأشارت لها أنها هي من ستستقبله لتقف مي خلف والدتها وتقوم هنية بفتحه بتريث ليقع نظر مي عليه ببشاشته و نظراته الحنونة التي تركزت عليها حاملًا بيده باقة من الورود الرائعة…فظلت نظراتهم متشابكة لعدة ثواني حين أبتلع هو ريقه ببطء مميت بعدما رأى هيئتها التي تخطف الأنفاس وذلك الفستان الذي يقسم منحنياتها بشكل مهلك أثار اعصابه لتهتف هنية مرحبة بعدما ألتقطت نظراتهم: -اتفضل يا حبيبي البيت بيتك هو انت غريب تحمحم هو بعدما استعاد ثباته: -هتفضل يا مرات عمي أكيد بس اصل…قاطعه صوتها وهي تهتف بميوعة: -شوووومي كده تسبقني وتسبني اركن العربية لوحدي اغمض عينيه بقوة من نبرتها الرفيعة الغير مستحبة بالنسبة له وهمهم قاصد تبرير الأمر : – معلش يا مرات عمي بس نيرة صممت تيجي معايا علشان تتعرف عليكِ وخصوصاً النهاردة يوم اجازتي وكنت واعدها اتغدا معاها تنهدت هنية بضيق وأضافت بنبرة مجاملة باردة وهي تقيم نيرة بنظراتها: -وماله يا أبني ده بيتك وضيوفك على راسي اتفضلوا لتقول نيرة بنبرة مستفزة وهي تضغط على حروفها: – ميرسي يا طنط أومأت هنية لها بوجه متهجم وإن التفتت وجدت مي متجمدة مكانها و تناظره بصدمة عارمة فهل إلى ذلك الحد لم يعد يهتم لمشاعرها ليجلبها معه قطع نظراتها هنية وهي تربت على ذراعها بحنان وتحثها بنظراتها أن تتماسك لتدفعها برفق أمامها وحين التفتت و ولته ظهرها لعن هو تحت أنفاسه بعدما شاهد فتحة فستانها الذي يكشف عن مساحة كبيرة من ظهرها فظل يدلك رقبته ببطء قاصد الهاء عقله عن افكاره العابثة التي انتشله منها صوت نيرة التى لاحظت توتره البائن: – مالك يا شومي أومأ لها انه بخير ثم دفعها برفق لتسير معه إلى مائدة الطعام وبعد عدة دقائق من جلوسهم تحاشت هي النظر له وظلت تعبث بطبقها بشرود دون أن تمسسه وان ساد الصمت قالت هنية: – يارب الأكل يعجبك يا حبيبي انا عملتلك كل الأكل اللي انت بتحبه ومي عملتلك صنية بسبوسة ملي قلبك يحبها رد هاشم بامتنان: – شكراً يا مرات عمي الأكل حلو اوي يسلم ايدك لينظر ل مي ويقول ببرود اتقنه: – مكنش ليه لزوم تتعبي نفسك يا دكتورة ردت هي من بين أسنانها: -مفيش تعب يا دكتور لو أي ضيف غيرك كنت هرحب بيه برضو أومأ لها ببرود وهو يصك أسنانه لتنطق هنية وهي توجه حديثها ل نيرة قاصدة الهائهم عن المناقرة: – مش بتاكلي ليه انتِ مدقوتيش غير السلطة اوعي يكون اكلي مش عاجبك لتبرر نيرة بنبرة اثارت اشمئزاز مي التي كانت تطلق شرار من عيناها: Sorry – يا طنط اصل انا عاملة Diet علشان انا مش بحب التخن خالص وشومي حبيبي كمان بيحبني سمبتيك وبعدين اكلك كله Calories كتير صعب أكل منه زفرت مي بنفاذ صبر وهي تشعر أنها على وشك أن تنقض على تلك الشقراء اللعينة التي تتقصد غيظها وتفتك بها…ولكنها تماسكت بثبات مهترئ تتستر به على أوجاعها: – سيبيها يا ماما براحتها اهم حاجة أنها تبقى سمبتيك وتعجب البيه إحنا برضو يهمنا مصلحته… اومــــــــــــــــــــال… مش ابن عمي الدكتور أومأت لها هنية بقلة حيلة فهي تعلم أن ابنتها تتدعي الثبات أمامه ولكن بداخلها تتمزق ارباً من رؤيته مع آخرى فياليتها لم تدعوه من الأساس. لتعقب نيرة بميوعة وهي تتمسك بذراعه: -ميرسي يا مي على تفهمك وروحك الرياضية بس شومي بيمــ . ــوت فيا من غير حاجة لترفع اناملها وتداعب وجنته بجرأة وتتسائل: -مش كده يا شومي ازاح يدها بعصبية وهدر وهو ينهض: -انا شبعت عن اذنكم اغسل ايدي نظرت مي لآثاره بغيظ لتقول هنية موجهة حديثها ل نيرة قاصدة الهائها قليلًا: – تعالي معايا نعمل الشاي ووريني شطارتك يا نيرة أومأت لها واتبعتها الى المطبخ بحماس أما عنها اندفعت بعصبية نحو المرحاض وهدرت بوجهه بغيظ: -انت ايه البجاحة دي جايبها وجاي هنا ولا همك حد انت ايه معندكش احساس…اغلق الباب بسرعة حتى لا يستمع لهم أحد وقال بنبرة هادئة مبررًا: -مكنش قصدي حاجة وبعدين هي اللي شبططت فيا ولو سمحتي وطي صوتك شوية ابتسمت هي ساخرة وردت بشراسة متهكمة: -اوطي صوتي ليه خايف منها؟ زفر بنفاذ صبر وعقب على صراخها: -مي بلاش تعصبيني اسكتي احسنلك لم تعير تحذيره أهمية واستأنفت متحدية: – ولو مسكتش هتعمل ايه يا دكتور هاا مع كل حرف كانت تنطق به كان يتتبعه بعيناه التي انحصرت عند شفاهها المطلية بلونه المفضل ليبتلع ريقه ببطء شديد يحاول جاهداً أن لا ينساق إلى أفكاره العابثة نحوها لتثور هي بلا إنقطاع كالقطر في إندفاعه: -لأ والمفروض اصدق انك مظلوم وان هي يا حرام اللي شبططت فيك وانت بقى قولت وماله ميضرش لما احــر . ــق دم مي مش كده…اه ه ه ابتلع باقي حروفها بجوفه بعدما شعر انه كاد أن يفقد صوابه إن لم يفعلها فقد اقتنص فمها بقبلة هوجاء عوض بها حرمانه منها وبث بها اشتياقه لرحيقها فتلك هي الوسيلة الوحيدة الذي يستطيع أن يسكتها بها وغالباً تأتي نفعاً معها كما السابق و أما هي فكانت مثله الحنين والاشتياق قد غلبها فلم تقاوم بل تجاوبت معه ومدت يدها تخلل اناملها بين خصلاته، حين حاوط خصرها و رفعها برفق من الأرض لتعانق هي رقبته وتتعلق بها وهي مازالت تبادله بشغف ليسندها على المغسلة ويرفع ساقيها تحاوط خصره ثم نزل بتلثيماته الحارة على كافة عنقها ببطء شديد اهلكها وحين صدرت منها تلك الأنات الخافتة التي تدل على استمتاعها زئر هو برغبة جامحة وتناول فمها من جديد بنهم شديد وهو يشعر أنه بالنعيم ويحلق بها بعيدًا عن كل شيء أما عنها شعرت بأن روحها ردت لها من جديد وادركت أن رغبتها به تفوق قدرتها عن التحمل لتهمهم بتحشرج وأنفاس متقطعة من بين قبلاته المحمومة المأججة: – ارجعلي…يا ها…شم …ردني…ردني…لعصمتك وعند تفوهها بتلك الكلمات جمد جسده ونظراته معًا ثم انتفض كالملسوع بعدما انزلها محمحمًا بتحشرج وبأنفاس متلاحقة: -انا آسف معرفش عملت كده أزاي اعتدلت ببطء ونظرت له بصدمة عارمة فقد فاجأها كثيرًا بردة فعله ألهذه الدرجة يأسف لتلامسهم من جديد ولا يقبل رجوعه لها لتهمس هي بتلعثم و بنبرة مرتعشة: – يعني ايه آسف…اللي حصل ده مش معناه غير انك لسه بتحبني هدر هو بتسرع وبنبرة غاضبة من نفسه ومن تلك المشاعر التي اضعفت عزيمته نحوها: -ايوة بحبك ومأنكرتش ده بس مش هينفع نرجع انا مش عارف انسى جرحك لكرامتي ولا اهانتك لرجولتي ده كفاية علاقتك مع الكلـ. .ب اللي اسمه مازن واستغفالك ليا احمدي ربنا اني مقــ . ـــتلتكيش وقتها همهمت هي بقهر ودمعاتها متحجرة: -محصلش انا عمري ما استغفلتك انا طول عمري بحترمك وعمري ما سمحت لحد يتعدى حدوده معايا انا مش خاينة يا هاشم مش… خاينة صدقني حديثها لامس أوتار قلبه واستشعر صدقها لكن عقله اللعين أَبى أن ينصاع له فقد هز رأسه بعدم اقتناع وفتح صنبور المياه وغمر وجهه بالمياه الباردة لعلها تطفئ نيرانه وتساعده على رباط جأشه من جديد ثم فتح الباب بقوة واندفع إلى الخارج بعدما سحب نيرة من المطبخ وخرج بها خارج المنزل لتنظر هي لآثارهم بقهر وتنتــ. ــحب بقوة وهي تلعن غبائها الذي أوصلها الى هنا. ———————- أما عنها تلك التي اضنتها الحياة ظلت ملازمة تلك الغرفة الصغيرة التي استأجرها لها داخل أحد الفنادق المغمورة بالبلد لم تفعل شيء قط سوى النحيب والتحسر على حياتها البأساء وظلت تتسأل هل ياتري وجد رسالتها هل ألتمس لها العذر هل ياترى لو كانت أخبرته عن قسوة طفولتها وعن استغلال ابيها لها بتلك الطرق المشينة كان تعاطف معها وتدارك الأمر… هزت رأسها بقوة مستنكرة أفكارها فهي تعلم أنها خسرته الى الأبد ف صقر الذي تعرفه لن يتهاون ابدًا ولكن ما أراح ضميرها قليلًا أنها أخبرته بشأن المخطط اللعين واخبرته ايضًا انها لن تستطيع ايذائه بخصوص العمل فكل المعلومات التي أعطتها لذلك اللعين أكمل كانت كاذبة فهي تعمدت تضليله لبعض الوقت… هي لم تتردد لثانية واحدة بفعل ذلك حتى أنها لم تخشى من عقاب أكمل فحبها ل صقر كان أكبر من مخاوفها فلم يهن عليها أن تضر من ملك قلبها وأمانها الوحيد بالحياة… و بالرغم من كل شيء كان لديها يقين قوي يخبرها أنها ستخسره لذلك أرادت أن لا يذكرها بسوء فيكفي انها ستحرم منه للأبد فقد اخبرته برسالتها وأقسمت له أنها لم تدعي حبها له ويشهد الله انها حقًا احبته بكل صدق. كفكفت دمعاتها بيدها وسحبت سترته من حقيبة ملابسها وظلت تستنشقها بلهفة قاصدة الشعور ببعض الأمان التي حرمت منه ولكن ما أثار حنقها هو أن رائحته ليست بتلك القوة كالسابق فعبيرها الفحاح قد استرقه الهواء ولن يتبقى منه شيء لتنتــ. ــحب بقوة ويتعالى عويلها وهي تحتضنها و ينتابها تلك الرجفة المعتادة التي تنخر عظامها ولم تكن من الصقيع لا بل من دوافعها النفسية التي اكتسبتها في سنين شقائها. ———————- ظل يبحث عن ذلك اللعين طوال اليوم دون جدوى، بحث عنه بكل مكان من الممكن تواجده به لكن لم يجد له أثر وعندما يأس وضع رجاله بكل مكان قد يمكن أن يذهب إليه. تنهد بعمق بعدما توقف بسيارته أمام ذلك المكان الذي كان يعشقه سابقًا ويذكره بها وعندما جلس على مقعده المعتاد اتبعه أكرم الذي كان برفقته طوال رحلة بحثه ليهمهم أكرم: -مش هتروح ترتاح يا صقر شكلك تعبان جداً انت حتى ما اكلتش ولا نمت من امبارح رمقه صقر بملامح فارغة خالية من كل شيء وظل يراقب تلاطم الأمواج العاتية شاردًا ليستأنف أكرم: -مكنتش اعرف انك حبيتها اوي كده ابتسم هو ببهوت وقال بضيق من بين أنفاسه المختنقة: -شايف الجزيرة الصغيرة دي يا أكرم أومأ له أكرم بنعم حين نظر لمرمى عينه ليستأنف صقر: – شايف الموج بيخبط فيها ازاي من كل ناحية بيحاول يغرقها بس هي ثابتة وعمرها ما اتهزت ومفيش حاجة قدرت تأثر فيها أهو أنا شبهها مفيش حاجة هتغرقني ولا تهد فيا وهفضل زي ما أنا صقر العزازي ليصمت لبرهة ثم يستكمل بنبرة مهزومة تقطر بالألم مخالفة لكل ما تفوه به وهو يتطلع لذلك الخاتم بيده التي اهدته اياه: – بس ده ميمنعش اني مش هبطل افكر فيها ومش هبطل اتخيلها حوليا فكل مكان انا اللي مش قادر استوعبه هي أزاي مثلت عليا الحب كل ده علشان الفلوس للدرجادي استهونت بيا وبمشاعري ده انا كنت هتحدى الدنيا علشانها انا مترددتش ثانية أطلبها للجواز علشان مديش لنفسي مجال اتعدي حدودي معاها انا كنت هتجوزها يا أكرم علشان عمري ما حسيت اني مبسوط وبضحك من قلبي غير معاها كنت بحس بيها وهي بتنتفض فأيدي لما بلمسها ازاي عايزني أصدق أنها…هز رأسه بعدما استيعاب وهو يشعر أنه على حافة الجنون ثم هدر بهستيرية بعدما عجز عن التفوه بتلك الكلمة البذيئة: – انا لازم ألاقيها يا أكرم مستحيل تنتهي كل حاجة بالسهولة دي مش انا اللي واحدة تضحك عليا وتلعب بيا هلاقيها ووقتها هحاسبها بطريقتي وأنا متأكد أن أكمل الزفت ده هو الوحيد اللي يعرف مكانها ربت أكرم على ساقه بمواساة قائلًا: -إن شاء الله هتلاقيها يا صقر و متتسرعش بالحكم عليها يمكن كانت مضطرة حانت منه بسمة هازئة وهدر بثقة: – مفيش حاجة اسمها مضطرة وحتى لو كانت كان المفروض تواجهني وأنا كنت هحميها وكنت هحاول ألتمس ليها الأعذار همهم أكرم يحاول التخفيف عن صديقه: -يمكن كانت خايفة منك يا صقر ما انت عارف طباعك صعبة هز رأسه بعدم اقتناع وهدر: -متحاولش يا أكرم تواسيني وانت عارف طبعي ومش هغيره وهفضل اقولك بدل المرة الف مبحبش المبررات والأعذار الواهية مط أكرم فمه وهتف: -انا بس اللي هيجنني ومطير البرج اللي فاضل من دماغي هو ايه مصلحة أكمل من كده استطرد صقر بثقة وهو يزفر انفاسه دفعة واحدة: -انا عارف ليه…علشان يبعدني عن فدوة انا متأكد انه لسه بيحبها الغبي ليتسأل أكرم مستغربًا: – معقول لسه بيحبها طب سابها ليه يوم الفرح؟وبعد السنين دي كلها راجع يصلح الغلط بغلط اكبر منه طب ليه ايه اللي جد… ده أكيد مجــ . ــنون هز صقر رأسه بيأس وقال: – الوحيد اللي يقدر يجاوبك هو أكمل نفسه أومأ له أكرم بتفهم وظل صامت بجواره أما صقر شرد بحزن من جديد بكل ما حدث. ——————— أما في ذلك المخزن المتطرف ذاته ظل يصرخ مازن باستغاثة وهو يتلقى الضــ . ـربات الموجعة من رجال أكمل الذي كان يجلس بالزاوية وعلى وجهه ابتسامة متشفيه يتذكر ما مر بينه وبين صديقه. flash back دلف إلى شقته بسأم وهو يطالع الظلام الدامس من حوله، مد يده على المكبس الخاص بالإنــ ــارة وهو يهدر بصياح في ذلك القابع في ركن الغرفة ويضع رأسه بين يده: -هو انت هتفضل كده كتير قوم يا أخي احلق دقنك وخد دش وتعالى نخرج هز هاشم رأسه بلا ولم ينبس بشيء ليرجوه أكمل: – طب على الاقل قوم كُل لقمة ده انت بقالك كذا يوم على الوضع الزفت ده اجابه هاشم بضيق شديد: -سيبني لوحدي رد اكمل بإصرار: -مش هسيبك غير لما ترجع هاشم اللي اعرفه ليصرخ به هاشم: – يظهر اني غلطت لما جيتلك كان مفروض بعد اللي حصل في الحفلة أقطع علاقتي بيك للأبد بس اعمل ايه مليش غيرك وطول عمرك اقرب حد ليا ولو كنت لوحدي كان زماني اتجننت أو مــ . ــوتت نفسي وخلصت حانت منه بسمة ساخرة ورد: -باين عليك اتجننت تمــ . ــوت نفسك ليه علشانها دي متستهلكش عقب هاشم بيأس وبصوت هستيري منفعل: -عارف بس غصب عني…بحبها يا أكمل ونفسي اعرف عملت فيا ليه كده؟…فيه ايه هو احسن مني؟رد عليا يا أكمل قولي هو احسن مني في ايه علشان تخوني معاه؟ هدر بجملته ودموعه منسابة بقلة حيلة وخزي من مشاعره اقترب منه أكمل وهو يربت على ذراعه بمواساة قائلًا: -معتقدش انها خانتك مي بنت ناس ومتربية مستحيل تعمل كده هو تلقيهم كانوا بيتكلموا بس والزفت اللي اسمه مازن ده انا كنت عارف من فدوة زمان انه اتقدملها كذا مرة قبليك بس ابوها مرضاش علشان حس انه وصولي وطماع ابتسم هاشم بعدم اتزان وعقب على حديث صديقه: -يعني انت كمان كنت عارف أنها كانت تعرفه حاول أكمل أن يجعله يغض الطرف عن أفكاره: -هاشم فوق الكلام ده قديم صدقني نفى هاشم برأسه بعدم اقتناع و برر بنبرة متألمة: – بقولك سمعته بيكلمها كان فاكرني هي وبيقولها انا بحبك وهستناكِ تخلصي من هاشم… وكمان اتفضل ليرفع هاتفه أمام ناظريه: -بيجيلي رسايل وصور ليهم من رقم برايڤت مش بيظهر قبـ . ــض أكمل على منكبيه وهو يحسه على الصمود أكثر: -اسمع قسم بالله لو مرجعتش لعقلك لأكون نازل فيك ضــ . ـرب….انت هترجع لشغلك وهتثبتلها انك مش ضعيف من غيرها ولازم تحس انها مش فارقة معاك وانا عندي فكرة هتجيب مناخيرها الأرض أما بقى مازن ده انا متأكد ان كل ده من تخطيطه… انا هجبلك تاريخ حياته بس انت أصبر عليا اصل الشويتين دول يدخلو عليك انت علشان طيب لكن انا لأ… نكزه هاشم بذراعه وعقب: – رغم انك جِبلة وعديم الإحساس بس صاحب جدع وانا ماليش غيرك ضحك أكمل بعبث وشاكسه : -ايوة كده ارجع الحنين اللي اعرفه رد هاشم معترض: -تاني حنين طب غور بقى من وشي يا جبلة ليضــ . ـربه هاشم بكتفه ويرد له أكمل الضــ . ـربة مشاكسًا و بسمة ودودة صافية تنم عن محبة خالصة لصديقه تتراقص على فمه. End flashback افاق من شروده على صرخة آخرى ولكن اشد قد أصابته بطنين إذنه ليهدر ساخراً بعد أن أشعل سيجاره: -بتصرخي ليه يا بيضة شبه الحريم ليؤشر لرجاله أن يكفوا عن ضــ . ـربه ويثبتوه بقوة من منكبيه بالأرض رفع مازن عينه ل أكمل وقال بنبرة متألمة: – انتم مين وعايزين ايه مني انا بقالي كتير محبوس هنا ومش فاهم حاجة ضحك أكمل باستفزاز وهدر بحدة: – انت اللي جيت لقضاك صرخ مازن بهستيرية: -انا هوديكم في داهية هي البلد سايبة ولا ايه انتم خطفني عقب أكمل ساخرًا وهو يدهس سيجارته المشتعلة بكعب حذائه: – يابيضة بتعرفي تودي في داهية ولا اعلمك…لأ اعلمك احسن ليجثو مقابل له ببسمته المعتادة ويقول متهكمًا أمام وجهه المدمي: -رغم شغلك المشبوه بره وتعاونك مع مافيا تجارة الاعضاء والمخاطر اللي بتتعرض ليها إلا انك هتمــ . ــوت علشان سبب تافه جدًا ليضحك بعلو صوته ويضيف باستهزاء مستفز للغاية: -تخيل تمــ . ــوت علشان بتحاول تشقط واحدة متجوزة تسأل مازن بذهول وقد خبت انفاسه من شدة رهبته: -انت جبت الكلام ده منين؟ رد أكمل بكل ثقة: – انا عرفت عنك كل حاجة من يوم متولدت وكنت بلبوص ونصيحة مني بلاش تتعبني وتلف وتدور ولا تحب نقول لمراتك الأمريكية وبنتك على و*** ابتلع مازن ريقه بخوف وقال بنبرة مرتجفة: -والمطلوب ايه؟ دنى منه أكمل أكثر وهو يربت على وجنته بقوة هادرًا: -تعجبني…عايزك تحكيلي من ساعة ما رجعت عن مطاردتك ل مي الجارحي أومأ له بالموافقة ليخرج أكمل هاتفه ويقوم بإعطائه لأحد رجاله ليسجل اعترافه وبعد وقت قليل وبعد أنتهاء تسجيله تناول هاتفه ووضعه بجيب سترته وقال بتهكم: -طلعت مش سهل انت يعني كنت بتراقب بيتها وكنت عارف ان هاشم عندها لما اتكلمت في التليفون وكنت متأكد أنه هو مش هي اللي هيرد عليك لأ صايع وكمان كنت انت اللي بتبعتله الصور والرسايل بعد ما تفبركها أقر مازن بحقد: -اه عملت كل ده وكان عندي استعداد اعمل اكتر بس اخرب بيتها واكسر مناخيرها اللي في السما توعد أكمل له بغيظ: – ايه البجاحة دي يا بيضة طب وحياة امك لتتنفخي علشان الكلمتين دول هدر مازن بذعر وهو يتلوى يحاول التملص من قبـ . ــضتهم : -متقدرش…سيبني امشي ضحك أكمل ساخراً و أضاف بمكر: -لا يابيضة انتِ هتفضلي منورانا لغاية يوم سفرك ورجالتي بنفسهم هيوصلوك للمطار ليؤشر لرجاله بأستئناف ضــ . ـربهم ليأتيه صيحاته المتألمة من جديد ليبتسم بأنتصار بعدما ألتفت ليغادر ويقول متشفيًا: -كمان يا بيضة صرخي زي الحريم علشان مسمعتش وإن خطى بضع خطوات للخارج تناول هاتفه الذي لم يكف عن الرنين منذ وقت طويل و أجاب بسأم لأحد رجاله: – في ايه يا جاسم مبتفصلش ليه ايه اللي حصل؟ -آسف يا أكمل بيه بس صقر العزازي بيدور عليك وشكله مش ناوي على خير ده حتى سايب رجالته في كل مكان علشان يبلغوه بوصولك ابتسم أكمل بمكر وهدر: -وماله خليه يلف حولين نفسه لغاية بكرة وساعتها انا هروحله برجلي لغاية عنده علشان أبشره ليغلق الخط ويعتلي ثغره بسمة متشفية كونه على بعد خطوات من تحقيق غايته التي كان الدافع الأوحد لها هو شيطانه الارعن الذي اغشى على بصيرته. التاسع عشر صباح يوم جديد مليء بالأحداث الكارثية استعد للذهاب الى العمل لعله يلهي ذهنه عن التفكير فيما حدث فرغم حطام قلبه إلا أنه أصر على التماسك حتى لا يثير سخرية من حوله وعندما انتهى من ارتداء ملابسه تناهى الى مسامعه طرقات خافتة على باب غرفته، وحين أذن للطارق بالدخول تقدمت فدوة منه وعلى ثغرها ابتسامة هادئة قائلة بنبرة مترقبة: – صباح الخير يا صقر ممكن اتكلم معاك؟ أومأ لها وهو يرتدي سترته ويهندم من هيئته أمام المرآة لتهمهم هي: -انت احسن دلوقتي امبارح كانت حالتك صعبة اوي وخوفت عليك اجابها بإقتضاب: -انا كويس يا فدوة متقلقيش لتتسأل بحذر: -مش هتحكيلي كان مالك وايه اللي عصبك اوي كده وخرجك عن شعورك تنهد بعمق وجلس بجانبها على الأريكة التي تتوسط الغرفة وقال في ضيق: -كنت مضايق وخلاص رتبت هي على ساقه وقالت بخفة قاصدة التخفيف عنه: -انا متأكدة ان اللي انت فيه ده وراه واحدة و واحدة زي القمر كمان بيتهيألي انا عارفاها البنت اللي كانت في المكتب مش كده اللي كان اسمها فتون صح… زفر بضيق بعدما شعر بأن خنجر مسموم انغرس بقلبه عند سماعه اسمها وقال يدعي الثبات: – الحكاية خلصت قبل ما تبتدي يا فدوة اتغشيت فيها بس انتِ عارفاني مفيش حاجة هتأثر عليا رمشت عدة مرات بتفكير ثم قالت وهي تربت على يده: – أزاي اتغشيت فيها يا صقر دي كان باين من نظراتها انها بتحبك انا فهمتها اول ماشوفتها صدقني…إحنا بنات ونفهم حركات بعض وضح هو بعصبية: -كل ده كان تمثيل علشان تلعب بيا أنكمشت معالمها وتسألت من جديد: -طب وايه مصلحتها بس أجابها هو يشعر انه على حافة الجنون: -مش عارف في شكوك كتير جوايا وخايف تطلع صح بس اللي اعرفه أن أكمل الصرفي عنده إجابة لكل اسئلتي انقبـ . ــض قلبها حين ذكر أسمه لتردد بتلعثم وبعيون زائغة: – أكمل…ايه علاقته؟ رد صقر بثقة نابعة من يقينه القوي: -هو اللي بعتها ليا ومتسأليش عن السبب علشان انا وانتِ عارفين كويس غامت عيناها وهمهمت وهي تشعر أن كل ما حولها يدور بها بعدما تفهمت الى ماذا يرمي بحديثه: – قصدك انا السبب مش كده علشان يبعدك عني أومأ لها بضيق ثم نهض عازم الخروج ولكن قبل أن يلتفت يقول لها بنبرة صارمة غير قابلة للنقاش: – عايزك تحطي في دماغك ان لو أكمل ده أخر راجل على وش الأرض مستحيل هتبقي ليه من تاني ليستأنف بتهكم تقصده: -واظن ده رأيك كمان وده نفس الكلام اللي قولتهولي قبل كده ولا انتِ عندك رأي تاني أومأت له بضعف نافية بعدما انسلتت دمعة خائنة من عيناها ولا تعلم سبب لها ليستأنف هو: – انا سألت عن آسر واتأكدت من المعلومات اللي انتِ عطيتهالي عنه وعن دار الأزياء بتاعته اللي في باريس انا معنديش مانع تسافري في أقرب وقت وتشوفي مستقبلك وتبدأي من جديد الحياة اللي انتِ اخترتيها بإرادتك وإذا كان على امي انا هقنعها بنفسي ردت هي بثبات زائف: -شكراً يا صقر على احترامك لرغبتي أنا اصلًا كنت جاية اقولك ان آسر عايز يقابلك ويشرحلك كل اللي حابب تعرفه بس الحمد لله انك اقتنعت لوحدك أومأ لها بتفهم وإن كاد ان يخطو خارج الغرفة باغتته بسؤالها الذي صدر منها دون ارادة ولا تفكير: -انت ناوي تأذيه التفت لها برأسه وقال بحزم: -متسأليش ومبقاش يهمك وياريت تفكري في حياتك الجديدة وبس أومأت له ببسمة باهتة اغتصبتها على ثغرها لينصرف هو وتركها خلفه تتمسك بالقلادة التي تحاوط عنقها بقوة وهي تشعر بأنقباض قلبها وان شيء سيء سيحدث. ———————–

مقالات ذات صلة

هل يجوز الوصية بدفن المصحف فى الكفن ليكون عاصماً له من العذاب ­ ­

أحببت فلاحة بقلم فاطمة وجدي

تنصحوني اعمل ايه

بيان برلماني عااااجل لإقالة وزير التعليم من منصبه

الشيطا..ن يقع في الع..شق بقلم سوليه نصار ج١

بنت الأكابر بقلم ندا شرقاوي

اترك تعليقاً إلغاء الرد

هل يجوز الوصية بدفن المصحف فى الكفن ليكون عاصماً له من العذاب